طريقتي اهديها للمحرومات من هدايا العيد من ازواجهم

يا طعم العيد ويا حلاته بالهدية مال أو عطر أو غيره خاصة إذا كان من زوجك شريك حياتك
ويا كثر الأزواج اللي يجحدونك ما يفكرون بااحاسيسك ومشاعرك سواء عيد أو غيره
مليت كل عيد وكل مناسبة أهدي له ..
أعطيته ما نفع
لمحت له ..ما نفع
صارحته ..وربي ما نفع
يقول وبضحكة أنا كلي لك ( عساك باللي منب قائلة )
لا تقولين لا تنتظرين الرد إحنا أزواج مو زملاء .. ولازم يبادلني
هدية العيد مو شرط عندي تكون غالية ..
ولو وردة
بس معناها عندي كبير يكفي منها تجديد وزيادة حب للعلاقة الزوجية
ويكفي أنه عرف مقداري ..وتذكرني في أعظم مناسبات المسلمين وهي العيدين ..
ويوم شفت بروده سويت هذه الطريقة اتمنى اللي مثلي تعجبها وهي ((
أصبحت أهدي نفسي واشتري هدية وأغلفها من اروع تغليف وأخليها على تسريحتي وبعد صلاة العيد وبعد الفطور والقهوة
أشيل ولدي ( عمره 7 شهور )واعطيه الهدية وأفكها معها ..طبعا بينبسط وبيقول تمام ..عالباله له ويتفأجا أنها لك
بكذا احرجتيه وانتي سويتي اكشن بيفرحك ولو بنسبة بسيطة
العيد هذا يسأل ابو الشباب وين الهدية تراني انتظرك ؟؟ ( له وجه بعد )
قلت له بايتسامة : لكل شئ ردة فعل وهدية العيد مسحتها من اهتمامتي إلا أنك تحييها فحياها الله هات يالغالي وخذ
وأنا يا حبيبي كلي لك ( كلمته الأوله اللي ازعجني فيها إذا قلت له وين هديتي )
طريقة اخرى :
اكتبي في لوحة ( طريقك إلى هدية العيد ) ضعيها على الدولاب إو قدام باب الشقة وبتكوني
وضعتي خطوات أرجل على الأرض (اشتريها جاهزة أو سويها بنفسك ) من غرفتك أو من باب الشقة
لغرفة التلفزيون اللي بتجلسوا فيها وخلي الطريق لو فيه إمكانية
متعرج وانثري عليه قصاصات الأوراق الملونة والبالون الصغير
إذا وصل حطيها في يده وخليه يفك تغليفها ..أول ما بيشوف هذه العبارة ( اللي تكوني مجهزتها في الكرتونة )
(((نفسك أبت إلا أن تهديك أجمل هدية لأروع إنسانة احبتها .وإن كانت شئيا بسيطا عذرا لكنها تريدك مع
زمرة المتزوجات اللاتي يستحقون تكريمهم في عيد الفطر المبار ك واتحدى ان تجدي أحدا ينافسني في تقديرك ))) .
إذا له وجه بيستحي .وإذا وجه مغسول بمرق ترى بتدق بنفسه حتى لو ما بيّن عليه ويستاهل
اتمنى الموضوع يعجبكم
منقوول