فزعتكم معايا يا بنات الشرقية

السلام عليكم ورحمة الله و بركاته,, انايا فراشات من الغربية و ناقلة على الشرقية باذن الله ,,, و عاد ماشاءالله عليهم اهل الشرقية مافي زيهم في الطيبة و حسن الاستقبال و كلهم حلوين .. عالعموم اناطالبة فزعتكم معايا ,, لا لا لا لا تخافو مو في النقل ههه ,,, بس ابغى مساعدتكم في المدارس الجيدة و افضل الاهلية ,بس يكون مستوى التدريس فيها ممتاز ,و الاخلاق عالية, و الرسوم مناسبة ,, و لو كانت بنين و بنات# ابتدائي و متوسط #افضل,, انا عارفة اني طماعة ,وعارفة انه هادا مطلب الكل والواحد يدور على الافضل لاولاده ,, و بصراحة الاولاد مرة زعلانين من النقلة ما يبغو يغيرو مدارسهم بس ايش نسوي ما باليد حيلة و خايفة عليهم من الصدمة النفسية , ومن مشاكل المدارس الله يحميهم ويحفظلي هم يا رب .. باحاول اخفف عليهم من وطأة النقل , و احسن طريقة اني احطهم في مدارس ينبسطو عليها اتمنى انكم تساعدوني و تفيدوني عن المدارس و مستواها ورسومها بالنسبة للجامعة و الظهران مافي مكان وغير كدة ما اعرف لا تتأخرو علي في الرد لانه ما عندي وقت يعني يا دوب الحق ادور المدارس و على اساسه السكن و الحق الم عفشي قبل لا يدخل علينا العيد و تبدأ الدراسة و نضيع في الزحمة و لكم مني الف شكر