طلبتكم فراشاتي العزيزات بنات بوظبي لوسمحتوا دشوا

عندج دولا... اسم صالونها على اسمها..
وجويل بعد...
هالثنتين مكياجهن مضمون و تسريحات صالونهم حلوة....
السكوون

اختي ،،، ما أنصحج أبدا بدولا أو كاتيا ليش إني من فترة قريبة مجربتهم ،، دولا تحط لناس وناس على حسب مزاجها ،، إلي عندها مناسبة تهتم فيها والمرافقات تخربطلهم أي شي وما تتقبل أي انتقاد وكاتيا طيوبة بس مكياجها مال تخريع حتى الثالثة الموجودة وايد تخربط ،، وكل اللي يكونون في الصالون يصيرون مثل مثل وكنهم نسخ من بعضهم ،، هاي نصيحة لوجه الله وانت حرة

يلا يالفراشات ردو علي ترا الوقت صار ضيج ونبا نحجز

صباح الخير
وايد يمدحون صالون عروس الخليج يقولون كل العاملات بالصالون
يعرفن يسون مكياج روعه, ويخفي العيوب

اهلا اختي..
بس انا جربت دولا و كاتيا...
وعادي...مافيه شي المكياج...
بس شخصيا احس انهن ما ضبطن مكياجي..لأن عيوني صعبة..
لكن باقي خواتي ...روعة...و كل وحدة غير....
حاليا انا عندي مناسبة..واحتمال كبير اجرب صفية النويس..صالونها اسمه صوفيا بيوتي....للمرة الثانية..
بس بعد هذي..انتي و حظج...
اما عروس الخليج...
ما افكر أسيرله...نفسيا ما ارتاحله....دايما زحمة..و الكل مطيح عنده..
وارجع اذكرج بجويل....مكياجها حلو...جربته من قبل...
ونصيحة خذيها مني...
ابدا لا تعلقين على شغل اي ماكييره....
ممكن بس توضحين اللي تبينه قبل...مثلا تقوليلها اللون..و الكحل مثلا مفتوح... و ما تحبين تكبرين شفايفج وايد..
لن مثل ما قلتي..أغلبهن ما يحبن النقد...وعاد انتي بين ايديهن..والله يستر شو بيسونبج...ههه...
والله يوفقج..

انا اعرف مركز فيسز عندهم وحده اسمها هاله تحط مكياج وايد حلو انصحج تسيرين لهم
يا ريت اكون افتدتج