ضاقت الدنيا فيني ساعدوني قبل انهار

1. طبعا بتسالون عن وضعي مع زوجي


2. صبرت على وضعه المادي السيئ وصبرت رغم هذا انه يرسل لاهله فلوس


3. واذا تكلمت قال ليه ناقصك شئ اكله وشاربه وش ناقصك احمدي ربك

السلام عليكم ورحمة الله وبركاته
بصراحه راح ادخل في الموضوع على طول
انا طبعي ما اعلم اهلي بأي شئ يصير بيني وبين زوجي وخاصه امي
احيان تضيق فيني الدنيا واقول الا اختي بس بصراحه ما اقول لها على كل شئ واحيانا ازيد من عندي في اخذ العذر له
الصدمه كانت امي اتصلت عليه من اسبوعين وقالت لي انا حلمت حلم مو زين بزوجك وفيك وجلست تسالني عن اوضاعي وانا اقول لها مافينا شئ والحمد لله مبسوطين
طبعا تعرفون قلب الام ما ارتاحت لانها تعرف طبعي كتومه
تسالون عن زوجي ؟؟ زوجي يحب اهلي واهلي بعد يعزونه وينبسطون معه والحمد لله ماعمر صار بينهم شئ
حتى اهلي يعاملونه مثل ولدهم اكثر من زوج اختي وهو محترمهم ويحبهم ويحب يروح عندهم ينبسط مره
المهم امي اتصلت عليه اليوم تقول انا حلمت حلم ثاني مو زين وانا سالت عن الحلم الاول شيخ وفسره لي بشئ مو زين
وتسالني زوجك وش يسوي فيك وقالت انا راح اكلمه قلت لها لاتكلمينه ولا شئ انا راح اقول له
انا بصراحه ما ابيه يعرف شئ مدري خايفه ما ابي يصير بينه وبين امي شئ

طبعا بتسالون عن وضعي مع زوجي

انا صراحه في الفتره الاخيره اوضاعنا مو تمام زوجي عنده القولون العصبي ويعصب بسرعه
بس قلبه طيب معي يعني حنون بس الفتره الاخيره احسه صار يتعمد يهينني يعني اذا طلبت شئ للي من السوق يقول لي كلام جارح واني ما استاهل ويقولها وهو يضحك هو قصده انه يبي يمزح معي (مع العلم ان صار لي 6 شهور مارحت السوق وناقصني اشياء لي ولولدي)
مره انفجرت وقلت له ليش هالاسلوب التافه انت تضايقني وبكيت قال انا امزح معك وزعل قال خلاص ماراح اعاملك الا رسمي وما امزح معك>>> سبحان الله المزح ما يجي الا بالاهانه؟؟
والله يابنات اني ما احبه مثل قبل انا من يوم تزوجت وانا اعاني في البدايه مع امه والحين معاه هو

صبرت على وضعه المادي السيئ وصبرت رغم هذا انه يرسل لاهله فلوس

واذا تكلمت قال ليه ناقصك شئ اكله وشاربه وش ناقصك احمدي ربك

انا عند اهلي كنت فوق القمر ويوم تزوجت فقدت اشياء كثيره انا اقول لازم اصبر لان هذا زوجي مره قلت له انا ما تزوجت عشان عندي رغبه بالزواج بس عشان اهلي يبون يفرحون فيني وانا ماكان ناقصني شئ وماتزوجت عشان انهان
بس الظلم انه ما يرضى على اهله ويرسل لهم لو حتى يتدين
تصدقون اول مره اشكي لا احد واقول بكل شئ بكل وضوع وصدق
والحين ابي منكم تساعدوني وش اسوي مع امي وش اقول لزوجي
هل هو غلط والا صح اني اعلمه بحلم امي زوجي من النوع اللي ما يحب احد يتدخل بحياتنا لا من قريب ولا بعيد
وش الحل مع تصرفات زوجي انا تعبت
الاسبوع الجاي رايحه لاهلي وابي اعدل الاوضاع قبل اروح لهم لان امي مصدومه واحس امي كرهته
نسيت اقول ان زوجي ما يجامل ابدا حتى لو تعبت في اني اسعده يعطيني الكلام على طول بدون حتى شكرا
الله يوفقها اللي ترد لو بدعوه واذا عندكم اقتراحات وحلول قولوها لي
والله ضايقه الدنيا فيني من فتره جاني اكتئاب من الهم وكنت ما اقدر انام وبس ابكي ساعدوني
والف شكر لكم انكم فتحتم قلوبكم لي