عناد زوجي ونفسيته مليت منه والله افيدوني

1. شخباركم حبيباتي

السلام عليكم

شخباركم حبيباتي

ابي شوركم صارلي فوق الشهر انا ورجلي من مشكله لمشكله ومن هوشه لهوشه صاير لسانه طويل وعصبي وهو اساسا صدره ضيق وصاير بس يهاوشني على اتفه الاسباب وانا ازعل والحين صارلي 4 ايام زعلانه بسبة قلاص ( كوب) ...
وفوق كل هذا فيه طبع خايس سواء انا الغلطانه او هو يبيني انا اللي اعتذر واتاسف انا دلعته حيل وعودته اني انا اللي ابدا بحل المشاكل لانه اذا زعل يقعد 3 او 4 ايام وهو وزعلان ومرات يضل اسبوع مايكلمني الين اجي اترضاه واتاسف ومرات اقول انا موغلطانه ليش انا اللي ابدا واصبر عليه بس لما يتعدا الزعل كم يوم اقول يالله هالدنيا ماتستاهل وانا اللي اجيه وافاتحه بالموضوع او اقوله اذا انا غلطانه اسفه بس المشكله كيت كيت اما اذا جرحني او زعلني وطول صوته على شيء مايستاهل ازعل عليه ابيه يجي يقول شفيك علشان اقوله لاتطول لسانك على اي شيء وابقوله يوسع صدره وابسولف عليه يعني ما ابيه يتاسف لي بس يحسسني انه مهتم فيني ابد مايجيني اول زواجي كان يجي بعض المرات ويتاسف بس صارله سنه ابد مايجي ..
شتنصحوني فيه الحين انا زعلانه وهو الغلطان وهو شكله اول مره حس بالغلط لانه بعد ماهاوشني ونزلت تحت قعد يسايرني بس ماعطيته وجه وهذي مو عادتي لاني اطخ بسرعه او بالاصح اذا حايلني علطول ارضى اخاف انه يطنشني بعدها وانا هالمره ما عطيته وجه ابيه يتادب ما يصارخ علي انا في بيت اهله وانا متاكده امهم يسمعون صوته وانا مابي الفضايح والحين اربع ايام مانتكلم وهو ينام بالغرفه الثانيه ...
وسبة الهوشه لقيته شارب الماي باكواب الطقم الغالي وانا حاطه اكواب عاديه وهالاكواب نوعيتهم خفيفه يعني بس منظر وكل ما يطلع واحد من الدرج انكسر وهم كلهم فدوته بس هم طقم كامل وانا لما اخذت الكوب وابغسله طاح بالمغسله طيحه خفيفه وانكسر دشيت عليه وهو عند التلفزيون (( وكان مروق )) قلتله لا تشرب بهالاكواب شوف انكسر وقعد يهاوش حيل قال انتي تكسرينه وانا شكو ويهاوشني قدام بنته من طليقته ( البنت بالروضه تفهم )انا قلت لا تطول صوتك مايسوى ماقلتلك شيء وقعد يهاوش حييل لين قالت بنته ياويلها يهاوشها انا هنيه انصدمت قلت لا تهاوشني قدامها توصل الكلام ولا همه وانا اسكت وادش بغرفتي فلما نزلنا يبي يضحكني وانا مو معطيته وجه هنيه هو عاد اللي زعل ليش تعامليني جذيه وهذي حكايتي وصاار من اربع ايام مايعطيني وجه ابدا لان هذي طريقة رجلي اذا زعلت على شيء كبير يسولف معي اي سالفه او يتغشمر واذا ماعطيته وجه هو اللي يزعل ويبيني اترضاه يعني تنقلب السالفه علي ...
اليوم الصبح اقعده للدوام هو طبعا نايم بالغرفه الثانيه وحطيت ايدي على صدره ابقعدهقال شيلي ايدك عني بنفس خايسه قالها انا حقدت عليه يعني مو متقبل مني اي شيء ..
شرايكم اروح اترضااه او هو الغلطان ودي اعوده اذا كان غلطان انه يتاسف وودي ااف مليت تكفون افيدوني انا متزوجه من سنه ونص ...
اختكم في الله