فطرت قلبي

1. هذه ورقه من مذكراتي كتبتها بكل الم واتمنى ان تتقبلوها بينكم

هذه ورقه من مذكراتي كتبتها بكل الم واتمنى ان تتقبلوها بينكم

وقفت اتامل الممر الطويل قدامي بالونه الاخضر الكريه اطالع في الناس الداخله والطالعه الباب لاتماتيك ينفتح ويتسكروانا لسه واقفه مكاني ماكان عندي الشجاعه اني اكمل خطوه كمان حسيت بقلبي منقبض رجع لي كل الم السنوات الي راحت ماكنت اصدق لما يقولون فيه لحظه تجي لانسان ينفصل عن واقعه يعيش بعالم له بعيد عن الناس يحسه مجرد اشباح تمر من جنبه لاحساس هذا جاني بكل قوته حسيت بالم في صدري حسيت اني ضايعه اني فاقده الذاكره ولسه رجعت لي فقدت لاحساس بالي حولي رجعت لسنوات ورا رجعت لك مااعرف شلون دخلت معرف شلون قدرت احط رجلي بالمكان هذا مره ثانيه تصدق دخلت مشيت لكرسينا الي كنا دايم ننتظر فيه جلست اطالعه كان فيه حرمه جالسه سمعت صوت سالم وهويقول ياعمي نادو اسمك مشيت في الممر كنت اطالع كل مكان وكل زاويه وانا مخدره مشيت وانا ادور بعيون عنه طلعت من الباب لممر ثاني ممر خلاني احسه بكتمه خلاني انفصل صدق عن الواقع رجعني لاول يوم لنا فيه مشيت وانا ادور الوحه لقيتها تصدق ابتسمت حسيت بفرح حسيت انك هناك وتنتظرني وقفت عند الباب حسيت بحد يمسك يدي طالعت كانت لولو قالتلي وشفيك اناديك مارديتي العالم طالعوني وانا اناديك كاني مجنونه واناقلبي بيوقف من الخوف عليك قلت لها انا جيت اشوفه شفت الصدمه بعيونها حسيتها تقولي لا انتي تمزحين تبين تخوفيني لفيت عنها وفتحت الباب مكان فيه احد بس الممرضين حقين القسم التفت يميني شفت غرفة المشرفه الغذائيه ماعرف وش الي حصل لي وقتها بس كل الي كنت حاسه فيه اني بشوفك كنت اسرع بخطواتي عشان اتاكد من شعوري مشيت للغرفه الي كنا دايم فيها شفت السرير بس ماكنت عليه كان فيه رجال ثاني وولده واقف يسمع كلام الممرض لفو علي كلهم شفت نظرات الرجال وولده كلها استغراب والممرض كانت صدمه او استغراب مااعرف تدري انا وقتها وش حسيت حسيت بكل الم عشته وعانيته في غيابك يرجع ويرجع بقوه مؤلمه سحبتني لولو وهي تقولي امشي بنطلع خلاص الله لايعيده من موعد سحبت يدي منها بقوه وجلست على اقرب كرسي تلفت يمين ويسار ادورك وانا اقول اهو فيه لولو فيه شفتها تحط ايدها على فمها بسم الله عليك تعوذي من ابليس وخلينا نمشي انا خلصت تدري وش صحاني من غيبوبتي ايه غيبوبه لانها فصلتني عن العالم خلتني بنظر اختي مريضه صوته الصوت الي تعودت عليه ست شهور يوم ورا يوم قالي انتي بنت سعد بن عبدالعزيز طالعت فيه وانا نظارتي كلها كره وحقد ايه عرفت احقد اهم خذوك مني هم حرموني منك اهم سبب همي اهم سبب يتمي رجع يوقف عدل قالي الله يرحمه ويغفرلله دموعك ماترجع الميت ماينفعه الا الدعاء ادعي له طالعت فيه وقلت له بكل القهر الي بقلبي بكل لالم الي يقطعني الله يحرق قلبك زي ماحرقت قلبي ومشيت شفت الصدمه بعيونه جا بيمشي وراي بس سمعت لولو تقوله حدك بعدعنا مشيت اجر رجلي جر سمعتها تكلم السواق يقرب السياره مشيت وانا بعالمي مشيت وانا احس فيك احس بنظراتك بهمسك بابتسامتك طلعت وانا مدري انا حسيت بيدتمسكني وتركبني السياره اتقفل الباب وانا ادور بنظري على المكان الي سرقك مني على كل جزء فيه حتى الطريق الي كنت لما اضطر اني امر منه اقفل عيوني ولا اشوفه اليوم شفته سمعتها تتكلم بس ماهتميت لاني معاك رجعت لايامي معاك تذكرت كل لحظه مرت علي معاك تمنيت الايام ترجع واتمسك فيها ...........
وش فيه الحلو سرحان ابتسمت لي وانت ساكت قلت لك افا سوسو زعلان وانا جنبه قمت التحطيم قلت يابوك تعبان وقف قلبي من الخوف قلت لك سلامتك يالغالي وش تحس فيه قلت لي ابد من هالجلسه الكرسي متعب تنفست براحه طالعت سالم قلت رح شف وش صار الموعد له عشر دقايق مبتدي وهم ماقالو اسمنا راح يشوفهم وانت كملت سكوتك دخلنا على الدكتور وعدى هالموعد مثل اي موعد ثاني رجعت من دوامي وانا ادورك قلت لهم ابوي وينه قالو رايح موعد استغربت موعد طيب اهو ماعنده موعد قالت امي الا عنده موعد خذاه عبدالعزيز واهو وداه استغربت اشلون ياخذه وماقالي اصلا اهو مايوديك دايم يتعذر باعذار غبيه ليش اليوم شفت نظراتي امي لي بس انا كملت سكوتي جلست بالصاله استناك قالت لي افصخي عباتك قلت ان شالله ولا تحركت من مكاني كانت عيوني على الباب انتظر دخولك شفتهم يناظرون بعض بس ماهتميت طلعت جوالي ودقيت على جوالك وانا ارتجف مدري ليش حسيت بقلبي منقبض ليش هالكأبه الي حسيتها استناك ترفع الخط وقلبي دقاته في حلقي من الخوف ايه كنت اخاف عليك كنت اخاف من كل شي يجيك كنت اخاف عليك من كل الناس حتى من امي تخيل اخاف من امي عليك ماامن احد عليك حتى اهي واهي اغلى من نور عيوني هي نبضي وحياتي هي فرحي وغناتي كنت اخاف انام وانت نايم اجلس طوال الليل اراقبك اخاف تنكتم او يجيك شي وانا نايمه كانو صديقاتي يضحكون علي يقلون كل هالكبر وتنامين مع امك وابوك ماكنت ارد بس ابتسم ماكان فيه احد يدري عن النار الي بقلبي ماحسوبخوفي بقلقي كان تفسيرهم انه بحدود الطبيعي خوف اي بنت على ابوها قطع تفكيري صوتك قلتلي لبيه ضحكت وانا قولك سم يالغالي وينك شلون تروح ماتقول سمعت ضحكته واهويقول مع اخوك يابوك مع اخوك حسيت ان بصوتك غصه حولت اكذب احساسي وكملت متى بتجي قلت لي انا عندالباب طرت لك والضحكه شاقه وجهي ياهلا ويامرحبا بنور الدنيا والكون نطيت لحضنك وانا اعطي عبدالعزيز نظرات ليش ماقلت لي ان ابوي عنده موعد وش هالبرالي جاك فجئه انانيه اعرف انا مافكرت فيك ماحسيت بألمك وانا اذكر اهمال ولدك لك طالعني واهو يقول لايكثر وادخلي ابوي تعبان ناظرتك على طول وانا اقول وش تحس فيه قلت ارهاق ارهاق يابوك دخلنا والكل كان ينتظر نزلت المغرب والكل مجتمع سلمت وجلست وين ابوي قالت لولو عنده رجال سكت شفت نايف وفيصل يناظروني بنظرات غريبه قلت خير وش فيكم قالي نايف مافي شي حرام ناظر سكت وجلست العب بجوالي كنت احس ان فيه شي بس مدري وشوماهتميت لاني واثقه انه مايخصك وامي قدامي واخواني وخواتي كلهم فيه يعني مافي شي مهم سمعت امي تهمس للجازي تسكت بس اهي ماهتمت لهمس امي قالت دلال رفعت راسي قلت هلا قالت بقولك شي بس لازم تخلين ايمانك بالله قوي وان الله كاتب هالشي انا اناظرها ببتسامه اكيد والنعم بالله قالت ابوي معاه ... سكت وانا انقل نظري بينهم شفت دموع امي والولو الجازي كانت ماسكه نفسها نايف وفيصل ساكتين ويناظرون اي شي الا وجيهنامدري من وين جتني القوه قلت لهم بسيطه الحمدلله شي هين له علاج مو مرض ماله علاج ابوي بيتعالج وبيرجع مثل اول ولا ابغى اي احد فيكم يقول شي له اويبين له انه متاثر من مرضه لان ابوي بيشفا ويرجع مثل لاول مر كل شي زي الشريط قدام عيني سفرك ورجوعك وانت طيب فرحتي وفرحت اهلي كلهم الي ماكملت شهرين الا وضعك منتكس دخولك المستشفى وتهميشي من اخواني وسحب كل صلاحياتي رجعت ليوم قالو انهم ركبو لك جهاز واهوبيساعدك على تحسن حالتك ماعجبني اختيارهم قهروني لانك لما سافرت قالو ان هالجهاز ماراح ينفعك جاوقت التدريب وشفت حيرتهم اخواني يبه كل واحد طالع الثاني مين بيتدرب مع امي اي واحد فيه راح يتنازل عن وقته الثمين الصغار دراسه ومستحيل يكون واحد فيهم باقي الثلاثه الكبار عبدالعزيز قال انا رجال عندي بيت ودوام وموعايش معكم تركي غير موجود لان الموضوع مايهمه منصور قال انا عندي دوام قلت خلصتو طالعو فيني شفت نظرات الحقد في عيون عبدالعزيز بس ماهمني قلت من قالكم اني بخليكم تقربون لبوي انا الي بتدرب والرجال فيكم يفتح فمه والحين بره كلكم بدون اي استثناء بيتي يتعذركم شفته جاي لي وجه كله احمر من العصبيه سحبني من يدي وهويقول اعتدلي لعدلك قلت له بكل قوه فيني تخسى واذا رجال ورني وش بتسوي وانا الي بوقفك عند حدك تحسبني غبيه ولا ماعرف وش انت وخوك مسوين ارتبك تركي لكن اهو مهتز اعرف قوي مافي شي يهزه او يخوفه قالي ورين وش بتسوين سمعت نايف واهو يقوله وخر يدك جعلها الكسر اذا شفتك مره ثانيه رافع يدك على اختي كسرتها لك دفه عني وقالهم يالله يعيال امكم برى تاكدت وقتها انه ثعبان وانه يمشي مع مصلحته وعرف ان مصلحته بالوقت ها انه مايعاند نايف طلعو وانا من ثاني يوم بدينا تدريب مرت لايام وطلعت من المستشفى وتحسنت مع الجهاز فرحت حسيت ان ابوي رجع لي عشت احلى ست شهور في حياتي كنت مرتاحه نسيت الخوف ونسيت القلق عشت حياتي زي اي بنت اذكر فرحتك يوم خطوبتي واشلون دمعت عيونك وانت تقولي تراه رجال يابوك ولا ماكنت عطيته اغلى بناتي ضحك وانا احسني بطير من الفرح كل شي اتمناه وصار فجئه قطع ذكرياتي الحلوه الباب انفتح وشفت نايف بوجهي جلست اطالع متى وصلنا شلون ماحسيت شفت نظراته الي كلها خوف شفت فيصل يوقف سيارته وينزل بسرعه امي بالحوش بجلاله وش صاير سمعته يقول دلال حبيبتي وش فيك ناظرته وانا ساكته نزلت ومشيت لامي حظنتها وانا ابكي قلت يمه ابوي ابوي يمه قالت الله يرحمه صوتها كان خانقته العبره جلست اصيح واصيح رجع لي الشريط مر بسرعه انتكاستك مرضك دخولك المستشفى وموتك تدري يبه كلها اسبوعين اسبوعين كنت بكل قوتي كنت كل يوم اجيك اضحك واسولف كنت تناظرني بحزن تقهرني نظراتك بس اتجاهلها واستمر بكلامي ماكان يهمني شي المهم انت اسبوع وانا على هالوضع وانت وضعك ماتغير ولانظراتك انصدمت لما جيت وقلت لي يابوك اليوم عطوني علاج اثر علي التفت لعبدالعزيز بنظرات تسال قالي مضاد عشان التهاب ماصدقته مدري ليش حسيته يكذب ماكنت اعرف اني كذبت اخوي وصدقت الغريب طلعت للممرض وسالته قالي معطينه مخدر عشان وضعه اليوم الي بعده انت نايم قربت منك وبست رجولك وقلت ليتها فيني ولافيك يالغالي طلعت وانا ماكنت اعرف وش بكره مخبي صحيت على اصوات امي واخواني سمعته تقولهم وين ودوه سالم يقول عمي خذوه ولاعرف وين ودوه نقزت من سريري بسرعه لباب قلت ابوي وينه شفتهم كلهم فيه محدمنه غايب قلت انا اقولكم ابوي وينه قالو بالعنايه تعرف من جاوبني عبدالعزيز سكت جلست على الكرسي وانا احس اني بدوامه قلت وش السالفه ليش قالي اهم عطوه مضاد وكان قوي عليه لان الكبد عنده تعبانه رفعت راسي بقوه قلت له بصرخه ابوي مافيه الكبد ناظروني كلهم قالي نعم الدكتور يقوله له سنه مصاب بالكبد قلت له وانا صارخ باعلى صوتي يكذب ابوي مافيه كبد انا عندي تقارير ابوي كلها اخرتقرير من شهر ابوي مايشكي الامن ..... بس سكتو واهم يطالعوني كملت بعدين اشلون انا طول عمري وانا الي معاه في كل مواعيده ماعمره عطونا موعد عند دكتور الكبد ولا قالو ان الكبد عنده مهدده اواي شي قالي عبدالعزيز شوفي هذا تقرير الدكتور قريته وانا اوقول مستحيل كتمت في قلبي لاني عارفه لو بقول الي في خاطري مستحيل يخليني اروح المستشفى سكت يبه عشان ابغى اشوف هالكذاب هالي مايخاف ربه طلعنا نزورك قالت لي امي ترا انا كلمت الدكتور خالدوقال ايه صدق ابوكم كبده تعبانه من سنه انصدمت حتى اهو يكذب هذا وهو يخاف ربه بس عشان يغطي اخطاء زميله في العمل يكذب على اقاربه طيب طيب والله ماسكت كتمتها في قلبي يبه لاني كنت ابي اشوف وجيهم وانا اقولها لهم انتم كذابين وصلنا ورحنا نشوفك هزني بقوه منظرك ماتخيلت حتى ابسوء مراحل خوفي عليك اني بشوفك بالمنظر هذاكانت الليات بكل مكان في جسمك بخشمك وفمك ايدك ورجولك غير عن الغطاالمنفوخ الي فوقك وقفت اطالع ودومعي تنزل حسيت بنايف وهو يحضني ويقول بيقوم منها لاتخافين التفت قلت وين الدكتور ابغى اشوفه قال طيب تعالي دق على خالد وقاله انا نبغى نقابل الدكتور كنت طول محنا نتوجه لمكتبه وانا دموعي ماوقفت دخلنا المكتب وكان خالد موجود مع الدكتور سلم وجلسنا قال الدكتور امرو وش بغيتو سمعت نايف يقوله مايامر عليك عدو ماقدرت امسك نفسي قاطعته وانا اقوله ابوي وش صار له بدا يقول خرابيط كثيره مهتميت لها تصدق ماهمتني وانا كل شي يخصك يخليني اركز بكل جوارحي لان جواي قهر لوبطلعه احرق هالعالم كله ماعلقت على اي شي الى ماوصل لنقطه الي استناها عشان اطلع حرتي فيه ايه حرتي يبه انا بنتك الي علمتني اني احترم الغير وصوتي مايعلى بوجه الغريب ولاالقريب علمتني كل شي الا اشلون احتمل فرقاك كل شي حكينا فيه عودتني على اشياء كثيره كنت تنصحني وتوجهني بس انت موعندي الحين اشلون بتصرف وشو التصرف الصحيح اشلون اتصرف بحق قاتلك ايه قاتلك وبقولها بعلى صوت اهو الي قتلك اهوالي خلاك تجربه لادويته اهوالي شافك رجال كبير قال هذا بيموت اليوم والابكره وش بيصير لوقدمنا موته قال زي منتوعارفين الوالد فوق هذا يشكي من الكبد ماعرف شلون نزل علي البرود كاني خذته منه قلت له جد من متى طالعني خالد وهومستغرب اني تكلمت بس مهتميت وجهت نظراتي لدكتور قال من سنه تقريب قلت له والله لاتكون غلطان يادكتور قال اشلون اغلط انتي تشككين في مهارتي كادكتور قلت له كادكتور ايه لكن كاقاتل لا شفت نظرات الصدمه في عيونهم كلهم بس مهتميت كملت وانا احس نفسي بنفجر في اي لحظه راح االبرود من متى ابوي يشكي كبده قلي انا كل موعد معاه وكل تحليل واشعه له اشوفه كل شهر اطلب تقرير من كل دكتور يشرف على حالته طلعت التقارير ورميتها على مكتبه قلت قلي في اي شهر من هالشهورغفلت ماخذت تقرير قلي اي شهر انت حطيته واعتبرته شهرربي ماحسبه من شهوره سمعت نايف يقول دلال عيب قلت عيب لاياخوي العيب مومنا العيب من ولدالعم الي يحط يده فيد ذباح عمه العيب منه الي يتستر على قاتل عمه ويقول عنه شرف مهنه اي شرف واي مهنه تتكلمون عنها يادكتور يامحترم انت اعطيت ابوي مضاد اثر على كبده وابالاصح عطلها حاولت تداري جريمتك ولفقت المرض الي من سنه وغفلت ان هالمريض عنده اهل يحبونه ويبونه معهم يتمنون يرجع لهم وهوبكامل عافيته ماهتميت لمشاعرناولقلت عنده اهل يبونه اهل يحبونه مثل حبي لبوي وخوفي عليه بس انت اخترت المريض الغلط وانت ولتفت لخالد انت لانت ولد عمي ولا انا اعرفك واذا شفتك مقرب عند ابوي انت اواهو والله ماتشوفون خير لتفت لنايف قلت طلعنا ياخوي مكانا مومع هالقتله طلعت وسمعت صراخ نايف رجعت وانا ارتجف شفته ماسك الدكتور من قميصه ويهزه والله ان صار لبوي شي ان تدفع الثمن انت وكل من اشترك معاك دفه وطلع وهويسحبني مرهاليوم علينا يبه واحنا بقمت توترنا التموالكل عندنا امتلا بيتنا طالعت في وجيه الكل كنت فاهمه نظراتهم بس اكذبها انتها هاليوم الي كان من اثقل الايام كان باقي بس اربع وعشرين ساعه عشان تعدي مرحلت الخطر اصبحنا اليوم الي بعد طلعت من غرفتي ادور نايف مالقيته لقيت امي والجازي ولولو قلت لهم بتروحون لبوي قالت امي ايه قلت يالله قالت افطري قلت بعدين طلعنا والجازي قالت بتروح العصروصلنا المستشفى وانا مدري ليه كنت حاسه بقلبي منقبض لقينا سالم تحت استغربت قلت له وش تسوي هنا ليش منت مع ابوي قالي والله ياعمتي اهم اخذوه للاشعه قلت له ليش قالي صحى قالو لازم نعمله اشعه طلعنا للعنايه ولقيت خالد بوجهي حقرته سلمت عليه امي وسالت عن ابوي قالها انه في لاشعه ولافضل انا نرجع البيت والعيال بيطمنونا ونقدر نشوفه العصر طلعنا وانا ماكنت مرتاحه دق جوال لولو وصوته كان عالي كانت الجازي سمعتها تصارخ وتقولها ابوك مات ابوك مات وقف العالم عندي حسيت اني بصحراء ماعندي احد ماحسيت بصراخ الولو ولا بكى امي ولابعبدالعزيز لماكلم امي نرجع البيت كل شي كان واقف بالنسبه لي رجعت للواقع بصوت امي وهي تقول للولو اذكري ربك قولي اللهم اجرني في مصيبتي واخلف لي خيرا منها ناظرتها وانا مستغربه واهي تناظرني ومستغربه هدوئي لفيت وجهي اناظر قدام اناظر الشارع وانا مستغربه ابوي مات ابوي انا مات اشلون ليش وصلنا البيت والعيال كلهم فيه تخيل يبه عيالك كلهم اجتمعو نزلت امي شفتهم يحبون راسها ونايف يحضن اللولو يهديها وانا ساكته معرف ليش ابغى اصيح بس ماقدرت مشيت وانا مبغى اشوف احد ابي ادخل يمكن القاها كذبه دخلت ولقيت الجازي معاها عبير وساميه ومشاعل يبكون اول ماشفتني جت بسرعه تحضني دفيتها بقوتي كلها قلت ابوي مامات سامعه ابوي مامات ولااسمع احد فيكم يقول انه ميت مشيت وانا ادورك في كل ركن رحت لكرسيك جلست عليه وانا اشوف سريرك وطاولت علاجك ادويتك ساعتك كانت هناك جوالك كنت وان اناظر كل حاجه تخصك وانا احس بقلبي يتقطع مع كل نظره تعرف شلون يتقطع يبه احساس شين يبه هدني هدني هدني اختفيت من هالكون بس صوتي كان مالي البيت ليه ابوي ليه ابوي اناليش اهو يموت ليش التمو علي كلهم فيصل ماسكني وانا من قوت المي احول افك عمري منه بكل قوتي كنت اصارخ وافك عمري تعرف الطير الي بيطير ولايقد هذا انا يبه جى نايف يمسكني معاه كانو اثنينهم يحاولون يثبتوني شفت دموع امي وخواتي حريم اخواني خوالي واعمامي بس ماكنت قادره قلبي انفطر عليك فطرت قلبي بموتك ليه ليه ماخليتني استعد ليش ماخليتني اتهيء ليه وليه وليه وليه وليه ولاهم ليه مت انا ابغاك انا محتاجه لك انت ابوي من الي في الدنيا يتخلى عن ابوه من في الدنيا هذي عنده ابوويتخلى عنه قلي مين صارخت وصارخت وصارخت شفت نظرات الخوف في عيونه سمعت خالي وهويقول كلمو خالد خلوه يجي يعطيها ابره مهدئه وقتها بس سكت ناظرته قلت يكلمون مين قلي مين تبغى قاتل ابوي يدخل بيته هذا قتل ابوي هذا الي حرمني منه هذا اليتمني هذا شفت صدمت عمي قالي ابوك ماتجوز عليه الحين الا ارحمه كل الي تسوينه مايفيده ترحمي عليه صرخت بوجه قلت اسكت ابوي مامات ابوي حي الله يحرق قلب ولدك الله يحرق قلب ولدك الله يقهره زي ماقهرني الله يحرمه غاليه زي ماحرمني غالي ماهمني انه عمي ماهمني انه اخوك يالغالي موتك وجعني موتك شتتني ماخلا فين عقل راح كل شي معاك صرخت باعلى صوت وانا اقولهم راح نور كوني راح الغالي النحنيت وانا اصارخ انطفى نوركوني طفاه الظالم طفاه طفاه يانايف كملت صاياحي وانا بحضن نايف سمعته يقولي افا وانا اخوك تتعبين ابوي في قبره رفعت راسي التفت يمين ويسار شفت امي بجلالها تمسح دموعها لولو ماسكه راسه وتبكي فيصل مصدوم قلت لهم فطر قلبي بموته ليش ابوي الي يموت ليش انحرم منه ليش راح نورالكون راح الله يرحمه قلتها يبه قلتها بعدهالسنين كلها قدرت انطقها ............
كتبتها ودموعي تسبق حروفي سطرت كل سطر بدمعي قبل حرفي لقدمرت خمس سنوات على موته منذو اسبوع فقط تفجر كل شي اردت ان اخرج المي من داخل فوجدت ان الكتابه هي الحل فهي دائما صديقتي ووجدت فيها راحتي فعدت اليها بدمعي محتلا مكان ضحكي