عزابيات يعيشون في المريخ وش أقول

1. تقولي لي : وش عليك من الناس؟

السلام عليكم ورحمه الله وبركاته
جالسه اقرق عليكم واجد
احسن خليكم تجلسون تدعون لي طول يوم الجمعه
انه ربي يزوجني وتفتكو مني من قسم المتاخرات عن الزواج واروح ازعج قسم الزوجيه
المهم خواتي :-
ملاحظه كثير آخوات اكيد تبي تواسينآ حنا العزابيات لكن يخونها التعبير وتجيب العيدين
مثلا:::

• الاخت تقول : وش تبون بالزواج يا بنات مسئولية وتعب وهم

+اقولها : يختي حنا غاوين تعب حنا غاوين مسئوليه خلينا نستاهل.. نبي نتزوج

• الاخت تقول : : كله هم

+اقول لها : يختي انتي جربتي انه هم ,, خلينا نجرب..حنا نبي نجرب

• الاخت تقول : تصيري مسئوله عن بيت وعيال وحوسه لها اول مالها تالي

+اقولها : حلات الزواج اصلا انه يجيني عيال ويكون لي مملكتي الخاصه

• تقول الاخت: هذا نصيبك وانتي لسى ببطن امك مقدّر لك متى راح تتزوجي

+اقولها : ادري بس لازم حنا العزابيات نفضفض لبعضنا وندعي لبعض

• تقول لي : يا حلات الجلسه ببيت اهلك وش مستعجله عليه

+اقولها : كلام اهلي وكلام الناس وصديقاتي

تقولي لي : وش عليك من الناس؟

+اقول لها : انا وسط الناس وين اروح عنهم ؟ الا اذا كنت عايشه لحالي بالمريخ .. لازم الاقي التعليقات,,
اذكر مره شفت تعليق بنت تقول حضرت زواج وقالتها صديقتها لي رايحه عشان يشوفونك وتنخطبي ؟ واغلب الظن ان صديقتها هذي متزوجه ,,شوفي قمه القهر . والي اهلها مضايقينها والي صاحباتها تزوجو وهي لا ,,وانا وحده منهم وخليها على ربك بس

• تقول لي : ممكن يطلع واحد ما يخاف الله ويمرمطك وتتبهذلي وتكرهي الزواج

+اقول لها : ليه النظره هذي ؟ طيب ممكن يكون حلو وطيب يعني لازم التشاؤم هذا
بعدين ايها اصعب يقولو عنك الناس انك عانس ببيت اهلك محد يبغاك وشويه اختك هذيك تتزوج وصاحبتك هذي تخلف وانتي مكانك سر ..ولا انك متهاوشه مع زوجك وشويه وتنحل ان شاء الله ؟

• تقول لي : لا والله اجلسي ببيت اهلك احسن

+اقول لها : هذا انا جالسه اصلا ببيت اهلي وين رحت ههه
تقول لي : احسن
اقول لها : طيب ادعيلي بس اتزوج ولا ترى راح اخذ زوجك ههه (امزح اكيد)
تقول لي : يا رب تتزوجي يا رب هالسنة يا رب وما تنتهي هالسنة الا وانتي حامل يارب وكل بنات المسلمين ( لبى قليبها تدعي لي )
اقول لها : امين .
سبحان الله من شوي كنت مخنوقه ولكن تذكرت اني لست الوحيده وان معي فراشات يحسون فيني بعد الله
فذهبت لكتابه هذا الموضوع و معليش يا صبايا الي كتبته فوق شوويه همهمات بصدري و جالسه تلف براسي وقلت اكتبها هنا
واسال الله العظيم رب العرش الكريم في هذا اليوم الجمعه ان يمن علي وعليكم بالخير والبركه والرزق
وان يزوجنا الازواج الصالحين عاجلا غير اجل يا حي يا قيوم وجميع المسلمين. اللهم امين . اللهم امين
ودي اسمع كلمه مبارك عليك يا حليمه زواجك راح يكون في هذي السنة 1431ه
يا الله ما اروعه من شعور وما اروعها من كلمات