عشيقة زوجي ارسلت لي رسالة

مساكم الله بالخير جميعاً
موضوعي هذا هو تابع لموضوع صديقتي
من هنا قصتها
http://alfrasha.maktoob.com/alfrasha12/thread1600078/
تقول وصل لها ايميل من وحده من البنات اللي معاه عالفيس بوك اسمها رهف
وانها عرفت ايميلها عن طريق الايميلات الي يرسلها زوجها .. لما يحط اعادة توجيه
صديقتي كاتبه ايميلها ( ام فلان: نفس ايميل زوجها بس يختلف في حرف ) باسم ولدها يعني .. وهذيك عرفت انها زوجته
المهم رهف فتحت ايميل جديد غير ايميلها الاصلي وقعدت تكلم زوج صديقتي منه وتنسخ محادثات الماسنجر كلها
وارسلت الأيميل وكلمة السر لصديقتي .. تقول شوفي زوجك يالفالحه وش يسوي .. وقعدت تسبها بكلام ما اقدر اقوله
بس هو يقول في الماسنجر انا احب زوجتي وبيننا ثقه ومدري ايش .. بس يكلم .. ويقول ما اقدر اعيش بدونك وراح اخليك اسعد انسانه ومن هذا الكلام
انا بصراحه احترت معاها
هي للآن ما قالت له ولا كلمه بس تاكل في نفسها المسكينه .. مو عارفه تتصرف .. والله بكتني معاها
تقول بصارحه واطلب الطلاق ..
قلت لها هوني شوي .. واعطيه فرصه .. وادعي له .. بس مره رافضه ما تبغا إلا الطلاق
صح هذي بداية الطريق الحرام بس يمكن بس يتسلى ..
قالت لا .. نفس البنت اللي ارسلت الايميل تقول زوجك متعاطف معاي لأني مطلقه وابوي متوفي .. وقاعد يدور لي وظيفه يقول يعرف ناس .. ويبي يتزوجني مسيار وانا رافضه .. ويبغانا نتقابل في مطعم أو سوق أو حتى شقه
على فكره صديقتي تترجى زوجها تتوظف وهو رافض شفتوا كيف اللعانه في الرجال
أنا قلت لها لا تستعجلي
فكرت أنا في بعض الحلول والله أعلم
الفكره الأولى :
تمشي معاه عالماسنجر على أنها صديقة زوجها .. وتواعده في مكان وتجيب الهيئة أو أبوها أو أحد من اخوانها .. المهم أحد يربيه
الفكره الثانية :
تواجهه وتخليه يعترف بغلطه ويحلف عالقرآن انه ماسوى شي حرام ( قصدي زنا ).. اذا حلف انه ما سوا .. خلاص تسامحه .. واذا نعم وقع .. تطلب الطلاق
الفكرة الثالثة :
ما ادري والله .. انتم قولوا الله يوفقكم
انا حسيت ان المشكلة مشكلتي من كثر ما تشكي لي البنت وتبكي .. ودي اساعدها بأي حل