علشان يكون لسانك عسل ياعسل

بسم الله الرحمن الرحيم
كيف حالكم ياحلوات
اليوم أنا حبيت أطرح موضوع مهم
وياليت ألاقي تفاعل منكم
واللي حابه تضيف ياليت تفيدنا
أنتم عارفين يابنات أن الوحده منا لازم تسوي أشياء كثيرة لزوجها وتشيله بعيونها وتحاول ماتقصر معاه بشيء ومن هذي الأشياء جمال النفس فلازم تستقبلين زوجك بإبتسامه حلوه ونفس تجنن وأهم شيء لسانك
لأنك بالكلام الحلو تقدرين تكسبين بإذن الله زوجك
طيب ياحلوات أنا بقدم لكم بعض الكلمات اللي ممكن إنك تقولينها لزوجك ومتى تقولينها :
1- ممكن بدل ماتنادينه بإسمه أو يابو فلان دلعيه بإسمه أو ناديه ياحياتي ياعمري ياقلبي ياروحي وزي كذا .
2- إذا جاء من الشغل كان عنده مشكله احضنيه وعيونك بعيونه وقولي فديتك يابعد عمري .
3- إذا جاء من دوامه قولي له الله يعطيك العافيه .
4- إذا جاب لك شيء قولي شكرا والله يكثر خيرك .
5- إذا أهداك أي شيء قولي له الله ياروحي يجنن الله يخليك لي يارب .
6- إذا تمشيتو ورجعتو قولي له مشكور ياقلبي وعساك على القوه .
7- إذا ساعدك بشيء قولي له الله لايحرمني منك ياعمري .
8- إذا صحا من النوم قولي صباح الخير ياحياتي أو صباح الورد لأحلى زوج بالدنيا أو صباح المسك ياغالي أو صباحك عسل ياعسل .
9- قبل لاينام قولي له تصبح على خير يالغالي أو عبري بإسلوبك زي ماتحبين .
10- إذا مدحك وتغزل فيك ادلعي عليه وقولي عيونك اللي حلوه ياقمر الدنيا 00000 .
أتمنى ينال الموضوع إعجابكم و ترى هذا من إجتهادي بس أبغاكم تردون وتتفاعلون معي علشان نقدر نجمع أكبر عدد من الجمل والكلمات والعبارات للكلام الحلو والدلع للأزواج وياليت الموضوع يتثبت .
يلا ورونا تفاعلكم