غرفة عندي وحابه إنتوا تفرشونها وتخلون الديكور

** جان **

26-10-2022 - 02:38 am

السلام عليكم فراشات .. شخباركم؟؟
ماتدرون أي كثر أحب أدخل المنتدى وأقرأ مواضيعة الحلوه... من حياه زوجية وديكور وميك آب والمول وركن العروس
يعني كلشي فيه حلو.. مابي أطول عليكم.. بس أنا عندي غرفة في شقتي.. مادري شخلي فيها وأي ألوان وشلون الستاير وهالسوالف.. فيدوني يا جماعة..
أنا فكرت في كراسي لونهم بيج وأحمر وبحط لكم صور لهم بس بعدين لأني الحين بقوم.. ماعندي وقت وللحين ما خذيتهم مادري شلون الديكور الباقي أسويه وأي ألوان أستخدم للأرضيه وللجدران وأنا خاطري أسوي لي الجدران إلي مو بس لون واحد لونين .... والجبس وغيرها من هالسوالف ومن وين أحصلهم يعني من أي مكان؟؟
فكروا معاي وفيدوني الله يخليكم...

التعليقات (5)

** جان **

26-10-2022 - 05:57 am

وهاذي الصور يالغاليين
مادري شنو أختار لون الصبغ والستاير والسيراميك... ساعدوني وكفاية إطنشوني..

الدلع جود والحلا موجود

26-10-2022 - 06:58 am

حبيبتي خلي لون الصبغه بيج بس يكون أغمق من درجه الكنب بشوي
وطبعآ المناظر والسجاد والتحف وبقيه الأثاث يكون باللون الأحمر بدرجاته
والطاوله بيج (( إي درجه من درجات البيج ))وإذا ما لقيتي دوري طاوله باللون البني بس يكون ماشي مع الأثاث
وأتمنى ان ذوقي يعجبك

** جان **

26-10-2022 - 07:59 am

مشكورة خيوتي على الرد وماطنشتيني مثل ماسولي باقي الفراشات... حبيبتي إنتي والله... أنا بعد فكرت إني أصبغ بيج وجدار واحد مايكون فيه الكراسي لونه أحمر الجهه إلي بخلي فيها التلفزيون وهالسوالف..
مشكورة حبيبتي على الرد والذوق

*ام ريوني*R

26-10-2022 - 09:00 am

نفس حالتي محتاره وش اعمل في بيتي عموما فكرة البيج والاحمر حبيتها

** جان **

26-10-2022 - 10:01 am

مشكورة حبيبتي لإبداء رأيج بالألوان والله حيره ما بعدها حيره

السكن في القران ارجو المساعدة←
اللوحات لمسة ذوق وفن بالمنزل→