عندما يبكي الرجال دموع لها معنى للزوجه

شوفي ياروحي انا اشوف ان دموع الرجال ماينقص من رجولته ولا كونه رجل له كيانه وشخصيته وذاته فمهما يكون هو رجل ويمكن الرجال يموتون قبل لأنهم يكتمون دموعهم بينما احنا نفرق
رسولنا عليه الصلاة والسلام بكا واصحابه
مهما يكون حنا بشر ولنا احاسيس وكيان
وعسى الدموع اللي تنزل من اعيون ارجالنا دموع فرح ومن خشية الرحمن
ودمتي بوود يالغلا

دموع الرجال يكون امام اللي يحبونهم بس وانا ما اشوف دموعهم نقص بالعكس انتي تتاثرين منها

عسانا ما نشوفها من شر الصراحة قوية دموع الزوج لكنه انسان يحس ويشعر

قويه صح بس اذا انه بكاء وهو يبكي يقول لك انا احبك مااقدر اعيش من دونك وش بيكون احساسك يوه احس اني لحظتها حضنت الدنياء بين ايديا وملكتها لان فيه انسان يكن الي هاالمشاعر العظيمه

أحترم دموع الرجل جداً ، خصوصاً إذا كانت لسبب يستحق
و مو يقعد كل يوم يقلبها بكبكه ..

اهلين بنات
انا نقطة ضعفي دموع الرجال
والرجال مايبكي الا عند الامور اللي تستاهل الدموع مو احنا الحريم على اي شئ بسرعه دموعنا تطلع
وان شاءالله ماتشوفون رجال غالي عليكم يبكي
والله يوفق الجميع
دمتم بود

دموع الرجال غالية
والرجل مايبكي الا في حالتين
القهر وقلة الحيلة
الحزن الشديد
لكن مستحيل تكون منقصة لانهم من لحم ودم
عموما انا دايما اشوف دموع زوجي
عنده حساسيه خ

انا مااتمنى اشوف دموع الرجال وخصوصا ابوي واخوي وزوجي الله يخليهم لي
اذكر كنت لما اقرا بعض الجرايد عن احوال الناس وتكون فيه مقابله مع واحد مظلوم او فقير او قليل الحيله والله احزن واتكدر اليوم كله
بالنسبه لزوجي قبل فتره تكلمنا بموضوع صار وقت الملكه(انا لي اربع سنوات متزوجه ) طبعا احنا تكلمنا فيه وقت الملكه بس عالتليفون وما جبت طاريه من تزوجنا الا قبل كم يوم فتحنا السالفه وتكلمنا كثيربالموضوع وعرف قد ايش جرحني (( اصلا كانت كلمة جرح قليله على ذيك السالفه )) المهم شوي واطالع الا وجهه تغير وكان منكسر شكله ما اقدر اوصفه المهم انا زعلت اني شفت ذيك النظرة بعيونه مع انه غلط علي غلطه فضيعه ومع هذا ندمت اني تكلمت وشفت ذيك النظرة وللحين صورته عالقه بذهني اجل لو بكي وش باسوي مع اني من ذيك السالفه ليالي مرت وانا ابكي فيها
بس دموع الرجال ولحظة انكسارهم ماهي هينه