علاقة الرجل بالحوش الاستراحات والعزب واهمال المراءة

والله نفس المشكله

اذا عندك حل عطيني
بصراحه مليت من الخلافات
وشغلت نفسي وارتحت الحمدلله

هلا اختي
أنا مو متزوجة بس حبيت أشارك بالموضوع،،،،,%$
أول شيء انتوا عرفوا رجالكم من أي نوع فمثلاً إذا كانوا من النوع العنيد سمعي مني هذي النصيحة ::
لا تقولين له انج متضايقة من الاستراحة لانه راح يزيد في عناده ولا يتركها ، لكن بالعكس ضغطي على نفسج وحسسيه انج مستانسه انه يروح الاستراحة ، ودايما سأليه عسى استانست هناك ، وانتي لا تشتكين ولا شيء ،،
وان شاء الله زوجج راح يخف منها
طيب اذا كان زوجج من النوع الحنون والمتفهم بسرعة ، طرحي عليه المشاكل اللي تسببها الاستراحة ، على البيت والأولاد ، وعاد انتي اتفقي معاه انه يروح كل فترة ،، مو تحرمينه منها ولا راح ينفجر
وعاد يا نوسان انتوا وشطارتكم
ان شاء الله افيدكم
تحياتي/ موج الليل

الحمد لله لا اعاني ابدا من هاي المشكلة
اول ما اتزجنا كان يحب يطلع مع اصحابه بدون مايتاخر يعني اكثر شيء بيكون الساعة 10 في البيت
والان معظم طلعاته معي او باذني و رضاي ولا تفكروا ان زوجي ضعيف الشخصية بالعكس شخصيته قوية جدا ولكنه متفاهم جدا ولانه راضي عني فهو يرضيني ايضا
اذكروا الله

مثل ما قالت ريمال ،،
المفروض في بداية الزواج تغيرينه ، يعني يوم تزوجتوا ، تفهمينه ان انتي مب مرتاحه لهالوضع ، ولازم في الاسبوع مرة يطلع
حتى لو تهاوشتوا ، فهميه ان انتي تحبين يكون وياج والى اخره وما تقدرين على فراقه ومن هالسوالف ، وبوزي وروحي نامي وصيحي وصارخي ههه طلعي كل انواع الهبال ، على الاقل لو فيه احساس بيحس انه غلطان ، والواحد يوم يتزوج المفروض يقعد مع زوجته وعياله واذا ما في عيال ، انت اتزوجت يعني طلعاتك مع زوجتك والاصحاب مرة في الاسبوع او حتى مرة في الشهر ، لان الاصحاب احيانا يخربون حياة الازواج ،،احيانا ،، مب كلهم على حسب الاصدقاء كيف ؟؟ يعني عندهم سوالف قبل و لا لا؟
انا والله اعلم أثرت على زوجي في سالفة اني بروحي في البيت ،، فيوم يطلع مع ربعه ما يتاخر ،، عالساعة 10 الليل يكون في البيت ، ويمكن 4 مرات اتاخر للساعة 2 الليل عشان حفلة عمل ، ولكن الحين ما اخليه ، يتاخر ، حتى لو نتضارب ،
ونتهاوش وايد على هالموضوع ، التاخير ممنوع وهو ربعه من النوع اللي يسهرون لين الصبح ،
فهو وكيفه ، تطلع اطلع في الاسبوع مرة ولكن التاخير ممنوع ،،
والحمدلله اتفقنا على هالشي من كم شهر ،
واختي الغاليه ، لازم تخلينه يطلع عشان ما يمل منج ،، ومن جو البيت ،
وحلو يطلع مع ربعه لان تعرفين لمة الاصحاب حلوة وايد وتغير جو ،،،
بس المفروض ما يتاخر ولا تخلينه ينام بره البيت ، والاسبوع مرة يطلع ما فيها شي ،،

اشكر مروركم على الموضوع
لا نصيحيتي لكل وحده عندها هادي المشكله انها تحاول تتفاهم مع زوجها بكل احترام وموده
وتعرف شخصية زوجها يمكن يكون بيختبرها واذا ماكان كدا عاد الله يعينها ويصبرها ولربما يجي يوم يمل ويتركها من وحده
مع خالص تمنياتي
دمتم لي غالين

اري ان هذا الموضوع يشغل بال العديد من الزوجات ان لم يكن غالبيتهم وارى من وجهة نظري ان يتم البحث عن الاسباب التي ادت الى هجران الازواج لزوجاتهم وارتمااهم في حضن الاستراحه الدافئ عوضآعن حضن الزوجه فبامكان الزوجه الذكيه ان تجعل من عشها الصغير جاذب للزوج بدلآ من ان يكون منفر منه على ان لا تتوقع من زوجها هجران الاستراحه ولكن يكفي ان يقلص عدد ساعات البقاء في الاستراحة تدريجيآ

الله يعيننا المتزوجات واللي في قلبي بحر ماينتهي اه

مشكوره اختي على طرحج لهذا الموضوع اللي نعاني منه بس الحمد لله قبل كنت اعاني منه بشكل لا يوصف وهالحين ولله الحمد اقل بوايد لانه يوم يقولي بروح عند ربعي اقوله انشاالله تستانس وياهم اهم شي عندي راحتك ويوم حس اني خلاص صرت ما ازعل من هالسالفه خفت سيراته وايد ولله الحمد بس انا ما ضد انه يروح عند ربعه لانه من حقه يطلع وييلس معاهم هو مب حرمه لازم ما يطلع إلا وياها هو ريال والريال له كلمته