عروس جديدة تبين تملكين قلب أبو الشباب

1. تبين تملكين قلبه ومايناظر غيرك من البدايه

المرأة بطبيعتها العاطفية قبل الزواج تعيش عالم رومانسي تنظر للزواج على انه دنيا ورديه كله حب وتفاهم حتى وان اختلفت المستويات يظل هاجسها الوحيد هو الزواج ماحد يقدر ينكر هالشيء فالمرأه تنتظر بفارغ الصبر عشان تعيش ملكه في عالمها الرومانسي تتربع على العرش تتخيل كل ذلك وتضحك وتبكي في عالم الخيال تعيش مشاكل تختلقها تسعد بها تعيش في عالم آخر ...
احيان تظل هذه تخيلات واحلام للأبد لانها تعيش حياتها بدون رجل قد يفوتها قطار الزواج او قد يدهسها ذلك القطار احيان تتخوف من العنوسة وتوافق على أول رجل يتقدم لها حتى وان كان سيء وتعيش معاناه طوال حياتها. واحيان يفوتها قطار الزواج وتظل بلا رجل لكن بهالحاله ماراح تظل تتخيل الحياة الرومانسيه وماراح تعيش الأحلام الوردية لانها خلاص فقدت الأمل ولكن هل تتوقف الحياه هنا؟!
لا بإمكان الأنثى ان تعيش بلا رجل احيان في حال انه يصعب الحصول على الرجل المناسب بإمكانك تعيشي حياتك وتكملي مسيرتك بدون اي حواجز وهذه مشكلة بسيطة ولكن المشكلة الأكبر ان تعيشي الوهم وتعيشي مع رجل ولكن دون ان يشعرك انه موجود اودون ان يحتويك بعاطفة الرجل اللي تحتاجينها
عينات كثير من مجتمعنا لسان حالها يقول: ان الرجل قبل الزواج مختلف عنه بعد الزواج لكن حنا وش المفروض يكون موقفنا بهالحالة المرأة هي اللي تدير المنزل لذلك خلك ذهينه في وش الشيء اللي يضايقه وش الشيء اللي شافه منك بعد الزواج وماعجبه حاولي تغيرينه غالباً الزوج والزوجه في البدايه في فترة الخطوبة او الشبكة كما هو العرف عندنا يكونوا بعيدين عن بعض كل مابينهما مكالمات لقاءات رومانسيه وخلافه، لكن بعد الزواج تسقط الأقنعه وكل شيء يبان وراح تكون فيه اختلافات كثير بينهم لكن الذهينه يابنات اللي ماتحاول تغير من زوجها عشان يصير نفس اللي كانت تبيه الذكيه اللي تحاول تأقلم نفسها مع طبيعته لانه اختلاف الشخصيات وارد ولايمكن احد يرضى يغير من نفسه وهو مقتنع فيها عشان احد حتى ان كان اقرب الناس له.

تبين تملكين قلبه ومايناظر غيرك من البدايه

فحاولي تطوعي نفسك وتعوديها على الوضع الجديد وحاولي تتقبلي اي شيء منه طالما مافيه اي تعدي او جرح لكرامتك ومع الوقت راح يتغير تلقائياً مع العشره يعني لازم تكوني صبوره وبنفس الوقت يازين الطبخ على نار هادئه شوي شوي وهو بيستوي ويصير مثل ماتبين بس كثري من البهار حشى صار مفطح هذا.
عزيزتي عشان تعيشي الحياة اللي كنتي اتخيلينها قبل الزواج لازم تحطين ببالك انه المشاكل ملح الحياة بس الشاطر اللي يعرف يتعامل معها. ويحول كل شيء لصالحه ولصالح شريك حياته عشان مايخسره لاتفه الأسباب
اهتمي دائماً بمظهرك لان الرجال يهمهم اللوك خلك دوم متجدده مب مثلا يوم تجين شعرك احمر ويوم اصفر ويوم اورنج لا بس يعني مثلا تغيرين مكياجك كل يوم لون جديد مع لبسك تغيرين بتسريحتك يوم اسشوار ويوم جل ويوم موس وكذا تغيرن قصة شعرك كل فتره والثانية ولون شعرك كل سنه مثلا تحافظين على لياقتك وجسمك ونظافتك والتزامك بالاتيكيت واختيارات العطورات الأنسب لك ولازم تعرفين انه العطر يختلف يوم يتفاعل مع جسمك عن غيرك فلا تحاولين تقلدين غيرك اذا عجبك عليهم ولازم تكون لك اهتماماتك اما شغل خاص فيك بس مايشغلك كثير عنه او مثلا لك هوايه معينه المهم ماتجلسين اربع وعشرين ساعة مقابلته حتى وهو يشتغل مثلا عالكمبيوتر او بمكتبه لا لازم تخلينه يوله عليك يسأل عنك يحس انه مب كل اهتمامك عشان مايمل منك بس بنفس الوقت لازم تدلعينه وكذا يعني مثلا وصعب اني اشرح لكم زين بس مثلا صحيه وراضيه ببوسه هذي مميتة تراه مثل الطفل انسي انك يوم تتفرجين انتي وهو مثلا انتي بكرسي وهو بكرسي خلك معه عشان عينه ماتروح لغيرك بس مب تجينه ريحتك بصل ومطبخ وتبينه مايطالع غيرك لا اكشخي وخذي شاور وحطي اللوشن والعطورات وكل اللي يحبه أبو الشباب خل عندك يوم بالشهر تقلبين غرفة الأكل لجو رومانسي يعني تغيرين بالاضاءاه تجيبين ورورد وشموع وفواحه للعطر اللي يحبه وتسوين له الاصناف اللي يحبها يعني مثلا وجبه رئيسيه وحلى وعصيرات وتجيبين له هديه بسيطه ممكن تكون ورده وكرت رومانسي والبسي له لبس ماشافه عليك بس لون مميز واكشخي خله مايمل منك يعني دلعيه يوم كامل عشان مايدوره عند غيرك
طبعاً لمن تكونين تو متزوجه غير اللي لها سنين وعندها اولاد، عموما هذا يعتبر بداية التغير