عرايس ساعدوني الله يجزاكم الجنه

بنات وينكم وربي محتاجه مساعدتكم

من وين انتي عشان نساعدك

انا من جده

حبيبتي شوفي انتى لا تحطين عددبراسك يعنى 4 جينزات مثلا و كم قميص وهالطريقه ترى والله ما ينفع
خذى مهرك وسمى بالرحمن وقسمى المبلغ يعني مثلا الانجري لها مبلغ معين ولبس الخرجه ولبس البيت العادى كل شي جطى له ميزانيه واشتري بحدودها
وخذي نصيحه مني لا تكثرين ملابس كثير ترى ممكن تحملين على طول لو ربي كتب لك وحتى لو ماحملتى
ممكن لو ح تسافري معاه بلد تخلي لك مبلغ تشتري او مثلا تروحى انتى واياه بعد الزواج تشتري لك زى ملابس النوم
لان مرات الوحده تجيب اشياء ويطلع زوجها يحب اشياء ثانيه يعنى لا تحطين فلوسك كلها بالملابس
والله هذى نصيحه من اخت مجربه لا تقصرين على نفسك بس كمان لاتكثرين والله ان فى اشياء من دبشي مالبستها للحين من الهباله اللي سويتها واشريت الدنيا كلها
وبعد فى شي ثانى لا تحاولين تشترين قطع ماتكملينها يعني بلوزه شرق و بنطلون غرب وكل مالقيتي شي حلو اخذتيه لا حاولى لمن تشتري مثلا تيشيرت تكملى له تنوره او بنطلون كذا يعنى بعدين تدورى شي جديد
وميزانيه الميك اب حطيها ع جمب كمان ولو انتى من الغربيه لا تنسي تشتري مكياجك من جده عماره الكورنيش اكيد الكل عارفها كل الماركات وباسعار الجمله
يارب اكون ساعدتك واى خدمه انا حاضره وانا اختك
بس اللى ابغاه منك تدعيلي ان الله ييسر لي دراستي
تحياتي لك

الله يوفق لك ويسرلك دراستك
بس ياربي مره محتاره انا خايفه انو يجي قريب الزواج وانا ماخلصت
هذا شي والشي التاني انو انا مهري مره احسو قليل ماراح يكفي
انا حاطه للمكياج 1500 بس وباقي من مهري 5000
هذي حقت الفستان والكوشه والمصوره بس اعرف انها ماراح تكفي
بس يارب يطرح في مهري البركه

حطموك ياقلبي
انتى استعيني بالله والحين السوق مفتوح للجميع في الرخيص وفى الغالي
انا بقلك لا تكثري ملابس وباذن الله يكفي وما تدخلى عتبت بيتك الا وانتى اخذتى كل اللى نفسك فيه و زياده بس عليك بالاستغفار وكثره الدعاء وربي راح يسهلها و لا تضيعي فرحه عمرك بالقلق والخوف الدبش مو كل الحياه
وعريسك ح يطالع لقلبك ولحبك مو لدبشك وحتكونى فعينه احلى وحده باذن الله لو ايش ما لبستي فلاتشيلي هم الدبش راح يتيسر
جربي تستاجري فستان مثلا و تسوى كوشه بسيطه او لو ضاقت عليك استغنى عن الكوشه مو لازم المعازيم يشوفو كوشه اهم شي انتى تشتري اللى نفسك فيه
وشوفي هذى المصوره كانت جايه عرض مع الفندق ارمادا قاعه الاصاله ايام فرحى اعتقد انها رخيصه
بس تصويرها جيد اتصلي واساليها بكم اسمهم استوديو العاجى اعتقد مدام صوفي نسيت والله
وهذا رقمها لو ماغيرته من قبل سنتين
0556014222
ويارب ييسرلك امرك

بنات يالي اشتريتو قولولي كم الاعداد المناسبه بليز

هلا يا عسل
زي ما قالتلك الاخت الي قبلي
اول شي قسمي مهرك ولا تكثري
ومهرك مو مره قليل وفي بنات ياخدو اقل منك
والمكياج يا قلبي احس اخد كثير من مهرك .. لا تشتري شي ما حتستخدميه
خدي الي تحتاجيه والي تعرفيه .. في عرايس يروحوا ياخدوا حاجات كثير وبعدين ما يستخدموها
وبعدين لو نقصك حاجه حتقدري تشتري لا تخافي وان شاءالله زوجك ما حيقصر معاكي بعدين
المهم خدي الي تحتاجيه هناك
وبالنسبه للقمصان والبجايم .. انا زواجي بعدك بشهر تقريبا بس انا حسافر عن اهلي عشان كدا كترت شويه واخدت 15 قميص تقريبا
ممكن تاخدي 8 .. وزي ما قالتلك الاخت يمكن ما يعجبه زوجك
والبجايم نفس الشي
انا ما اعرف متى حتنزل التخفيضات بس انصحك البجايم ولبس البيت تاخديه من التخفيضات
لبس الخرجه يمكن ما تلاقي في التخفيضات حاجات كثير
اهم شي انتي تحطي في بالي انتي قد ايش تبغي .. جيبي ورقة وقلت وقولي مثلا كم جينز
كم فستان .. كم تنوره .. وكدا
بالنسبه للملابس الداخليه .. الاندر وير كتري منه لانك حتحتاجيه طبعا وجيبي الوان حلوه ومختلفه
ام اش كمان
الجزم والشنط .. خدي الاولن الاساسيه وخديلها شنط .. ومثلا تاخديلك جزمة رياضه .. وكم وحده واطيه 2 او 3
على حسب استخدامك انتي اش تشتري اكثر
مافي حاجه تانيه في بالي
لو عندك اي سؤال اكتبه وحرد عليكي ان شاءالله

موفقة يارب اختي