عندي حفلة ممكن مساعدة

أصبت بالاحباط

في افكاار كثيرة .... بالنسبه للاكل والكيكه يكون عليها صورة النونو تجهزينه بغرفه على طاوله كبيره او مثل البوفيه ترتبيه يعني بالبدايه تصفي المقبلات والبسكويت والشوكلاته والايسكريم والفشار والعصيرات وبالوسط تحطي الكيك وتكون مرتفعه عن باقي الاشياء عشان تبان وتزيني الطاوله بمفرش الوانه حلوه وتحف حلوة تناسب للمناسبه والغرفه وزعي فيها بالونات وزينه جدران وصور للنونو اما هدايا الاطفال متوفره بمحلات الاطفال انواع واحجام كثيرة وحتى القبعات بتلقينها هناك والتصوير فيديو احلى لانه تحتفظين فيه طول العمر ولحد مايكبر وممكن تسوي مسابقه خفيفه للاطفال اسئله واجابات تحضرينها مسبقا او تنافس بينهم والي يفوز يكسب جائزة وهي عبارة عن الهديه تغلفينها وتسوين كروت بالكمبيوتر فيها عبارات واسم النونو والمناسبه وتخلي الشغاله تلبس لبس الارنب او الدب وهذا تلقينه بمحلات الاطفال والهدايا تستاجرينه وهي تعطي الاطفال الهدايا ... اما لبسك انتي خليه الوان فرحة وحلوة مثل الوردي او الابيض والتفاحي والموف وحطي مكياج بسيط وشعرك افتحيه وارفعيه بحركة بسيطه من قدام بس ..... وكل سنه والنونو طيب وعقبال ماتشوفيه عريس وحفله ممتعه ان شاءالله ... واي سؤال انا حاضره

اسال الله يدخل الفرحه على قلبك انت وولدك ويتربى بعزك وتعيشي لحظات طفولته وشبابه وانت في هنا وسعاده ويخليه لكي ويبعد عنكم كل اذى ويبدل احزانك افراح ويجعل ايامكم الجايه فرح وسعاده تحت مظلة رضى الله
بالنسبه للحفله ان كانت علشان عيد ميلاد فهذا ياحبيبتي بدعه فلا تبدين اول لحظة سعاده عندك ببدعه
وان كانت مجرد حفله بسيطه تحاولون تبينون سعا دتكم بارتياحكم من المشاكل اسال الله لكم التوفيق
بالنسبه للحفله ماله داعي بطاقات الدعوه توه صغير عليها وانشالله تسوينها له بعدين اذاكبر
بالنسبه للتصوير حلو يكون فوتغرافي وكاميرا ويكون التصوير شغال من بداية الحفله
بالنسبه للبسك اشوف سبور افضل خصوصا اطفال يبيلهم مين يلعب معاهم
وتكون في الصاله وتعملين زينات خاصه البالونات وياليت تحطينها على باب البيت حتى الكل يعرف ان عندكم حفله
والهدايا والله انا اجيب قبابيع وصفيرات نفس الطقم وكل من يدخل اعطيه الصفيره والبسه القبوع
واجيب هدايا تكون ساعات اطفال او اي شي القاه مناسب لسنهم واغلفه بنفسي واوزعه عليهم قبل مايطلعون واجيب فوتغراف تبع الذكريات حتى كل من يحضر الحفله يسجل دعوه والا كلمه اومباركه
ومفاجأة الحفل في اخر الحفله لبسيه بشت وغتره وعقال وقوليلهم هذا سندي بعد الله وادعيله دعوه حلوه خلي الكل يأمن عليها وقبلها سويله زفه طفوليه وهو لابس البشت وهذا اللي عندي اكتبلك وانا ميته نوم بس ماحبيت اطلع ما ادعيلكم دعوة حلوه الله لايفرق بينكم ويخليكم لبعض

الله يخليه لك حبيبتي وتعيشوا في سعادة دنيا وآخره يارب

فوز .. رفل .. تجاريح الايام الله يوفقكم دنيا واخرة وكل الشكر على الدعوات الحلوة وامين يارب..
وافكاركم حلوه مره وسهلة وعمليه ..

السلام عليكم ورحمة الله وبركاته
الله يعطيك العافية على الروح الطيبة عندك..........والحمد على كل حال المؤمن مبتلى ........أنتي بس اطردي الأحباط من حياتك وثقي بالله ..........
وبالنسبة للحفلات فيه لي موضوع متكامل وشامل للحفلات...........وهذا رابط الموضوع..........
http://www.alfrasha.com/showthread.php?t=117352
اتمنى أكون افدتك..........ولاتنسين تصورينه فيديو أحلى شي يبقى للذكرى..........
وهاه لاتنسين اعزمينا........ههه