غرف نوم السعوديين رايحه فيها

1. مدخل :


2. ( حديث مرفوع)

مدخل :

( حديث مرفوع)

عن سَعْدِ بْنِ أَبِي وَقَّاصٍ , قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مِنْ سَعَادَةِ ابْنِ آدَمَ ثَلاثٌ ، وَمِنْ شِقْوَةِ ابْنِ آدَمَ ثَلاثٌ ، فَمِنْ سَعَادَتِهِ : الْمَرْأَةُ الصَّالِحَةُ , وَالْمَسْكَنُ الصَّالِحُ , وَالْمَرْكَبُ الْهَنِيُّ ، وَمِنْ شِقْوَةِ ابْنِ آدَمَ : الْمَرْأَةُ السُّوءُ , وَالْمَسْكَنُ السُّوءُ , وَالْمَرْكَبُ السُّوءُ " .
::::::::::::::::::::::::::
انا باتكلم عن اصحاب الشقق المستأجره مثلي
طبعا زمان كانت غرف النوم بدون حمام داخلي ...لكن الان بيفهمونا اصحاب العقارات انهم اتطوروا وصرنا مانلقى شقة الا غرفة النوم مع حمامها لكن!!!
مازالوا متخلفين بتصميمهم وجابوا لنا الهم خاصة في رحلة البحث عن شقة جديدة مناسبة
يعني تفتحي الباب تلقي غرفة النوم وفي زاوية بعيدة تلقين باب ويقولون لك هناك الحمام!!المفروض الحمام اولا!!
والمفروض الحمام والغرفة يجمعهم باب واحد ...لو فتحتيه تلقي سيب صغير جهه منه تودي للحمام وجهه تودي لغرفة النوم !! يعني ماتكون غرفة النوم بالوجه على طول اول ماتفتحي الباب من الصالة ...
مثل الصورة:
ولو يحطوا بعد غرفة صغيرة لدولاب الملابس الداخلية او غيرها من احتياجات الحمام للمتزوجين من كريمات عطور فوط شراشف للسرير غيارات سيشوار مراية تسريحه ...الخ
صورة :
يعني مو معقولة الزوج نايم والزوجة فوق راسه تسشور شعرها ..او تلبس ملابسها ...وبرضه الزوج لما يروح الدوام والزوجة في سابع نومة ...قمة الازعاج لها وهو يقربع باغراضه
من جد نعاني بتفصيل غرف النوم احنا السعوديين...ومالها خصوصية ابدا!!
و حتى لو ابغى ابو العيال بهرجه خاصة ومابي العيال يسمعون مااقدر القى مكان بغرفة النوم!!
ودي اعزمه على فنجان قهوة بزاوية مرتبه بغرفة النوم مكونة من كرسيين وطاوله ...واتكلم براحتي
اتذكرت مسلسل لن اعيش في جلباب ابي كانت عبله كامل ونور الشريف يتدولون اخبار اليوم بغرفة النوم بمكان رايق ومع فنجان قهوة او عصير
ومسلسل وراء الشمس كانت صبا مبارك تدق حنك مع زوجها بقهوة الصباح بعيد عن سمع ام الزوج المزعجه >>>متابعة جيدة للمسلسلات
غرفنا ضيقة يادوب تشيل السرير والتسريحة والشماعه والدولاب !!
مانبى قصر...لكن نبغى اصحاب العقارات يوسعون لنا شوي ويتركون لنا مساحه نعيش خصوصيتنا بحريتنا..ماكفاية مانقدر نمسك ابو العيال الا بغرفة النوم...نبغاها مريحه وشرحه عشان نضمن نمسكه لاطول فترة ممكنة
ماراح تحس بهالمعاناة الا الي عيالها كبار ويحبون يتسمعون على كل هرجه على بالهم تخصهم وتحكم مصيرهم وماتقدر من عيالها او شغالتها ...صرنا مانلبس هالشي الا عالسرير
ملاحظة مهمه:
رغم غلاء الاجارات ...ورغم اننا ماتنسابنا بتفصيلها ولا بمساحتها ....الا اننا مضطرين للاسف ناخذها لان تصميم الشقق كله بهالشكل المزعج
هل المعاناة وارده بهالقسم...اطرحوا شكاويكم ياسعوديات