فطوري لثاني ايام رمضان دايت بالصور

1. بسم الله نبداء


2. مقادير الحشوه

السلام عليكم ورحمه الله وبركاته
كيفكم يارشيقات مع رمضان ان شاء الله تمام
اهم شي تكونون مستانسين
اليوم سويت لي فطور دايت عباره (صينيه التوست باللحم والفاصوليا,,شوربه الفطر)

بسم الله نبداء

مقادير الحشوه

• 50 جرام لحم بقر بدون دهن مقطع قطع مربعات
• نص كوب فاصوليا
• حبه طماطم كبيره مقطعه مربعات
• حبه بصله متوسطه مقطعه مربعات +فص ثوم مبشور
• مكعب ماجي
• شويه ملح وبهارات

الطريقه
نحمس البصل والثوم في ملعقه زيت زيتون لين يذبل ثمن احط اللحم واقلب لين تنشف مويته
ثم احط الطماطم والفاصوليا والماجي والملح والبهارات واقلب لمده خمس دقايق
تجيبين صينيه وتدهنينها مايونيز لايت على خفيف
ثمن ترصين 2 حبه توست او الكميه اللي تبينها
ثمن تدهنينها بالمايونيز على خفيف مثل كذا
ثم تجيبي بطاطس وتقطعيها شرايح وتشوينها ثم ترصي البطاطس على التوست
بعدين اجيب اللحم والخضار اللي بالطنجره واسكبه على البطاطس
بعدين افك حبه بيض او حبتين الي تبون انا حطيت حبه وبشرت عليها حبه جزره ثمن خفقتهم بالملعقه
وصبيتها على وجه اللحم والخضار
وادخلها الفرن واولع عليها من فوق واخليها 10 دقايق ثم اطلعها
وهذا شكلها من قريب
والشوربه من كنور بالفطر اخذت لي صحن صغير
وهذا الشكل النهائي للفطور
وصحه وهنا على قلوبكم