عندك علبة شماغ أو غتره لا ترميها

1. عندك علبة غترة أو شماغ لاترمينها عندي لكن فكرة مره حلوه وسهلة


2. المطلوب فقط التالي


3. تجيبين العلبة طبعاً ماتحتاج تجليد أو بخها بألوان لأنها هي جاهزة

بسم الله الرحمن الرحيم
السلام عليكم ورحمه الله وبركاته

عندك علبة غترة أو شماغ لاترمينها عندي لكن فكرة مره حلوه وسهلة

المطلوب فقط التالي

• علبة الشماغ أو الغترة (( خاصة أشكالها شيك وتجنن وألوانها روعة والحين طلعت لها أشكال خياليه ))
• صورة لكي أو لزوجك أو أحد له مكانه غالية في قلبك .. لا أطول عليكن السالفة أي صورة حتى لو صورة طبيعة بس بيني وبينكن أنا أفضل صورة لكي ولزوجك وهذا اللي أنا سويته في غرفتي ,,,
• زهور مجففة أو صناعية
• عقد لؤلؤ
• ممكن دمية على شكل دبدوب صغير إذا الصورة لطفل
• غراء
• عقد ريش ناعم
• فراشات صغيرة ويمكن الإستغناء عنها

تجيبين العلبة طبعاً ماتحتاج تجليد أو بخها بألوان لأنها هي جاهزة

تفتحي العلبة وتلصقي الصورة بالغراء وطبعاً الصورة تكون بمقاس مناسب مع عرض العلبة وممكن تلصقي صور صغار تحتها أو على جوانبها وفي شغله سويتها وهي إني جبت الصور الصغار وحطيت على جوانبها غراء وغطيته بكلين ذهبي وصارت الصورة روعة
المهم تحطي بالقاعدة الدبدوب الصغيرة وتثبتيه بالغراء وتنثري الورود المجففة و غصن فيه ورودصناعية كبيرة نوعاً ما تتناسب ألوانها مع ألوان الخلفية حقت الصورة وتحطيه أمام الدبدوب وتجيبي عقد اللؤلؤ وتحطيه بصورة عشوائية ..
وتلصقي الفراشات الصغار على الورود .
أخيراً تأخذي عقد الريش وتلصقيه على حواف العلبة من أعلى وأسفل ......... وحتحسي العلبة صارت شكلها ناعم وشكلها حلوه مره
أتمنى الفكرة أعجبتكم ...........وأعطوني رأيكم فيها
ولكم خالص تحياتي
منقول لعيونكم