عاشقات في قبضة القدر

1. بسم الله الرحمن الرحيم..


2. السلام عليكم ورحمة الله وبركاته...عزيزاتنا

بسم الله الرحمن الرحيم..

السلام عليكم ورحمة الله وبركاته...عزيزاتنا

نقدم اليكم روايتنا التي جمعتنا على الحلوه والمره روايتنا التي كانت المتنفس الوحيد لكل افكارنا التي داعبت مخيلاتنا روايتنا التي كانت بمثابة سفينه ابحرنا بها في بحر الخيال وتحدينا بها عثرات الواقع وهمومه فكانت لنا الملجأ الوحيد الذي يحتوينا في كل الاوقات ...وهانحن اليوم نبعثها لكم لتشاركونا فيها وكلنا امل بأن تحوز على اعجابم ورضاكم...
الفصل الاول..
الثلاثاءمن شهر رمضان الساعه 9:40الليل
في سوق من اسواق جده الشعبيه المعروف بممراته الضيقه ومحلاته الصغيره المزينه بملابسها الملونه اللي كانت البساطه تغلب عليها..
ربى وهي ماسكه بيدها بلوزه ملونه:بنات شوفو شوفو هالبلوزه حلوه صح
ريوف:يع زي وجهك
فتاين وهي تسحب لها بنطلون جينز من الملابس اللي قدامها وبصوت عالي:بزران تعالو شوفو هالبنطلون وش رايكم فيه والله شكله على الموضه
ربى قربت من فتاين وسحبت البنطلون منها:اشوف والله هذا مع بلوزتي كشخه...واخذته وراحت
فتاين بقهر:شوف الملع؟ انا اطلع وهي تاخذ
ريوف وهي طفشانه من الحر والزحمه:عادي متعودين ماجبتي شي جديد....الا البندري وينها فيه
فتاين وهي تقلب الملابس:يعني وين اكيد في محلات اشباهها
ريوف:طيب امشي خلينا نروح لها نشوف وش مسويه
فتاين:يالله...
==============================
كانت في محل الملابس الرياضيه لاولاد وقالبته فوق تحت والسوداني صاحب المحل نفسه يموتها
البندري وهي ماسكه بلوزة لفريق الهلال:هي يازول مافيه مقاس كبير
ريوف اللي دخلت على اخرجمله:هي انتي تبين تلبسين وتلبسين الحاره معاك
البندري:انتي اش دخل اهلك خليني اتوسع واوسع على نفسي
فتاين وهي تدخل المحل لفت انتبهاها اثنين من الشباب اللي كانو واقفين عند سيارتهم الكرسيده
وفتحت الباب بسرعه:بنات الحقو صيده...وطلعت
ريوف طلعت من المحل والحقت فتاين اللي طارت وارتزت قدام السياره
السوداني:لحزه (لحظه)اشوف اش الداير براء وطلع ...بسرعه يبي يشوف وشهي الصيده
ناظرت البندري المحل الفاضي وبعيونها لمعة خبث وبكل خفه معتاده سحبت لها كم كاب وبلوزتين وشعار الهلال وحطتها في الكيس اللي معها
:خلاص في شي بعد ولفت نظرها في المحل وشدتها حذيان شرقيات وسحبتها معها وطلعت واول شي طاحت عينها عليه السوداني صاحب المحل:انت ماتستحي على وجهك تطلع وتترك الزباين جواء..هي عقاب لك ماراح اشتري منك شي وخل القز ينفعك وانتبه لمحلك لايجون اولاد السكران يشلحونك اللي عندك
================================
ريوف وهي تقز الولد:فتاين تتوقعين محفظته مليانه يعني تأهله للسرقه
فتاين وهي تعدل لثمتها علشان تبان عيونها: والله الصراحه السياره ماتأهل بس انتي ادعي
ريوف:شوفي ياقدم حواله والله وانا في بطن امي يوم طلع
فتاين:لا ويأشر به كمان
وقطع عليهم كلامهم صوت البندري اللي كانت تصارخ عليهم:فتاين ريوف
فتاين:ياربي من بنت الفقر هذي
ريوف:طنشيها ...بتروح فشلتنا الله يفشلها
البندري بعد ماقربت منهم:تعالو ياقليلات الادب ...ايوه بنات السكران ماعليكم شرهه...ولفت على الشباب اللي كانو يتميلحون
:وانت اش تناظر فيه انت ووجهك اول مره تشوف بنات
ناظرها الولد وابتسم بخبث...وغمز لها
البندري:عصيت وصقعته بالكيس على وجهه:من زين عيونك وبعد تغمز
فتاين لفت على ريوف وسحبتها من يدها:اقول شكلها شبت امشي مشي ..ندور الهايته ربى
ولفو البنات السوق كلها على ربى والي اخيرا لقوها جالسه عند حجه وناشبه في حلقها
ربى وهي ترفع الحلاوه:شوفي شوفي مو اصليه..والله حرام نفسي فيها
الحجه:واله يابتي هاده مايصير مايردي الله هادا راس مالو
ربى تربعت قدامها:طيب انتي صلي على النبي
============================
في قصر من افخم قصور جده اللي كان يتميز بخامته وخدمه وحشمه
كانت نازله مع الدرج بعبايتها المخصره المفتوحه اللي مبينه بنطلونها الجينز وماسكه بيدها جوالها اللي يلمع بكرستالاته
ويدها الثانيه ماسكه نظارتها شانيل اللي اشترتها من اخر سفره لها في باريس
وبصوت كله انوثه ونعومه:هاي
ام مشعل اللي كانت جالسه رجل على رجل: هاي ..حبيبتي اشوفك طالعه
ميساء بنعومه:ايه بطلع مواعده وحده من البنات براء
ام مشعل:اوكيه ...حبيبتي بس انتبهي على نفسك
وفي هالحظه دخل مشعل من براء:السلام عليكم
الكل :وعليكم السلام
مشعل بعد ماجلس وشال نظارته عن عيونه الرماديه اللي اخذها هو ميساء عن امهم التركيه وبحماس :سمعتم اخر خبر
ميساء:لا
ام مشعل:هات اللي عندك سمعنا
مشعل يستهبل:متأكدين ..لالا مايصير محد اتصل محد كلم..لالاانتم وين عايشين
ميساء وهي تحط شنطتها الفوشيا على كتفها:اخلص وش عندك
مشعل:متأكدين ماسمعتم من هنا من هناك
ام مشعل بطفش:لا
مشعل:حتى انا ماسمعت شي
ميساء وهي توقف تبي تطلع :سخيف
مشعل:ماعليك زود بس بكره العيد
ام مشعل:والله
ميساء وهي طالعه:خلاص ثبت
مشعل:ايه الا جود وينها
ام مشعل:راحت الصالون مع صديقاتها
مشعل:المهم انا طالع انام ولا احد يزعجني
ام مشعل:بدري تو الناس
مشعل وهو يوقف وبهباله:لالا لازم ارتاح واريح بشرتي وعيوني يمكن تشوفني وحده وتعجب فيني وتخطبني
ام مشعل:روح روح الله يكملك بعقلك
مشعل وهو طالع:لالا اكثر من كذا عقل بصير بروفسيور
ام مشعل لفت على التليفون ودقت على الخدامه:الو..سيتي..دقي على مايا خليها تجي تسوي لي جلسة مساج
سيتي:اوكيه مدام....باي
======================
يد بلاستيشين مكسوره..سي ديهات في كل مكان..بنطلون معلق على الشباك..شماغ على الباب ..مخده مرميه فوق التلفيزيون..شعار الاتحاد مقطوع..شعار الاهلي مخبى تحت السرير..كان بين السريرين
:تدري انك واحد خاين..المعروف مايفيد فيك..خنة العشره..طعنتني في ظهري وطعنتك كانت في الصميم..سنين واحنا مع بعض وبها السهوله تهون عليك
دخل الغرفه وهو يسمع صوت اخوه سلطان اللي كان بيت السريرين ومو واضح منه شي ..ورمى نفسه على السسرير جنبه
سلطان اللي حس باخوه بندر:تصدق يابندر انه واحد خاين
بندر وهو يحط يده على قلبه:آآه بتعلمني فيه ياما نصحتك تبتعد عنه بس مافاد فيك
سلطان:تكفى خلاص اللي فيني مكفيني لاتزيد همي هم ولا تقلب المواجع
بندر:الله يعينك ياخوي احتسب الاجر واصبر اليوم الدنيا عليك بكره معاك
سلطان:بس ماتوقعت علشان حركه تافهه يزعل ولايكلمني ولايرد علي حتى الناس يطلبوني ومايوصلني بهم
بندر:تدري اصلا هذا واحد مايستاهل انك تزعل عليه الحقير الواطي
وقطع عليهم عبدالله اللي كان واقف على الباب ومتكي عليه:مين هذا اللي امه داعيه عليه
بندر:واحد ماعنده احساس واحد نشف دمنا ومانطق
سلطان قام وجلس على السرير وعدل شعره المنكوش:ليه من هذا
بندريناظره بستغراب:ليه انت من اول تغسل شراع مين
سلطان:جوالي
بندر:اوف كل هالسب والشتم وفي النهايه يطلع جوال
عبدالله :ياشيخ والا كنك كنت معه
بندر : وانا وش دراني على بالي ان اخوك صاحي
سلطان وهو يرمي عليه المخده: ليه يالمجنون وش وشايفني
وبندر وهو يرجع يرمي عليه المخده:المجنون انت واشكالك
سلطان:اذا كذا عادي رضيت ولا انت ناسي اننا شكل واحد
بندر يستهبل :على بالي شكل اثنين
سلطان :ايه يالغبي انا وياك شكل اثنين وعبدالله شكل واحد
لف بندر على عبدالله اللي كان مسرح في عالم ثاني ولاهو داري عنهم..ورجع يناظر سلطان اللي فهم له ..وابتسمو الاثنين بخبث
سحب عبدالله المخده ورماها بكل قوته على عبدالله
ومايمدي عبدالله صحصح من الضربه الا المخده الثانيه على وجهه من سلطان
عبدالله وهو معصب:صدق انكم خايسين ماتنعطون وجه..الشرهه علي انااللي جاي اقولكم بكره العيد
بندر يستهبل قام وسلم على سلطان:كل عام وانت بخير ياتؤمي الحبيب
سلطان يكمل:وانت بخير ياتؤمي الكريه
وقربو الاثنين من عبدالله اللي دفهم بكل قوته:اقول تقلع انت وياه على بالكم انكم اذا سلمتو علي بسكت على عملتكم امس الليل ولا على بالكم اني هذاك الشيبه اللي نايم ..اذا ماعلمته..وطلع وتركهم
سلطان لف على بندر:تهقى يسويها
بندر:تدري..انت بس حضر نفسك لتهزيي
سلطان:انادايم جاهز في كل الاحوال
======================
:هرام اليك يابتي من ريالين الين نس ريال وتبكي زياده
ريوف وهي ترفع شوي من غطوتها وتأشر على وجهها:شوفي هالوجه مايستاهل التضحيه
فتاين وهي تدف ريوف:ياهيله هذي ماتفهم الضحيه ..ولفت على الحجه تشرح لها:ضحيه يعني يعني زي الضحيه اللي يذبحونها في العيد
البندري وهي جايه معصبه:قليل ادب مايستحي ..لا ويغمز بعد ناس مو متربيه سافله
ربى:لايكون غمز لك انتي
البندري:ايه عندك شي..بس ولايهمك عرفت اربيه
ربى لفت على الحجه:ها اخر كلام من الاخر تعطينا الحلاوه بنص واشتري منك اربعه وتعطيني وحده هديه
الحجه وهي طفشانه من ربى:كلاص مافيه هلاوه قوم بس قوم مئاك فلوس اشتري مامئاك لا تشتري
ريوف بعد ما وقفت:خلاص قومو قومو الكرامه راحت فيها
البندري معصبه:انتي هي بتعطينا ولا ناخذ بيدينا
ربى تكلم الحجه:الله يخليك عطيني وحده خلاص وهم طنشيهم
فتاين وهي واقفه وتحاول تقوم ربى:قومي قومي انا اعطيك الحلاوه
ربى بغباء:والله
ريوف:ايوه بس انتي قومي
ربى بعد ماقامت بقهر:حرام عليكم كسرتم بخاطري حرمتوني من الشي الوحيد اللي من طفولتي وانا اتمنله
البندري:جت على هذي احنا من كل شي محرومين
ريوف:خلاص بنات تعبت خلونا نرجع
فتاين :الله يابنات بداء الحماس يالله على الكبينه
ربى:ان شاء الله بس مايكون نفسه اللي ذاك اليوم
البندري:ارتاحي هذاك كرهناه في عيشته ونقل ..هذاجزاة اللي مايعطينا وجه
فتاين:ريوف معك كحل..تعرفين لزوم الكشخه
ريوف:آآآآف عليك هذاشي ينسى..لزوم الشغل
ربى داخله عرض:والله ننفع ممثلات
البندري:والله الحلاوه شكلها مأثره على عقلك
فتاين بعد متكحلت:هاريوف مزبوط
ريوف:ايوه..كحليني ولا افتحي عينك علشان اشوف نفسي واتكحل
البندري :شوفو هذيك الحرمه شنطتها فيها كريستال روحو اتكحلو عليه
ربى وهي تسحب الكحل من ريوف:هاتي الكبار اول شي
البندري:اقول تراكم ماتنعطون وجه قدامي يالله بس
===================
:يالله شوفي السوبر ماركت قدامك..خذي اللي تبين تدلعي اليوم فرصتك
رهف:غريبه مومن عوايدك
عبدالعزيز:الليله عيد روحي خذي اللي تبين
رهف ماصدقت خبر وسحبت عربيه وودتها لعبدالعزيز:يالله امسكها علشان اركبها
عبدالعزيزيبتسم بخبث:بس تامرين امر غالي والطلب رخيص..شالها وركبها
رهف:يالله عزيز شد حيلك..ودف
عبدالعزيز:عزيز في عينك.. صدق ابوك ماعرف يربيك
رهف:صدقت والله ابوي هايت مايدري عن ارضي عن سماي
عبدالعزيز:ولايهمك انا اعلمك الهياته على اصولها
رهف:شد حيلك
شمر عبدالعزيز عن اكمامه ورفع ثوبه وربطه على خصره وقلب الكاب :بسم الله ..وبداء يفحط وبدة رهف تصارخ بكل صوتها
عبد العزيز:علشان تعرفين من الهايت يابنت الهايت
رهف وهي تصارخ:يعني انت عارف انك هايت
عبدالعزيز طنش صراخها وكمل تفحيط الين مامسكوه السكيورتي اللي تعبو وهم يجرون وراه
السكيورتي:لوسمحت يالاخ ..تراك مسوي ازعاج
عبد العزيز بعبط:ليه صوتنا كان عالي
رهف وهي تتخصر:ياربي حتى السوبر ماركت الواحدمايعرف ياخذ راحته فيه
عبدالعزيز وهو يضربها على راسها:هذاكله منك انتيي ماتدرين ان صوت المراءه عوره
رهف:وانا وش ذنبي انت ماربيتني
عبدالعزيز:لايالماسخه انا ماربيتك ..اذا ماربيتك الحين
السكيورتي بطفش:معليش ياالاخ بتربيها ربها براء
عبدالعزيز:لوسمحت خلك براء..ولاتتدخل بيني وبين بنتي
رهف:ايه انت مالك حكم علي بعدين خله يربيني انا دايم اسمع بالتربيه بس مااعرفها
السيكورتي بعد مانادى صاحبه علشان يطلعهم:شوف يالاخ اذا ماطلعت الحين بضطر استعمل معك القوه
رهف بتريقه:يمه خووفتنا
عبدالعزيز:مايحتاج نا اصلا كنت ادور الباب وين بس مالقيته...ووحاول يشيل رهف علشان يطلع
رهف وهي تصارخ:فكني عليه والله اربيه
عبدالعزيز وهو يجرها:ربي نفسك بعدين ربيه
رهف:حرام والله مااتدلعت
عبدالعزيز:انتي وجه دلع انتي وجه فقر ..وبالقوه طلعها من السوبر ماركت والكل يسمع صراخها وركبها السياره ومشى
========================
:آآآه الله ياخذك احرقتي شعري
الدانه وهي تشد شعر بشاير بكل قوتها:احسن ياهبله علشان يطلع ناعم
بشاير:اي ناعم..والله احس مخي يغلي
الدانه معصبه:انتي اش فهمك في الاستشوار..خلي الاستشوار لاهله..وشدة شعرها بكل قوتها
بشايربصراخ:الله ياخذك عورتيني
الدانه وهي تقرب الاستشوار من وجهها:صارخي مره ثانيه اذا مااحرقت وجهك
وفي هالحظه دخلت ام مشاري وهي تتأفف من الريحه:اف وش ذا الريحه
الدانه وهي تشد شعر بشاير:كله يهون في سبيل ترقيع بنتك
بشاير تصحح لها:كله يهون في سبيل الجمال
ام مشاري :اقول فكوالشبابيك بس خلو الغرفه تتهوى...وين مشاري
بشاير: ماندري عنه
ام مشاري:وخالكم عبد العزيز وينه فيه
الدانه:راح مع ولية العهد حقته للسوبر ماركت
ام مشاري:الله يخليها له..وطلعت من الغرفه
اما الدانه رجعت تكمل استشوار لبشايرالي كان صراخها في اخ الحاره
=========================
بصوت مايع:لوسمحت الكبينه فاضيه
موظف الكبينه:سمي..اش قلتي
فتاين بدلع:اقول فيه كبينه فاضيه
ريوف بدلع:لو سمحت مستعجلين نبي نسوي مكالمه ضروريه
الموظف وهو يأشر على الكبينه اللي قدامه:ايه هذي اللي قدامكم فاضيه
ربى وقفت قدام وجه الموظف تستهبل تحاول تدور سالفه:اه ام كم سعر الدقيقه
ريوف وفي ها لوقت اشرت للبندري تروح للكبينه وطبعا البندري بكل خفه اخذت طريقهاللكبينه
الموظف وهو يتمعن بجسم ربى:ولا يهمك موغاليه
فتاين وهي تتكي على الطاوله وترمش بعيونها :موسالفة غاليه بس حبينا نعرف
ريوف وهي تأشر للوظف:لوسمحت يابو....
الموظف:معاك فالح ..في الخدمه
ريوف :فالح في اي ماده ههه
ربى دفت ريوف وقالت بهمس:هي هي ياخف دمك واستمرو البنات يتهبلون عليه لين ماخلصت البندري مكالمتها
طلعت من الكبينه من دون ماينتبه لها الموظف اللي كان مفهي في البنات
ريوف بعد ماانتبهت للببندري اللي اطلعت:يوه شكلنا عطلناك
ربى :ايوه صح سوري
الموظف:لا عادي خذو راحتكم
فتاين :على العموم احنا خارجين وخل اختنا اذاكلمت وحاسبت تطلع لنا براء ننتظر السواق
البنات :مع السلامه
الموظف بحزن :مع السلامه
===================
رجل على التكايه ..وشيشه بيده ويده الثانيه يحوس بها في شعره
كان هذا حال مشاري اللي كان جاس بنص القهوه ويغني بصوته الخشن المزعج
:دقني ياما حلات دقة الشامه ..لالا ضمني ضمني باشمال ..
وقطع عليه نغمة جواله اللي كانت غنية الرديه لخالد عبدالرحمن
:مشاري بعربجيه:ياهلا من
البندري وهي تبعد السماعه عن اذنها:السلام عليكم
مشاري: وعليكم ..من
البندري: الله ينعم عليك انا البندري
مشاري وهو يعدل شعشبونه علر رقبته: من البندري
البندري :بنت جيرانكم
مشاري:تشرفنا اش عدنك
البندري:تعال رجعنا
مشاري : خلصتم
البندري :ايه ..مع السلامه
قفل مشاري جواله ووقف ونزل شعشبونه ومسكها بيده وسلم على راسها:فديت العيون الناريه الزعلانه..بس ولايهمك الحين يكون عندك احلى مفطح فار ماتحلمين فيه
وصرخ بكل صوته:نزرن سجل على الحساب
وطلع من القهوه وهو مستغرب ليه الناس تبعد عنه:والله الدنيا ماعاد فيها رجال غيري ..بسم الله عليه
واتجه لباصه القديم المصدوم من كل جهه وشغله وبالقوه اشتغل بعد ماسمعو اللي بالقهوه كلها صوته وشغل مسجل على غنيته المضله
:ياعطاشه عطاشه والموارد بعيده
(ملاحظه:شعشبونه هي ثعبان)
===========================
هذاكان يوم من يوميات بعض ابطالنا(ربى 21 سنه ثانيه جامعه
فتاين 20 سنه اولى جامعه
البندري:19سنه ثالث علمي
ريوف 18 سنه ثالث علمي
((بنات السكران))
والقادم باذن الله احلى..في انتظار تعليقاتكم..
========================
الهم اني اصبحت اشهدك واشهد حملة عرشك وملائكتك وجميع خلقك انك انت الله لا اله الا انت وحدك لا شريك لك وان محمد عبدك ورسولك..