غرفتي

1. والونين الي هم تركواز فاتح والثاني موف..

السلآم عليكم ورحمته الله وبركآته
صبآحكم /مسآئكم ..
جوري
انا من متابعين المنتدىا لاكن من بعيد لبعيد < تحب القراءه
وماشاء الله مواضيعكم حلوة وافكاركم بعد
فا قررت اني اصبغ غرفتي بنفسي وقلت لا اهلي وقالو مافي مشكل يحسبوني امزح طبعا اختي الي متزوجه ما صدقتني تقول تبين تموتين علينا<< عندها حساسية
المهم مادريت الا واخوي جايب لي بوية لونين

والونين الي هم تركواز فاتح والثاني موف..

ولون غرفتي الاساسي ابيض طبعا سئلت ابي اخذ راي احد كلهم يقولون بكيفك او الي بعجبك سويه
وانا ابي ابهرهم اني مو جالسه اتسلىا ولا العب ابي شي بجد اسويه بديت بديت بجدار الي ورىا الباب تقريبا اقل من ربعه بلون تركواز علشان اتعلم عليه وضبطته بس يبيله تعديل حبتين وانا اصبغ فكرت لازم انسق با الالوان << توك تفكرين ياحلوة
وقلت مالي الا المنتدىا الي اخذت منه الفكره وكمان اخذت افكار من عالم حواء بس محتارة وش اسوي
انا فكرت اخلي الزاويه الي ع اليمين فيها دوائر ملونه با الونين طبعا زاويه وحده بس وتكون الخلفيه سآده والجدار الي قدام سريري موف والي ع الجوانب تركوازوالي خلفي موف مآدري بس احس بيعطي نظره اكبر للغرفه ولآ ..!
وابي كذا فكرة انتم كريمين وحنا نستاهل
وكمآن فكرت لما اخلص صبغ اجيب المبات الصغنونة الي ع شكل ستارة اتمنىا فهمتوني..! واحطها في السقف احس شكلها بيطلع شي انا سئلت عن سعرها بس مرة غالي توقعتها ارخص
يعني 3 امتار في متر وشوي ب200 ريال وانا ابي كبيره يعني بتكلفني 400 فاقلت بنفسي اركب سبت لاايت صغنونه مرة ويمكن تصير اقل تكلفه ..!
وكمآن نفسي اصبغ الباب والدولااب والتسريحه والكمدينه الصغيره بس مررة محتارة كيف انسق لاني ماعرف واخوي الله يهديه جاب الوان فاتحه لانها بتصير فاتحه بعد مع الوقت.! وابي بعد كيف اخلي الستارة لاني حاطه فكره في راسي ابي اكسر الون بلون اورنج او تفآحي ومابي ستاره مكلفه انا بسويها بقماش فيه لمعه وفيه بعد قماش مدري وش اسمه< عليك وصف
وابي احط عليه ستارة كرستال الي تجيك خيوط عرفتوها..! انا عندي لون وردي وابي استفيد منها ..
طولت عليكم بس انا من جد محتآرة ...