فراغات الشعر من مقدمة الرأس طرق للتكثيف

مرحبا بنات ..
كيف حالكم حبايب قلبي..
بنات انا اعاني من مشكله في شعري وعجزت القى لها حل من جد
تعبت والله واللي قاهرني زود ان المشكله اساسها انا يعني جايبه
العله لنفسي بيدي .. تقولون شلون اقولكم كملوا معي الموضوع
انا فيني عاده وطبع ماقدرت اغيره اذا صرت افكر ولا كان عندي
اختبارات ولا مشكله اروح اقطع بشعري << مااعرف ليه مع
اني كل مره اقول لالا خلاص بترك هالعاده وبغيرها لاني بديت احس
شعري يتلف ومافيه حيويه ولا شي والله يقدرني ويساعدني القى له حل
ابي منكم تساعدوني داخله على الله ثم عليكم اللي تعرف شي يفيدني تساعدني
انا سمعت عن الثوم والبصل والجرجير بس ماعرف كيف طريقة استخدامهم
ولا اعرف المقادير بعدين بالنسبه للزيوت كلها متوفره عندي وان شاء الله من
اليوم وطالع بسوي لي جدول عنايه واهتم فيه وربي يخلصني من هالعاده الشينه
ولا ارجع لها ابد الابدين << ههه من حر مافي قلبي حتى الحين فترة العيد
احس ابي اصبغه ولا قدرت قلت مابي الحين بخليه الين ينبت الشعر
اروح اصبغه واسنعه ..
وانبسط فيه واقصه هذيك القصه اللي تطير بالعقل بس دعواتكم لي ان ربي يساعدني
كل اللي ابيه منكم تقولون لي كيف اقدر اخلي خفة الشعر اللي في المقدمه تكثف عطوني
خبراتكم وان شاء الله اني بطبقها باذن اللي ماتنوم عينه واشكر مقدما كل من ردت علي
وساعدتني او حتى رفعت الموضوع بكلمه طيبه وجزاكم الله الف خير ولاتنسوني من
صالح دعائكم ..
ان شاء الله عن قريب راح اسوي جدول عنايه وانزله هنا بنفس الموضوع واقولكم عنه
انتظروني لكل وحده تعاني من هالمشكله ويارب ربي ينفع به قولوا امين