طلعت من البيت أرقص ودخلت فيه أبكي

بسم الله الرحمن الرحيم
طلعت من البيت أرقص ودخلت فيه أبكي
السالفة و ما فيها
عيالي بيروحون المدرسة واقوم مثل النزقه وأطلع معاهم ارقص طربا فرحانه
وأركب السيارة وزوجي مكشر وده يذبحني وأنا مطنشه ماهمني كلا ابي ألحق أخذ القلة قبل مايجحدني
والله إني أنتظر الراتب على أحر من الجمر البيت مافيه مقاضي وطلبات العيال المساكين وغيره
المهم وصلنا العيال المدرسه وبعدين قلت له خلينا نروح نقضي للبيت قال أكيد الراتب ماطلع يصرفني واقوله ان شاء الله إنه طالع وفعلا دق الحساب في الصراف ولقاه طلع فرحت من قدي جاء الفرج قلت له عاد سدد جوالي المقطوع ونفخ في وجهي وقال لالالالالالالالالالالالالالالالالالالالالالالالالا لالالالالالالالالالالالالا
حسبي الله عليه المصيبه إن الجوال يسدده اخوي من أربع سنين وانا والله استحيت من اخوي من كثرما يسدده المهم إنفجرت القنبلة ساعتها وبديت ابكي وأدعي عليه وأتحسب محتره وهو بعد قام يدعي علي كنه مظلوم ولاتقولون يمكن فقير ولاراتبه ضعيف الحمدلله وسط بس قلة الدبره والدلاخة
ورجعني البيت ودخلته وانا ابكي صحيح شر البلية مايضحك علما مايصرف علي ولا يعطيني من فلوسة وكسوة العيد مايعطيني إياها وأنا معطيته ورثي من ابي وسدد ديونه وأثثت جزء كبير من البيت وكل محتاج فرجت له واصرف أحيانا على البيت وكان حبيب معي ولماخلص ذلك الورث بان على حقيقته ويوم إحتجت كذا يسوي فيني اتق شر من احسنت اليه والحمدلله دخلت بيتي وبكيت لماصفى راسي وتعوذت من الشيطان
كتبت لكم سالفتي تقلون لي وش رايكم
اللهم إكفنا بحلالك عن حرامك وإغننا منفضلك عما سواك
لاتنسوني من دعاكم