عروسه محتآجه نصيحتكم

up الله يوفقك ان شاءالله ياعسل

الله يوفقك
الذهب غالي الحين لو تخلينه اخر شي عشان يرخص شوي
والسوق نار
الله يعينك يبي لك تخطيط
ان شاء تحصلين اللي تساعدك

حبيبتي غالباً الذهب يجيبه العريس مو انتي واذا كان انتي الي بتجيبينه لاتحطين اكثر من عشر آلآف اما بانسبه لباقي الاشياء مثل فساتين السهره خذي اثنين بس غاليه واثنين سهره ناعمه والباقي ملابس حلوه للزيارات ولاتكثرين مكياج ابد لأنك بتملين منه بسرعه ....و بشاور البنات الي عندي وراجعه لك ان شالله اكون افدتك شويه

شوفي يا قلبي
اول شي الله يوفقك يارب ويطرح البركه في مهرك
وقبل لا تبدين تصدقي ولو بمبلغ بسيط من مهرك
وهالحين فرصه بفصل الشتاء واكيد فيه عوائل محتاجه
ثانيا مهرك حلو ولا تقولين انه شوي ترى فيه الل اقل من كذا بكثير
ثالثا شوفي كيف قسمت مهرك .....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
عشر الاف اشتري فيها ثلاث اطقم اللي يسمونها {نص طقم } لان اشكالها حلوه وتنلبس دايم مع كل شي مع الفساتين والتايورات
يبقى عشرين الف
ثلاث الاف خليها لفستان الزواج
والفين فستانين حلوه وناعمه
ويبقى 15000
اشتري فيها باقي اغراضك من عطور ولوشنات وجزم وشنط وملابس للبيت ولطلعات
بس حاولي تركزين على ملابس البيت والارواب اهم شي
والباقي لا تكثرين منه لان بعد الزواج راح تشترين ان شاءالله
واذا تبين تفاصيل اكثر قوليلي ...
وبالتوفيق

بنوته ..*..ام خدود..*..مووف..*..الملكه
الله يعطيكم العآفيه..وينورلكم طريقك..ان شآء الله..
الملكه..طريقتك مره روعه وان شآء الله رااح اسويهآ,,
والله يجزآآكم كل خير..

هلا حبيبتي
تقريبا انتي مثلي
انا خليت على جنب عشر الاف لخرابيط زواجي
( فستان الزواج + تسريحه ومكياج + بديكير ومناكير + الجزمه + شيل جسم حلاوه وحمام مغربي + المصوره )
5000 ملابس نوم وملابس البيت مع عنايه لبشرة وجهك
3000 ملابس طلعات
3000 المكياج والعطورات واللوشنات
4000 فستانين سهره لك
5000 هدية زوجك مع الجزم والشنط والعبايات
والذهب بيجيك هديه لاتشيلين همه
اهم شي اكتبي بورقه وقسمي
لاتدخلين السوق على عماك وتخمين من كلش وتفتحين فمك بالآخر
والف الف مبروك لك
الله يتمم لك على خير
واي سؤال انا حاضره يالغلا

وعليكم السلام
ألف مبروك وربي يتمم على خير
ومهرك يعتبر في الحدود المعقولة
تقسيمك للمهر هو اللي راح يفيدك لأنه لو صرفتي بدون ميزانية محددة ولا تلاتمية ألف ماراح تكفيكي
وماشاء الله الفراشات ماقصروا
بس احب أقلك على كم نقطة .... العطور والكريمات لاتكتري منها لأنها راح تجيكي هدايا فخدي طقمين ولا تلاتة بالكتير
كمان الساعات والذهب خدي طقم ابيض وطقم دهبي لأنه برضه راح تجيكي هدايا وكمان الدهب سعره عالي فاشتريه بعد الزواج
وموشرط كل شيء غالي معناته كويس ، في أشياء أسعارها رخيصة بس حلوة زي الهرم - سيتي بلازا - وهادي المحلات ممكن تاخدي منها للبيت
وبالتوفيق

اولاً الف مبروك ياعسل...والله يتمم لك على خير..
حاولي تشتري اشياء بسيطه ولاتكثري ملابس ابدا..والذهب اشتري قليل لأن حاتجيك هدايا كثير..
وبالتوفيق..

السلام عليكم
حبيبتي انا كنت محتاره زيك بالضبط بس بالاخير لقيت ملف متتاز زلته وحده من الاخوات الله يعطيها العافيه والصحه ويسعدها في الدنيا والاخره
عباره عن ملف اكسل فيه كل الاشياء الي تحتاج لها العروس وجنبها مكان خاص تحطين فيه المبلغ
وفي اخر الجدول تطلع لك التكلفة الكلية يعني لازم تكون في الاخير 30 الف عشان يكون توزيعك تمام
وطبعا هو فيه المبالغ الي انا حددتها بس انتي غيرها عادي عشان يتوزع على حسب مهرك انتي
ويارب اكون قدرك اساعدك
حملي الملف من المرفقات