عروس وافكر بالانفصال

مساء الخير
انا دايم متباعه للمنتدى من الى اغلب الاقسام ادخلها بس بما اني متزوجه من فتره صايره كثير ادخل قسم الحياه الزوجيه واستفيد منكم
انا عندي مشكله او مشاكل وحابه انكم تساعدوني فيها بحكم خبرتكم
انا متزوجه من تسعه شهور وحامل في الشهر الخامنس
ضح اني فرحت بالحمل مبدأيا بس بعد ماجالسه اشوف المشاكل تزيد وتزيد صرت خايفه من حملي
خايفه ننفصل والطفل يعيش ضحيه
بس انا راح اقولكم كل شي وانتوا ضوفوا هيه مشاكل ولا انا مكبره الوضع بما اني توي متزوجه ومو فاهمه الحياه الزوجيه زين
اول شي انا كنت عايشه عند اهلي حياه حلوه يعني ماعمر احد سبني او عمراحد قالي كلمه تجرحني او حتى رفع صوته عليه لا اب ولا ام ولا اخوان يمكن عشان كذا انا صرت ادقق في معاملة زوجي ليه
اول شي نبداها من الملكه كانت ملكتنا سته شهور وكانت من اتعس ايام حياتي صح كنا كل واحد بمنطقه بس فيه شي يسمونه مكالمات مسجات مسن كان يكلمني يوميا بس المكالمه عشر دقايق سؤال كيفك وش تسوين باي ماعرفنا مسجات كنت ارسله دايم اصبح عليه امسي عليه العب اوقات معاه اوقات رسايل حب غزل عتب اذا تأخر وطبعا ولا شفت منه فترة الملكه ولا رساله الا اذا بغاني اصحيه من النوم او يبغى شي انا ماكنت ارسله لاني احبه او تعلقت فيه
بس كنت ابغى اتقرب منه ونتعود على بعض
ويمكن مع كثرة احتكاكنا في بعض نحب بعض بس مافيه فايده حتى اذا دخلنا مسن كلمتين على بعض مانخلصها !!!
يعني ماعشت احلى فترات حياتي على قولة كل البنات تقريبا
كرهت الملكه
وكرهت الزواج
بس قلا يللا يمكن بعد الزواج اعيش احسن من اللي عاشوه البنات في الملكه
وتزوجنا وياليتنا ماتزوجنا
قال بنسافر برا المملكه وما رحت اسوي جواز السفر كلمني قال مافيه سفره وجد ماسافرنا ظلينا في نفس المطقه وحط العيب فيني اني انا ماعندي جواز لو عندي كنا سافرنا!!
ومر اخس واقرف هر في حياتي اللي يسمونه الناس شهر العسل
يعني كان شهر عسلنا في بيت اهله
يعني جلسنا في الفندق يومين وبعدها ع الشقه ومن الشقه نروح ناكل بمطعم على بيت اهله
وانا هذاك الوقت زي اغلب البنات اللي يتعبون من الدخله والالتهايات اللي تجي من وراها
تعبت وكنت متألمه وعند اهله دايم ماطلعنا ماتمشينا
مع ان الاجواء كانت حلوه
بحر ماعرفته كورنيش مجمع كوفي بر قارب هاذي كلها ماشفتها ولا اتوقع راح اشوفها
كل ماجلسنا شوي رحنا لاهله لدرجة انهم صايرين يسألوني انتم بينكم شي!!!!
وامه سألته ليه كل يوم وانتم جايين عندنا ماتبغاها!!
وياليته اذا رحنا لاهله يجلس معايه
يحطني ويطلع مع اصحابه وقرايبه
وخلص هالشهر اللي عمري ماراح انساه ماكفايه تعب والم ونفسيه زفت من الغربه اجلس عند اهله اغلب الوقت اتألم محد داري عني واذا قلت مابروح لاهلك اليوم جلس يقول انتي ماتحبين اهلي
وكل ماعدنا بنروح لهم سويتي سالفه وقلتي مانبغى نروح
بالله قد شفتم عرسان كذا !!
من اول اسابيع زواجها وهيه مقطوطه عند اهل زوجها وزوجها برا يلفلف في الشوارع!
وخلص هاذا الشهر ورجعنا نعيض حياه طبيعيه بس طبعا مو زي كل الناس احنا غير دايما
انا راح اقولكم ليه احنا غير
لاني دايم محبوسه في البيت وزوجي برا مع اصحابه او قرايبه او طالع يشتغل حتى اخر الليل
ويجلس معايه كل يوم ساعه واشوفه الصباح اذا صحيته يرجع من الدوام نجلس مع بعض ابو ساعه ساعتين ويطلع مايرجع الا ينام
يعني الاسبوع سبعه ايام
يومين في بيتنا وباقي الايام عند اهله

• -انا ماتزوجت اهله عشان يرميني عندهم كل شويه --

والمشكله اهله بعيد عننا مره وعادي الوضع عنده وعادي المشوار اهم شي يضرفني عندهم عشان يطلع ولاهوه اذا راح يدخل يسلم ويطلع واذا جا اخر الليل يدخل ياخذني ونمشي!!!!!!!!!!!!!!!!!!
وباقي الايام حتى الويكند
مافيه طلعات
مافيه تمشيات
ماعمره فاجئني بشي
كلام حلو مافيه الا وقت الجماع
وياليت الكلام كلام يفتح النفس
يقول قلبي واذا تحمس فديتك وانتهينا
كل يوم يسألني وش جدولك
00يعني وين تبغين تروحين عشان انا اطلع!!
كذا قصده من السؤال
طبعا طلبته مصروف زي اي وحده
قال احنا مو في مدرسه اعطيك مصروف شهري !!
اوقات اذا طلبته يعطيني ميتين واذا كثر ثلاثميه--قولولي وش تسوي بالله في هالغلا
طبعا دخان يدخن مع انو قالي في الملكه انو بطل تدخين حاولت فيه يتركه مافيه فايده !
صلاه مايصلي في المسجد لو ايه حتى اوقات على طلعتنا من البيت يكون يأذن والمسجد جنب بيتنا اقوله وقف نصلي يقول لا اقضيها بعدين
هوه يصلي بس في البيت والمغرب والعشا يصليها اخر الليل
انا خايفه ربي يعاقبنا عشان عمايله
فوق كذا اذا تخاصمنا
كل كلامه
ياكلبه ياحماره انتي بقره ماتفهمين وكلام ماله
يطعن خاصه اذا جا من زوجك
ازعل منه ايام على كلامه واعاقبه ويرجع يعتذر بس مو بالكلام بإسلوب ثاني بس نرجع نتخاصم يرجع لنفس الالفاظ!!
طبعا راح احكيلكم عن حالي عشان تعرفون الموضوع كله
الحمدالله انا انسانه جامعيه شخصيتي محبوبه من الكل كشيخه بشهادة الجميع ماني مقصره معاه بشي
البيت دايم منظف مستحيل تلاقون مخده مايله عن اختها
نفسي دايم البس له قصير وحركات دلع واغير وابدل في ستايلي
وفي شعري ومكياجي
بخور وفوحات هاذي يوميا
كلام حلو اقوله
طبخ دايم جاهز وميت على اكلي
دايم ادلعه العب في زجهه اقص اظافره اهمل رجلينه بمويه واسويلها تقشير العب بشعره اسولف له
بس هوه اذا دخل البيت وجلس معايه على قولته يجلس ع التي في ولا كان احد موجود صح اوقات يسولف معايه واحاول اسولف معاه بس باله يبقى عند البرنامج اللي يشوفه
انا الحمدالله مو ناقصني شي يعني ليه يعاملني كذا
مليت
كرهههت الزواج
كرهت حالي
ماحبيته ابد ابد صح اسويله كل شي بس وربي من ورا قلبي
ماقدرت اتعلق فيه
حتى شكله مو متقبلته
استغفرالله بس مادري كيف وافقت عليه
دايم الوم نفسي اني وافقت عليه
ليه اشوف الكل مبسوط في حياته الا انا
احس اننا بعيدين عن بعض
كل واحد عايش حياته لحاله
الحين اكتبلكم وحضرته طلع مع صاحبه وكلمته قلتله تعالي نتمشى قال لا ليه ماتكلمتي من بدري
وحتى اذا قلنا وطلعنا نتمشى بالكثير ساعه ويرجعني
احسه مايحب يجلس معايه
ومره قالي انتي ماتسولفين معايه
والمشكله انا اللي بس اهذر وهوه باله يا ع البيبي او التي في
وش اسوي معاه
تغيرت عليه طفشت ماصرت انظف البيت دايم ولا صاريطلع مني اي كلمه حلوه
ماصرت استقبله اذا جا
ماصرت اصحى اسويله فطور زي قبل
البس اي كلام لان مهما لبست مافيه اي ثناء منه او اعجاب
ماني قادره استمر معاه
ماني قادره انبسط تشوفوني اغلب وقتي معبسه وكارهه دنيتي
ليه لا وانا عايشه حياه كذا
حاولت اهديه كم مره ماعمره استخدم شي من الهدايا اللي جبتها له
هدايا زواج ومره في عيد ميلاده ومره نزلت السوق وشريت له بلوزه ولسه بالاستكرات حقتها مالبسها
هداني مره نظاره شمسيه بعد الزواج وغثني كل يوم يسألني عنها
ولاعاد شفت بعدها شي
ماحب اطلبه شي فلوس او اذا رحت السوق ماحب اشتري اغراض كثيره احس اني اثقل عليه هوه اللي خلاني اعيش هاذا الاحساس
صح مو مقصر من جهة البيت ومن جهتي اذا نزلنا السوق مثلا اشتري شي وكان معاي يدفع
بس بعدين يجلس يقول ذاك اليوم شريتي كذا يحاسبني طيب ليه الذل هاذا !!!
اسلوبه مو عاجبني كل شي في عيشتي معاه مو عاجبتني
ابغى انفصل بس خايفه على اللي في بطني وش بيكون مصيره
تعبت
كيف اعدل حياتي !!
كيف اخليخ يتعلق فيني !!
كيف اقدر اتقبله واتعلق فيه !!!
تكفون دلوني
علموني
لاتهمشون موضوعي
يمكن تشوفونه ولاشي بس انا اشوفها معانها عايشتها
كثرت كلام واذري كلامي ملخبط بس اكتبلكم وانا توي كنت ابكي من اللي فيني