عيشو معاي همي

1. مسا الخير جميعا وعيدكم مبارك


2. حتى الجامعة تخرجت منها من سنتين ومااشتغلت ابي شئ يسليني

مسا الخير جميعا وعيدكم مبارك

اللحين بقولكم شصار معاي وشنو الزعلني وكدرني لدرجة اني حسيت اني وحيدة احساس صعب مخيف محبط لا هذي مو اول مرة احس فيها دايما بس هل المرة لاني لاحظت اني غير عن كل البنات القصة ومافيها
قبل امس كان عرس بنت عمي كان العرس عائلي وكان الجو حلو وكان صوت الاغاني تحزني بالبداية حسيت احاس غريب ودي ارجع للبيت حسيت اني غريبة رغم هم اهلي وناسي المهم دخلت العرس وانا من النوع اللي ما يرقص ولا يصفق خجولة لابعد الحدود يعني تقدرون تقول بس مظهر
وكل شوي تجيني بنات من غرايبي يسلمون علي ويقولولي باركنا انملجنا وانتي نبي نشوفج عروس متى ان شالله ؟ قاعدة اقول ربج كريم
وبعدين ظليت بقلبي ابجي واطالع العروس وادقق فيها واشوف البنات الاصغر مني صاروا احسن مني اللي ملجت واللي انخطبت وتبي تملج ولي عندها عيال والحامل
حسيت اني غريبة وحيدة ضايعة قاعدة ابجي واقول استغفر الله ياربي انا بشنو غير عنهم ؟ حرام اللبس هل الثوب ؟ حرام اكون عروس وهذا عرسي وامي وخواتي واقفين جنبي
والله مايئست من رحمة ربي وحاسنة الظن فيه حتى اللحظة بس كل ما يصير عندنا عرس اتضايق وابجي قاعدة استغفر باليوم نص ساعة وقاعدة اصلي قيام الليل مرات ابجي ودي اعرف يمكن اكون مقصرة بشئ مكن استغفر الله دعائي ناقص علما اني اول ماادعي اقول شكرا لك يارب العالمين ع النعم التي انعمت علينا من ثم اصلي ع الرسول ومثل ادعي ياربي اغفر للمسلمين والمسلمات والمؤمنات والمؤمنين الاحياء والاموات ومن ثم ادعي لامي وابوي بصحة والعافية والله يخليهم لنا من ثم اقول اشهد بانك لا اله الا انت الاحد الصمد الذي لم يلد ولم يولد ارزقني من فضلك بالزوج الصالح واظل اوصف اللي ابيه واطلع بقلبي من هموم من ثم دعاء حق كل بنات وشباب المسلمين ان ترزقهم من فضلك بالازواج الصالحين والرزق الكريم
وبس
قولولي يابنات شسوي بحالي حتى امي قاعدة تتعذب عشانا مو بس انا ماتزوجت لا انا ولا خواتي وحتى اخواني احس اننا غير عن كل الناس وان جى النصيب مايتم

حتى الجامعة تخرجت منها من سنتين ومااشتغلت ابي شئ يسليني

ومن نفسيتي التعبانه ابتليت بتكيس المبايض اللي سمني شوي وخله الدورة مخربطة الدكتورة تقولي هذا لانج تفكرين كثير وما بيروح الا بالزواج وانا ابجي بداخلي حتى هل المرض يبي زواج انا بروحي قاعدة اتعذب واتحطم مليت مليت بس كلي امل بربي ومويائسة بس احس اني معمرة بالنسبة للبنات تخيلو بالعرس البنات اللي كانوا يقعدون معاي روحوا وظليت وحيدة كل وحدة لا هية بيتها وانا لاهية بهمي متى اتزوج متى يجي هذاك اليوم ياترى بيجي وان جى كم بيكون عمري يابنات موقاعدة اتحمل هل احساس ويارب كل وحدة محرمومه مثلي تتزوج بالزوج الصالح واللي ماتجيب عيالي تحمل والله يرزق الكل برزق الكريم