فتاة أحبها قلبي

1. مها:طيب .. ايل وين مرايم ماشوفها


2. خلود: راحت تطلب لنا كافي شوفيها هناك

الجزء الأول.....
مها… بنت عمرها 19 سنه تحب اللعب في الشباب كل وقتها تتنقل من مجمع لمجمع ومبدئها لازم الكل يعجب فيني ... هي وشلتها طبعا اللي عرفتهم بالجامعة وغيروا اخلاقها للأسوء
ام مها(فاطمة) حرمه عيوز ما تدري عن بنتها و ما فيها حيل لها و أبوها متوفي من زمان وهي وحيدة أهلها
لهذا السبب أم مها واثقة في بنتها ثقة عميا نجي للأحداث....
الساعه 4 العصر
مها : مساء الخير يمه اخبارج تمام ؟؟؟
أم مها : هلا وغلا فبنتي وينج ليوم ما شفتج ابد
مها: والله كنت بغرفتي وتوني قاعده من النوم تدرين كنت سهرانه امس عند رفيجتي
أم مها: الأهم انج مستانسه عقب الحفله ... هاه يمه تبين اسويلج شي تاكلينه آمري
مها وهي تقعد على الكنبه بملل: لا انا توني اتصلت بالمطعم والحين يجيب لي الطلب
ام مها:ليه بس ما تاكلين من البيت أحسن و أنا بنفسي اسويلج اللي تبينه
مها وبدت تمل من أمها: لا مشكورة إذا بغيت شي منج ماراح استحي بطلبه
وتصد عن أمها وطالع التلفزيون
أم مها ما حبة تزعل بنتها هي اللي بقالها بهذي الدنيا فا سكتت
دق الجرس .. مها: اكيد هذا المطعم بروحله...
ام مها: لا شنو تروحين له خلي الخدامه تطلع له
مها: اقول يمه ما تفرق ترى انا ولا الخدامة ما فيها شي وتطلع بدون حجاب ولا عبايه
فتحت الباب وخذت الطلب من الريال وعطته الفلوس ودخلت
توها تبي تصعد وتناديها امها
ام مها : مها ..
مها: نعم وتلف عليها وهي متخصره
ام مها: بنيتي ليه ما تقعدين وياي مشتااقه لج انا من زماان ما قعدتي وياي عدل
مها : ام والله ودي بس على الساعه 7 لازم اكون جاهزه
ام مها: وين بتروحين؟؟
مها: والله متواعدة أنا والبنات نطلع السوق اليوم ما ضن عندج مانع؟؟
ام مها سكتت ولا رد على بنتها ولا بكلمه و فخاطرها تقول وين مها لأوليه شلون تغير حالها
مها: عن اذنج .. (لفت على امها وهي مكمله طريجها) على فكره ابي فلوس مايصير اروح بدون فلوس .. وراحت
ام مها: كانت العبره خانقتها ومو قادره طلعها تخاف تخرع مها عليها
( لو تدرين بس ان مها مو حاسه بهوا دارج الله يعينج ...)
على الساعه 7 إلا خمس نزلت مها وهي متكشخه تقولين رايحه عرس مو سوق
مها: هاي مامي وانتي للحين هنيه ما تحركتي من مكانج؟؟
ام مها: وين تبيني اروح يعني داري ومليت منها اقعد عند التلفزيون احسن على الأقل فيه حس في البيت اذا شغلته
مها: المهم يمه وين الفلوس
ام مها: لحظه اييبهم لج (وتروح لغرفتها ومها حتى ما كلفت نفسها تروح بدالها)
راحت امها وجابت الفلوس ومها واقفه وهي موصله حدها وتهز بريلها وطالع الساعه كل شوي
يات امها وأخذت الفلوس منها وطلعت حتى ما شكرتها ولا شي
مها: اف سنه يمه ياله تجيبين الفلوس وطلعت وصقعت الباب بقوه
أم مها: .... مع السلامه الله يحفظج وطاحت الدمعه من عينها
مها ركبت سيارتها وراحت المجمع وكانوا رفيجاتها بالكافي ينتظرونها
مها وهي تمشي بكل غرور العالم والكل يطالعها مسكينه ماتدري انها نظرات عتاب
طبعا مها اسم بس انها متحجبه ونص الشعر برا والمكياج كثير والعطر والحاله طبعا رفيجاتها مو اقل منها ....ماعدا مريم غير عنهم
مها وهي تقعد: هاي
البنات: هااياات
هنادي:وينج تأخرتي مو عوا يدج
مها: سكتي الله يعافيج هالعيوز اللي عندي بطت جبدي سنه ياله تجيب الفلوس
هنادي: ويه الله يعينج بس طيب ليه ما تخلين أمج تفتح لج حساب و البطاقة معاج وفكي نفسج
مها: خليها على ربج بس المهم هاه شنو مخططين اليوم
خلود:ولا شي بس الأهم اننا طلعنا من البيت و الأذية من الشياب

مها:طيب .. ايل وين مرايم ماشوفها

خلود: راحت تطلب لنا كافي شوفيها هناك

مها:اوكي ايل بروح انا اطلب لي شي ..(وهي تقوم عدت من عند شلة شباب قام واحد يندس الثاني ويأشرون بعيونهم على مها طبعا هي انتبهت لهم و ستانست أنهم اهتموا فيها إلا واحد استغربت انه ما عبرها ولا حتى لتفت لها هي نقهرت ليه مو عاجبته)
مها: هاي مرايم شلونج ؟؟
مريم: هلا وغلا تمام وانتي؟
مها وهي تكي على الطاوله :والله ماشي الحال ماكوا شي يديد...المهم شنو طلبتي
مرام:طلبت موكا توفي مع تشيز كيك
مها: ام اوكي انا بطلب كيك كاكاو مع كابتشينو
طلبوا و رجعوا مكانهم طبعا مها عدت من يم الشباب مره ثانيه بالغصب تبي تلفت انتباه الولد لكنه ما عبرها أما ربعه عيونهم بغت تطلع من مكانها وهم يتبعون مها....
بهذي اللحظه دق تلفوون خلود....
خلود والضحكه على ويهها من الوناسه: هلا والله هلا ..وترد بصوت رقيق مره.. آآآلو
خالد: هلا بقلبي هلا بروحي
خلود: هلا حبيبي وينك ماشفتك من زمان (وتسوي نفسها زعلانه) تغلا علي ولا شنو
خالد: افا ما عاش من يزعلج ولا يهمج ام شكلج مو في البيت وينج انتي!!!
خلود: انا بالمجمع مع البنات وانت وينك
خالد: طيب اقولج بسكر منج الحين هذا رفيجي جااي اوكي روحي
خلود: اوكي لا تنساني مره ثانيه
خالد: اوكي باي (وسكر الخط وطول الوقت هنادي لاصقه يم خلود تبي تسمع اللي يقولونه ومها منشغله بالولد اللي ما عبرها وتعمدة تقعد جدامه علشان غصب يشوفها مريم قاعد تتفرج على الرايح والراد)
هنادي: والله حركات هالخالد يضحك يحليله
خلود: علشان تعرفين اختياري دوم حلو مو مثلكم
هنادي :عاد حدج على فهود ماتلاقين حد يدللج مثله
مريم كان بالنسبه للمجموعه اعقل شي على الاقل ما عندها صديق للحين مريم ومها كانوا مثال للطالبات بالأدب إلى ان انضموا لهم هنادي وخلود شوي شوي إلا ان صارت مها مثلهم بهذا الطريق...
مريم: اقول بنات ابي اتمشى بالمجمع مليت من القعده
هنادي:لا انا مالي خلق اتحرك بقعد شوي
خلود: وانا بعد بقعد
مريم وهي طالع مها اللي مو معهم ابد:مهوي ... يووه مها
مها: هاه وش تبين انتي
مريم : مها طلبتج امشي نتمشى شوي بالمجمع
مها فكرة لو بتقويم أكيد بيوون ورآها هالشباب و أعجبتها الفكرة علشان غصب عنه الولد ينتبه لها
مها: اوكيي و انا عندي اعز منج ياله
مريم : والله انج تههبلين مو مثل هالعيايز يبوون قعده وبس
قاموا الثنتين وراحوا وكل ما دخلوا محل مها تبطي مشيتها وقبل ما تدخل تتفقد الأمور موجود ولا لا بعدين تدخل
بعد ما عدوا كم محل كانوا الشباب كلهم موجودين وهو معهم لكنه ما عبر مها يعني مجرد نظره عابره وبس
وهذا اللي نرفزها زيااده ...(الحين ربعك كلهم معجبين فيه وانت لا والله لا اكسر غرورك)
مريم: مهوي اقولج حلوه هذي البلوزه ولا لا
مها انتبهت على اخر كلمه وعرفت شنو كانت تقول مريم:ام لو كانت بلون ثاني أحلى ترى
مريم: اوكي ... انتي ما شريتي شي غريبه مو عوايدج
مها: لا بس .. ما ما عجبني شي وهي طالع الشله اللي برا المحل
مريم عرفت ان مها كانت طالع الشباب اللي برا وعرفت انهم اللي كانو بالكوفي
مريم: اقول مها شعندج مع هالشباب وشكلج متنرفزه منهم
مها: اوف من جد كلهم معجبين فيه إلا ذاك شفتيه اللي لابس بنطلون جنز اسوود
مريم طالعتهم: أي شكله مو حق هذي الحركات ما عليج منه خليه يولي
مهاا: لا.. والله لخليه يعجب فيه وما يتركني ابد
مريم هزت راسها بأنه مهما قالت مها بتظل مصره على رايه خلتها راحت حاسبت ورجعت لقت مها واقفه برا المحل قريب من الولد
مريم وهي طالعه: هاه مهووي نمشي انا خلاص خلصت نرجع عند البناات؟
مها بدلع: اوكي ياله خلينا نرجع انا خلاص تعبت ريولي قامت تعورني
واحد من الشله مر يمها وقالها: بسم الله عليج يعله فيني ولا فيج
هي ابتسمت و ستانست حيل... لكن مريم تضايقت منه ما تحب هذي الحركات ورجعوا عند البنات
هنادي: الله الله شنو هذي الجياس كلها حق منوو!!!
مريم: ههه حقي كلهم مهووي ما شرت شي
مريم : ايل خلود وينها مو كانت معاج
هنادي: خالد مسوي لها مفاجئه انه ياي للمجمع وتوها راحت صوب المطاعم معاه
مها: حلفي خالد هنيه حسافه كان ودي شايفته
هناادي: شرايكم نروح نتبعها ونشوف شنو تسوي ومنها تشوفين خالد
مريم: صبروا اروح اودي أغراضي السيارة و جيكم بليز
مها: لج خمس دقايق ياويلج ان تأخرتي
مريم وهي تلم اغراضها وتقوم: اوكي بااي
مها: اقول هنادي تعالي يمي بسررعه
هنادي وهي تقرب منها: هلا شصاير
مها وهي طالع الشباب: شفتي هذيك الشلة
هنادي :أي وحده يا كثرهم
مهاا: أشفيج ركزي معاي الشباب الثلاثه اللي واحد منهم لابس بنطلون جنز اسود
هنادي: ايه شفيهم
مها: باط جبدي حييل مو معبرني ابدد غير عن ربعه
هنادي:يمكنه مو راعي هذي السوالف الحين خليتي الكل و دققتي بهذا
مها: الأنه الوحيد اللي ما عبرني من ييت ولا اهتم فيه ليه مو عاجبته
نرجع المريم..........
وهي بطريقها رايحه السيارة و متبهذله بالجياس اللي معاها صدمت بواحد وهي مو متعمده طبعا كان طوييل و وسيم لدرجه مريم صار ويهها احمر وتحس بحرارة تطلع من جسمها من الفشله
مريم وهي تبتعد عنه: آآآسفه اخوي ما شفتك (وقعدة تلم الأغراض)
الولد: لا عاادي اختي ماصار شي انا المفروض انتبه (وهو يساعدها بشيل الجياس وعطاها ياه وتم واقف يطالعها
مريم: مشكور اخوي (وراحت عنه وقلبها يدق بسررعه من الخوف والموقف المحرج)
الولد تم يطالعها إلى ان طلعت من المجمع وكمل طريقه
هنادي: هذي الي قلنا لها خمس دقايق ودق عليها
مريم: الو
هنادي : انتي وينج ترا بنروح عنج تأخرتي واييد
مريم: اسفه والله كاني دخلت المجمع
هنادي: اوكي بسرعه
قاموا البنات ومها متلهفه لشوفت خالد اللي خلود ميته عليه وصلت لهم مريم وهي تتنفس بصعوبه من الربشه اللي صارت
مها: هناادي أنتي تدرين وينها؟؟
هنادي: اييه اعرف بأي مطعم تقعد هي كاهو المطعم امشو
دخلو المطعم ودقت هنادي على خلود علشان تسمع صوته وتعرف وين هي قاعد طبعا خلود تدخل مع خالد هذا المطعم لأنه الوحيد اللي فيه حواجز للعوايل سمعت رنة جوالها وقعدو بالطاوله اللي يمهم وسكروا الستاره عليهم
هناادي: سكتوا لا تسمعكم حطوا جوالاتكم صامت علشان ما ننفضح وهي تضحك بخبث
مريم كانت قاعده و مضايقه لكن شتسوي هنادي ومها حاطين أذانهم على العازل اللي بينهم وبين خلود بس انقهروا ما يسمعون شي
مها: هي خلونا نطلع ما قاعد نسمع شي
مريم: ايه والله احسن لنا خلونا نطلع
هنادي كان ودها تقعد لكن شتسوي لحالها وطلعوا كلهم من المطعم
مها: انا ماني طالعه من المجمع الى ان اشوف خالد بطلب لي عشا وبقعد هنيه بطاولات المطاعم جدام الباب
هنادي: والله خوش فكره وخلود بتنصدم فينا اذا شافتنا هنيه
مريم: مصدقه نفسج خلود اذا كانت مع خالد ما بتشوف احد
مها: المهم خلكم هنيه انا بروح اطلب
مريم: و انا بعد
هنادي : اقول مها طلبيلي معاج تعرفين شنو احب
مريم راحت صوب كانتون ومها راحت كنتاكي
مريم وهي تنتظر دورها شافت الولد اللي صقعت فيه مع صديقه كانوا متجهين لكانتون هي عطتهم ظهرها ما تبي تشوفه من كثر ماهي منحرجه منه
فيصل: هاه سعيد شنو تبي على حسابي اطلب وانا ادفع
سعيد هو الولد اللي صدمت فيه مريم وهم كل شوي يقربون منها إلى ان صاروا ورآها بالضبط يعني لو ترجع خطوه بتصقع فيه
سعيد:شصاير بالدنيا من متى تعزمني انت
فيصل:ترى اكنسل والله اخلص واطلب
سعيد:اوكي ... ام خلني اشوف أغلا شي بطلبه والله لوريك اخليك تندم على الكرم هذا
فيصل:يا النذل لا تخليني اطلب لك من البوفيه سندويش بيض مع جبن وتخب عليك
سعيد وهو يحظ ايده على جتف فيصل:لا أعرفك ما اهون عليك كنت اامزح ما تتحمل مزح انت ههه
مريم كانت طول الوقت تسمع الكلام اللي دار بينهم وما نتبهت ان جئ دورها
فيصل:امش قدام هذي البنت شكلها مطوله ما بتطلب الحين
سحب سعيد وراح قدام مريم اللي ارتجفت من الخوف لأن سعيد يمها و ابتعدت عنه شوي
سعيد:لو سمحت ..
مريم كانت ماسكه المينو وطالع فيه
فيصل:ياخي وين مينو حقهم...
التفت فيصل على سعيد وانتبه ان مريم ماسكته وطالع فيها طالع فيصل وجهها وباان عليه السرحاان وانها مو يم احد
فيصل:شوي سعيد ..(رجع سعيد على ورا شوي وهو يطالع فيصل)..احم لو سمحتي ممكن المينو؟؟
(وهو ماد ايده لها)
هي انتبهت للأيد اللي ممدوده بتجاها التفتت عليه ونقزت من الخرعه
سعيد كان يطالع مريم وعرفها هذي البنت اللي صدمت فيه قبل شوي
:::::::::::::::::::::::::::::::::::::::::::::::::: :::::::::::::::
يتبع
السلام عليكم ... أبغى ردود ولا ما في الجزء الثاني
انتظر ردودكم يا بنات