عادات سلبيه اثناء الأكل و نصائح لتجنب السمنة

السلام عليكم ورحمة الله وبركاته
اخواتي العزيزات
جبت لم معي شوية نصائح من واقع تجربتي الخاصة
حتى نتعلم من بعض أخطائنا في الأكل
اللي ممكن توصلنا للسمنة بدون ماننتبه
حتى لو كنا نتبع حمية..
بصراحة هي مجموعة عادات سيئة
متعودين عليها عند الأكل..
ماطول عليكم كثر الكلام..
الزيده فيما هوآت:
واحد:
إياك ثم إياك تجلسين على سفرة الأكل بعد ماتنتهين
يعني أول ماتحسين إنك شبعانه فزي عن السفره وقومي!
ثانياً:
انتبهي تطقين حنك و تسولفين مع ضيوفك على السفره
لأن السفره لما تنحط تكون للأكل و بس مش للسوالف
واحنا يالحريم ماتحلالنا السوالف إلا اذا قعدنا على الأكل
رغم ان السوالف تخلينا نمد يدينا لا شعوريا على أصناف الأكل
ويالله نبدا ناكل و ناكل حتى لو شبعانين..بس السوالف تخلينا
نتسلى بالأكل!
ثالثاً:
لما تاكلين ساندويتش مثلاً وحسيت بالشبعه وانتي لسا ما خلصتي
الساندويتش..خلاص طوالي نزليها من يدك..إياك تتغصبين
الأكل بس عشان تنهين الساندويتش أو صحن المكرونه..واحنا فينا
عادة لما يبقى شوي نقول: حرام مابقى الا هالقطعه ..والقطعه هذي
ممكن تغثنا بدون ماندري..الباقي شيليه في الثلاجه أو أرسليه لأحد
لكن لاتاكلينه بالقوة بس عشان نتهينه!
رابعاً:
خذي وقتك اثناء الأكل!!..يعني شلون؟
يعني كلي حبه حبه..اتنفسي بين اللقمة و الثانية..
مش تاكلين اللقمة ورا الثانيه حتى الأولى مايمديها نزلت مع
بلعومك الا والثانية وراها..امضغيها على مهلك..يعني استمتعي
باللي تاكلينه !
خامساً:
دائماً لما تحطين الأكل..حاولي يكون فيه صحن خاص فيك..
تاخذي لك بالملعقة من الرز وشوية سلطه فيه..يعني لا يكون الأكل
جماعي من نفس الصحن..لا..لازم يكون لك صحن جانبي تغرفين لك
فيه..كذا تحددين الكمية ..وسبحان الله دائماً نشبع من أول صحن.
سادساًو هو الأهم:
كماجاء في الأثربمامعناه..ثلث لطعامك و ثلث لشرابك
وثلث لنفسك.زأو بمامعناه
هذي مجموعة نصائح
يالله من يزود