عشيقته تغريه بليله رومنسيه كحورية البحر

السلام عليكم ورحمة الله وبركاته
الانسان بطبعه ملول ويحب التجديد في حياه الروتينيه ..لكن اخيه قومي بكسر روتين زوجك اليومي الممل ..
اهديه
ليله رومنسيه هادئه تملائها مشاعر من الحب
وتفيض فيها همسات الحنان .. لتعبر عن مكنون داخل القلب العاشق
ليله رومنسيه حالمه اجعليها لزوجك هذا اليوم كوني له كالعاشقه ..
ليلتك الرومنسيه من اولها
عندما يستيقض زوجك في الصباح ذاهب الى عمله
اكتبي ورقه تعبيرين فيها عن حبك الكبير له وان حياتك جميله بوجود زوجك فيهاا
وادخليها في جيبه دون علمه ..<<طبعآ لما يروح الدوام بيشوفها وهنا راح يكون لها اثر ولو بسييط في داخل قلب الرجل لانه بطيعته يحب الاطراء بس لاتبالغون وتسمج وينقلب السحر على الساحر خ
لما يروح زوجك الدوام في هالفتره بتكونين مجهزه امور
منها زيوت عطريه بأي رائحه تفضلينها
الامر الثاني الهديه الي ممكن تقدمينها
منها لاب توب ..جوال ... ساعه .. عطر .. قلم ماركه .. وغيره من اللي تحسين زوجك محتاجه او بيكون له اثر في نفسه ..
شموع
ورد مجفف
مفرش
فستان نعوم وفي نفس الوقت فيه حركه تلفت الانتبااه
لؤلؤ <<التقليد مو الاصلي خ
الليله راح اخليها(عن حورية البحر )
بما انها عن حورية البحر(فستان السهره ) الفستان يكون اخضر
ناعم سمبل على قد الجسم ومن تحت قصة سمكه
من فوق (ضغط ) بدون اكمام والظهر عاري لنصه فيه شريط على شكل اكس مره وحده وفي نص الاكس بروش ذهبي<<ان شالله يكون واضح الوصف
اما قميص النوم على ذوقكم بس جديد وناعم وبعيد عن التكلف والالوان الغامقه و لا يكون حيل عااري
راح نحتاج تل لونه بحري يكون كميه كبيره <<خوذو من ابو ريالين اوفر..وراعو ان الخلفيه تكون لون وااحد وفاتح اقصد الجدار
راح نشبك الغرفه(اقصد المجلس الخااص لزوجين )<<مو غرفة النوم
على الجدران من فوق بالمشابك اللي تلصق بالجدار وفي نفس الوقت تعلقين فيها الملابس الخفيفه
توزعينها في جميع اطراف الغرفه من اعلى وتشبكين التل فيها بحيث يكون التل طايح على تحت مثل الشبكه ويكون التل داير مادار في الغرفه <<ان شالله يكون واضح الشرح
وحطي في التل اصدااف او اسماك مضيئه <<انثريها بشكل عشوائي ومرتب
طبعآ ارضية الغرفه
حطي شموع على شكل اصداف (صدفه مفتوحه وبوسطها شمعه ويفضل تكون من الشموع المعطره
حتى تعطي رائحه حلووه للمكان )
في زوايا الغرفه حطي طبقه من الشيفون البيج وانثري حوله لؤلؤ وفي وسط الطاوله ضعي صدفه كبيره في وسطها شمعه وهكذا في جميع الاطراف
ضعي في وسط المجلس كرسيان وبينهما طاوله عليها قطعه شيفون بيج منثور فيها الؤلؤ بش عشوائي وفيها كأسان وبه شريطه من الستان صغيره نازله بشكل بسط من الكوب <<الشريطه تكون من الخارج
طبعآ مكان للكيكه ويفضل انتي تسوينها بيدينك راح يكون لها طعم اخر مع بعض الكلمات (ان هذي الكيكه انا سويتها مخصوص لاغلى شخص ..واقرب شىء لنفسي ..او لتؤم روحي ..اواحلى حاجه بدنيتي <<<باسلوبك الخاص
<<هذا كله بالمجلس تجهزينه في فترة خروج زوجك وتقفلين الغرفه لين المساء وتحرصين ان زوجك ما يدخلها طول اليوم لين الليل
..
اما غرفة النوم
تغيرين من مكان السرير او الكومدينا <<ان قدرتي طبعآ مو اجباري بس حتى لما يدخلها يحس انها متغيره عليه طبعآ انتي تسوين التغير لما يخرج من البيت العصر حتى ما يشوف الغرفه قبل
والمفرش يكون بيج او ذهبي او اخضر << راعو الاوان في الغرفه ان كانت صغيره ابعد عن الاخضر
في وسط السرير انثري ورد مجفف وحطي صدفه كبيره وبوسطها علبه ذهبيه انتي بطريقتك تغلفين الهديه وتحطين شريطه ذهبيه وانثري حولها لؤلؤ
ورتبيها بطريقتك الخااصه حطي كرت صغير بجنب الهديه واكتب فيه ابيات شعر عن الحب وان حبك له غير وان عمر ما ينحسب الا بعد وجوده بحياتك <<دوري ابيات بهذا المعنى
طبعآ اتصلي بزوجك قولي بطريقت الخاصه انو اليوم انك محتاجه لجلسه خااصه ضروري معه الى ان يقتنع <<تعرفن انتم كيف تقنعون ازواجكم
لم يجي استقبليه ابتسامه حلوه <<مو تقابليه على انه زوجك لا قابليه على انك عشيقته <<واضحه عشيقه بالشكل والحركات مو تقولين بالتصريح << مو تجي وحده وتقول فلان اليوم عاملني على اني عشيقتك << تجيب العيد هذي
لمسه حلوه ريحت عطر يشمها من بعد اهمسي له بكلمات تحرك مشاعره
احبك .. انتي عندي غير .. قدامك انسى نفسي <<ومن الكلمات اللي لها تأثير عليه
سكري عيونه بيدين او بربطه وامسكي يده ودخليه المجلس بهدؤ وفكي عن عيونه وراقبي حركاته بين كل فتره والثانيه ابتسامه وكلمه وهمسه ولمسه تدل على الحب اللي بداخلك ..
راعي ان بها الجلسه تكون السوالف كلها تدور حول حوله وحولك وحبك له <<لاتجيبون سيره تضايق خاطره وحاولي تكونين مستمعه اكثر منه
اطلبيه منه يدخل يدخل يتحمم بالحمام طبعآ(تكرمون ) تكون معبيه المغطس او البانيو وحاطه فيه قطرات من الزيوت العطريه
وحاطه على جوانب المغطس قواقع وشموع ومغيره طبعآ المفارش والستاير حقت الحمام بالالوان والشكل اللي يناسب اليله ..
بعد خروجه خليه يتمدد وخوذي من الزيوت العطريه وابدئي بتدليك زوجك وتدليله <<الله يعينكم على جلود الضبان من قل الترطيب خ
وبعد كذا ادخلي معه للغرفه وقولي هذي احلى مكان عندي لاني اكون اقرب شخص لك <<باسلوبك الخاص
وراقبي اثر الحركات بزوجك وبعيونه
ليلة سعيده عامره بالافراح والمسرات
اعذروني على الشرح السريع
ان اعجبكم ادعو لي ربي يرزقني ما اتمناه ويشفي والدتي ويشفيني