علموني كيف اسوي القهوة وخذوا فيني أجر زوجي يعايرني بخواته

خذي قهوه مقدار ملعقتين وم صغيره(قورتفل -نانخه- زنجبيل -) ثم حطي عليها مويه مغليه وخليها تغلي 10 دقائق ثم صفيها وحطي بالثلاجه هيل مطحون وبهارات القهوه اشتريها جاهزه من المول
وبالعافيه

******

شوفي ياقلبي انا عندي قهوه ملكيه مخلوطه وجاهزه فيها زعفران ومستكه واضافات كثيره يعني ماعليك الا انك تحطين هيل فقط يعني جاهزه مجهزه وشوفي اذا زوجك ماكره قهاوي خواته وتراها قهوة شيوخ مهي رجال بس والي يذوقها عندك يقول انك تعبانه عليها والتوصيل اذا كنت بالرياض توصلك لحد بابك اذا بغيتيها ياقلبي راسليني

اسهل حاجه القهوه
اول في ابريق القهوه مويه وقهوه ت
خلينها تغلي1/2ساعه بعدين
تجيبين الدله وتحطين فيها هيل وزعفران
وتزلين القهوه بالدله وبس

السلام عليكم
انا مثلك معتمدة واذا سويتها تطلع مو حلوه
داخله عرض
بسأل وش سالفة حطيها بالثلاجة مافهمتها ؟؟

قهوة امي كل منذاقها سألها عن السر؟؟
اولا نوع القهوه لازم تختاري نوع حلو احنا نفضل خولاني وسط مائل الى الغامق
ثانيا لازم تغلي الماء قبل اضافة القهوه
ثالثا اضيفي القهوه والزنجبيل المطحون وخلطة القصيم تعبئة ابا الخيل م ص
اتركيها على النار ما لا يقل عن 15 دقيقه
ضعي في الترمس هيل مطحون بنفس اليوم المطحون سابقا لا يعطي نكهه بالعكس يغير طعم القهوه الى الاسوء
اضيفي القهوه الى الهيل وتمتعي بالذ قهوه
ملاحضه نوع الترمس له دور في ترامس تغيير الرائحة والنكهة

ياقلبي انتي
انا مدمنة قهوة موت
واكره الشاهي
واقولك طريقتي
اغلي موية بالقمقوم ,,,<<ابريق القهوة
موتملينه لا لحد علامة العروة من داخل يعني تحت النص بشوي
المهم ولما يغلي مو يفور حطي فنجال قهوة مش مليان مرة يعني
وملاحظة مهمة القهوة لازم حمستها تكون متوسطة مش غامقة مرة ولا فاتحة مرة
وحطيها وخليها تغلي وتغلي بس انتبهي تنكب وهي تغلي
لان لما القهوة تنكب معناته راح طعمها نهائيا
يعني خليك واقفة بجنبها
وبعدين حطي بالترمس اللي هو الزمزمية او الدفاية او الثلاجة حسب ماتسمونها
المهم حطي بالترمس ملعقة صغيرة ونص هيل وشوية زعفران ابو شيبة
ونتفه نتفه من زعفران اللي باللعلبة الصفرا اللون بس نتفه لا تكثرين
وبعد ماتغلي القهوة نص ساعة او ثلث ساعة صبيها بالترمس
وتقهوي وحاولي تكونين راعية مخمخة بالقهوة عشان كل
ماكنتي تحبينها كل ماضبطتيها
وبالعافية

أهلين حبيبتي
طبعا القهوة تختلف من ديرة لديرة ومن ناس لناس
أنا عني ماأحب الخرابيط بالقهوة (زنجبيل..مسمار..الخ)
أحس حلاة القهوة بالهيل والزعفران
وعن الحمس بصراحة أنا ماأحمسها بالبيت شغلة
أما عن نوعية البن اللي أستخدمها ( بن بايوني ) مره مشهور وهو بالشرقية بس توصين عليه من محلات القهوة ويوصلك على طول
البن مره خطير قد ماأقولك خطير ماتصدقين
تصدقين أنا ساكنة بأستراليا ولي سنة من رحت السعودية وطبعا وصيت على كرتون قهوة
والله لمن تفتحين القهوة ريحتها تفوح كأنك توك حامستها>>هي تجيك بأكياس مسحوب منها الهوا
أنا وأخواتي وأمي كلنا نستخدمها حتى صديقاتي دايم يقولولي ريحة قهوتك رهييبة
أما عن الطريقة بس أخلي الموية على النار لين تغلي وأحط ملعقة قهوة كبيرة وشوي مرره حليب
وزعفران وأوطي النار وأخليها تطبخ بس مو مره كثيرحول ربع ساعة وأحيانا ثلث
وأحط الهيل وأحيانا بهارات القهوة القصيمية
وطعمها ياسلام على أصولها وعلى فكرة حتى أنا ماكنت أعرف أسوي القهوة بس شغلتي أوقف فوق راس أهلي لا يحطون المسمار خ
موفقة ياقمر