فكره حلوه لأزواجكم يالمتزوجات والمتملكات فكرة هدية

السلام عليكم ورحمة الله وبركاته
انا اكتب لكم وانا فرحانه وايد لاني فرحت زوجي حبيبي
قدمت له هديه وايد حلوه ما ادري يمكن فكرة تقديمها غريبه عليكم وانا انها مو جديده
بس انا فكرت فيها بنفسي
والله يا فراشات اني احسه بيبكي واهو يكلمني من فرحته
اول شي انا رحت وفريت الاسواق بمساعدة اخوي الله يحفظه
واشتريت ثوب جديد لزوجي وشماغ وعقال ونعال الله يكرمكم
وقلم وميداليه طقم
ورحت لمغسله اوتماتيكيه عندنا وقطعت كوبون لغسيل السياره
وبعدين رحت ماركس سبنسر واخذت منه لوشنات للجسم وعطور للجسم وكذا(زوجي يموت على عطور الجسم اللي عندهم)
ونفس الوقت رحت شريت مفرش يديد يناسب الوان غرفة زوجي اللي في بيت اهله ههه
ودفعت مبلغ لصالون الحلاقه علشان يسوي له تحليقته الدايمه طبعا اخوي قال للعامل اسم زوجي وهو عرفه على طول
وبعدين رحت مطعم مأكولات بحرية وحجزت الاكل لشخصين وحددت انه يكون يوم الاحد الساعه 10 مساء
وبدا الحين شغلي على الكمبيوتر
رحت طبعت خريطه لمنطقتنا (( وكان وايد صعب اني احصل شي انا أبغيه))
ولو حبيتوا ترسمو الخريطة باليد يكون حلو بعد هذا لو كنتو تعرفون منطقتكم عدل وكل الأماكن اللي فيها
بعدين حددت موقع مغسلة السيارات
والصالون
والمطعم
وبيتنا (بيت اهلي)
وبيتهم(بيت اهله)
المهم حدديت الصالون رقم (1)
بيتهم رقم (2)
مغسلة السيارات (3)
بيتنا رقم(4)
المطعم (5 )
يوم الاحد الساعة 5 عصرا
طرشت له مسج من تلفوني وقلت له روح خذ اخوي من صالون الحلاقه اللي دايم تروحه
وحبيبي على نياته راح وشاف اخوي يحلق
المهم اخوي قاله يالله انت احلق وانا بروح اجيب شي من السوبر ماركت (اخوي راح ولا رجع)
المهم انا عطيت اخوي ظرف وداخل الظرف الخريطه
+ بطاقه مكتوب فيها روح بيتكم وبتلاقي مفاجئه في دولابك
واخوي اعطاها للعامل وهو عطاها لزوجي
هو ما صدق قال اكيد بعد عمري روح مسويه لي شي كلمني انا رديت عليه سويت روحي نايمه
قالي نايمه قلت له ايوا قال خلاص اكلمك بعدين
بعدين راح بيتهم على طول وفتح الدولاب وشاف الملابس الجديده اللي بخرتهم وعطرتهم+ عطورات الجسم
وفي جيب الثوب حطيت له بطاقتين ورقمتهم 1و 2 الاولى فيها الكوبون حق غسيل السياره + بطاقه مكتوب فيها روح خذ شوروالبس ملابسك الجديده
واتبع مع الخريطه محطة غسيل السيارات وروح غسيل سيارتك
والثانيه كتبت عليها افتحني عند وصولك محطة غسيل السيارات
المهم راح محطة الغسيل وغسل سيارته وفتح البطاقه
كنت كاتبه فيها الساعه 9 ونص روح بيتنا
استغرب لاني اصلا ما فالبيت في الجامعه في سكن داخلي
المهم كلمني قلت له انت روح البيت
راح البيت وانا كنت مرتبه مع اخوي انه 9 ونص ايكون جاهز لانه زوجي بيمر عليه وبياخذه معاه المطعم
وعطيت اخوي البطاقه والهديه اللي غلفتها بنفسي وهي (القلم والميدالية)
اكيد استغربتوا ليش اخووي
اخوي هذا توام روح زوجي يعني ما يفترقوا ابدا ههه واخوي متزوج اخت زوجي
وكتبت فالبطاقه صحه وعافيه على قلبك واتذكرني وانت تاكل ههه وطبعت فيها قبله
المهم راحوا اتعشوا وطبعا كان ياكل ويكلمني ويقول لي ياريتج انتي تكونين معاي ولا اخوج الخبل ههه يسولف
وبعدين وصل زوجي اخوي البيت ويوم راحوا البيت اعطاه اخوي الهديه
وانا كنت متفقه مع اخت زوجي انه اول ما يطلع من البيت تفرش المفرش الجديد وتبخره له الغرفه
وتنثر على سريره بتلات الورد
وبطايق كثيره كاتبه فيها المواقف الحلوه اللي صارت لنا
وبعدها طيران كلمني وما لاقفلت عنه الى على اذان الفجر ههه وقاعد يقرا المواقف وتنذكرها مع بعض
وطبعا اليوم ما داومت ولا دوام ههه
ها شو رايكم بفكرتي احس لخبطيتكم
امانه ادعولي الله يخليني لزوجي ويخليه لياا ويوفقنا فحياتنا
وقولوا لي شو رايكم بالفكره
واي استفسار انا حاضره؟؟
روح الغلا