علم غرورك عزتي مالها حد

بسم الله الرحمن الرحيم
السلام عليكم ورحمه الله وبركاته
اللهم صلي وسلم على من لا نبي بعده محمد _صل الله عليه وسلم _
بنزل لكم قصه فيها من الواقع وفيها من نسج الخيال وراح تكون مكونها من 38 جزء
أن شاء الله
وهي ((علم غرورك عزتي ما لها حد )) من أول كتاباتي
وأحياناً يمكن أتاخر في تنزيل الأجزاء على حسب ظروفي أوكي حبايبي
بيكون كل يوم سبت من كل أسبوعين
أن شاء الله
بخليكم مع الروايه الأولى والجزء الأول :
(( الجزء الأول ))
المها : حمود متى بترجع من السفر
محمد : مهاوي حبيبتي ما أقدر أقولك لأني ما أدري متى برجع !!
المها : طيب ربي يحفظك وترجع لنا بالسلامه
محمد بحزن :بشتاق لكم مع ألف سلامه ياعمري
المها تبكي :............
محمد بمرح : لا تخليني أجيك ألحين
المها : يا ليت والله
محمد يضحك : أن شاء الله عمتي تآمرين بشي ثاني ؟
المها تضحك : الله يوفقك دير بالك للدراستك
محمد :الحمدالله وأخيراً ضحكتي
المها : فمأن الله أخوي الغالي
محمد : الله يحفظك ويخليك سلمي على الأهل مع السلامه
المها وهي تعدل لاب توب في حضنه : الله يسلمك مع السلامه
صلت المها صلاة الليل وقعدت تقرأ القرآن
فجآة أحد يطق الباب
: ممكن أدخل ؟
المها :هلا الجازي حياك أدخلي
الجازي : الله يتقبل توك مصليه ؟
المها : لا أصلي صلاة الليل حمود يسلم عليك
الجازي نطت من على السرير : حمود كلم متى ؟
المها بغرور مصطنع : أيو كلمني ما يقدر يستغني عني
الجازي : لا جد كلم
المها : أيو
الجازي تقوم متوجها للباب تجي قدامها المها
المها : على وين يا عمري ؟؟
الجازي : بروح أبشر أمي !!
المها : من جدك باقي على الفجر 10 دقايق وروحي وقوليلها على كيفك بس ألحين هي نايمه
الجازي بتفهم :طيب طيب
يوم الجمعه
الساعه 8:30 الصبح
أم محمد : ليلى
ليلى أثيوبيها خدامه قديمه عندهم : نعم مدام
أم محمد : قومي البنات ليلى قولي ماما يبي ضروري
ليلى : حاضر مدام بس الجازي ما تقوم
أم محمد : خلي المها تقومها
في بيت أبو فيصل
فيصل : أنقلعي برا ما تفهمين
سارة : والله ببكي أمي تقول قومي فيصل وهو يقول أنقلعي وش هالحظ
فيصل : ربي يأخذ أمانته أنقلعي
سارة : فصولتي قوم والله تعبت وأنا رايحه جايه قوم وأنتهى الموضوع
فيصل بهدووء : طيب
أم فيصل عند باب غرفه فيصل : يا ولدي قم ودنا بيت أبو محمد بنروح معهم البر مدام اليوم أجازة
فيصل فز من سريره وبأس رأس أمه : صباح الخير الغالية
أم فيصل : الله يرضى عليك يا ولدي الله يصبحك بالخير
وطلعت من الغرفه هي وسارة عشان يأخذ راحته
في البر
عوائل عائله أبو عبدالله وهم :
عائله أبو نواف
عائله أبو فيصل
عائله أبو محمد
عائله أبو خالد
مي وهي تحضن الجازي : جويزي الدبه وحشتيني
الجازي معصبه :هلا ميونه أخبارك يا قلبي؟
مي تقلد ملامح وجهه وهي معصبه : وشفيك يا حظي معصبه ؟!
الجازي : مقوميني من الساعه 9:30
أم محمد : يا بنات روحو سلموا على عمامكم
البنات بأصوات متفرقه : أن شاء الله
الجازي : مهاوي
المها : هلا
الجازي : وشرايكم نشب ضو
مي : واو فكرة بس لحظه بنادي بندر أخوي
الجازي : أحسن ريحتينا
مي : وأنا ما أفكر الأ في راحتنا هو بسرعه راح يسويها بس خليه يرضى
المها سرحانه تفكر في موبايلها من يوم ما نزلو في البر ما شافته
المها : جويزي شفتي جوالي ؟
الجازي : مع عبودي
المها توهقت لأن عبدالله عند الرجال وتوه صغير يعني يمكن أحد يفتش جواله من الشباب
المها : بروح أجيبه
الجازي : عند الرجال
المها :والسواه أبيه ؟!!
الجازي: ليش يعني ما فيه شي مهم
المها : أنتي خبل ما أبي أحد يفتشه الرسايل كلها غزل!
الجازي : عادي كلهم بنات يعني ما سويتي شي غلط؟
المها أرتحت من كلام لأختها: صح
عند الشباب
ناصر و هو يغني :
مشكلني حبك يا روح الروح مشكلني
وأتعبني قلبك مع الحساد أتعبني
ياما نصحتك وقلتلك كانك تحبني
إبعد عن الشر يا عمري وغني له
إذا نصحتك ياليت تسمع وتراعي
لا تشتكيني لي لا تلوي ذراعي
هات الوفا والصراحة أساس أطباعي
وا ويل قلبي من أطباعك أيا ويله
إحذر كلام الوشاية لا يفرقنا
وإحذر حبيبي وخلنا في محبتنا
الناس ما همها إلا تبعدنا
والحب ما بيننا لازم نوفي له
هيهات أنا أنسى هواك ساكن في وجداني
يعزف على أوتار قلبي هيض أشجاني
حتى المشاعر حكت لك إنت شي ثاني
إنت المحب اللي ما يصح تبديله
طيفك يلاحق عيوني وين أروح ألقاه
الله عليه يا حبيبي يا سلام الله
فيصل وهو يصفر : يا شيخ غطيت على السندباد
ناصر بغرور مصطنع: أصلاً هو يقلدني
عبدالله عمره 8 سنوات : صوتك حلو يا ناصر
ناصر بغرور مصطنع : تبغاني أوقع لك بس ما فيه وقت
فيصل وهو يضحك : عبودي أنتظر خل يوقع لي ألحين بعدين أنت طيب
عبدالله : طيب
ليث : السلام عليكم ورحمه الله وبركاته
ناصر وفيصل وعبدالله : وعليكم السلام ورحمه الله وبركاته
قامو يسلمون على ولد عمهم بس هم اللي كانو في المجلس
ناصر جاه أتصال
ناصر : مرحبا
:هلا
ناصر: وينكم وش ذا التأخير
: أنت وينك ؟
ناصر :في ذا البر
: طيب سلام
ناصر : مرحبا ومسهلا
صك ناصر منه وشوي الأ ويسمع صوت صراخ
طل ناصر على مكان الحريم
...................
هذا الجزء الأول وإذا لقيت ردود تستاهل أني أنزل الأجزاء الباقيه بأنزلها جزء أو جزئين
والسلام عليكم ورحمه الله وبركاته