فوائد نواة التمر للشعر

اول مرة اسمع فية البنات اللي عندهم خبرة يفيدونا من فضلهم

يالله يا أهل الخبرة ساعدوني
وماقصرتي ياأختي

حتى أنا سمعت عن هالمعلوومه بس ماعندي فكره

هيه انا جربتها
فيي الأأأأول تجيبي التمر و تغسلينه
(( بدون مقدار عسب طول شعرك و كثافته ))
وتشيلي البذوور منه و تحطينه فشعرك
و تتركينه ساعة أو ساعتين بس أفضل سااعتين عسب يتغذى اكثر
و تغسلينه ,,
والله تحسين بنعومة بشعرك ,,
بس هاي تمر مو نواه !!!

جبتلكم فايده نواه التمر كل الكلام المكتوب منقول للفائده
وصفةعجيبة..خيال..تطول الشعر،تكثف الشعر،تنعم الشعر،وتزيل القشرة..للكباروالصغار
بسم الله الرحمن الرحيم
السلام عليكم ورحمة الله وبركاته
كيف حالكم بنات..ان شاء الله كلكم بخيرعندي لكم وصفة عجيبة لإطالة وتكثيف الشعر بشكل ملحوظ في مدة قصيرة..
انا شخصيا جربتها وافادتني كثير،مع ان شعري ماكان قصير كان طوله حلو،بس استفدت كثير،واختي كان شعرها قصيير وقليل مرة واستخدمت نفس الوصفة وشعرها صار كثيف وطويل،طبعا مش طويل مرة،بس بالنسبة لأول صار اطول والفرق واضح في الطول والكثرة ..
واختي بعد استخدمتها لولدها كان اصلع ومن اول مرة حطت له بدى شعر خفيف يطلع له بس واضح الفرق من اول استخدام ..
و زوجة اخوي استخدمتها وتقول انها لاحظت ان شعرها طول،وبعد استخدمتها لبنتهاالصغيرة..كان شعرها خفيف و لاحظت الفرق بسرعة..صار اكثف..
وصديقة اختي واختها..هي شعرها طويل بس استخدمت نفس الوصفة وتقول ان شعرها صاراكثر..
وللمعلومية ان شعرها كثر وهي ماصار لها من استخدمتها الا ستةايام ..بس لاحظت الفرق بسرعة..والمفاجأة لكل وحدة تعاني من القشرة ان هذي الوصفةتزيل القشرة نهائيا في فترة بسيطة مهما كانت كثرتها..لان صديقة كانت تعاني من القشرة ،وبعد مااستخدمتها في سته ايام لاحظت ان شعرها صار اكثر وان القشرة اختفت تماما من شعرها..
وانا بعد كانت القشرة واضحة في فروة الرأس بس بعد مااستخدمتها،مافي أي اثر للقشرة نهائيا...
عموما هذي الوصفة ماكتبتها لكم الا بعدماجربتها اكثر من وحدة وكلهم امدحوها كثير...
وتنفع للصغار الي مافيهم شعر..ماتأثر عليهم بس اهم شي مايطوّل الزيت في شعورهم لإن الصغير مش مثل الكبيريستحمل حرارة الشعر اذا جا يطلع،
وان شاء الله كلكم راح تلاحظون الفرق..وكلمابغيتي يصير اطول واكثف ..استمري عليه فترة اطول..اقصد اذا لاحظتي الفرق خلال اسبوع..لاتتركينه،استمري لمدة شهر...و راح تدعين لي ..لان النتيجة الي بتشوفينهاخيال...نتيجة رهيبة ...وكل مازادت المدة اكثر من شهر صارت النتيجة...((رائعة))
واللهِ العظيم اني ما أبالغ ...وانتو بنفسكم تحكمون بعد ماتجربونها..(والتجربة خير برهان)
انا واختي استخدمناها ثلاث ايام ولاحظوا اهلي ان شعري وشعر اختي صار اطول واكثثف...
ادري اني طولت عليكم بالكلام ... بس اناماكتبت لكم هذا الموضوع الامن فرحتي واني حابة افيدكم ..
بس عيبها شي واحد..((ريحتها قوية،بس الي يبغي الورد....يصبر على شوكه))
وانا ماانصح المتزوجات يستخدمونها..لأنها اذاشمها زوجها...بدل ماتدعي لي ...راح تدعي علي...
الا في حالة استثنائية..اذا كانزوجك مسافر او دوامه shift او كل اسبوع يجي لك يومين..يعني اهم شي مايكون موجودفترة استخدام هالوصفة ..وقبل مايجي عطري البيت وبخريه...ولاتنسين تعطرين شعرك
الوصفة عبارة عن:
اولا:مكوناتها هي:
نواة التمر + عين الجمل( نوع من انواع المكسرات تسمى بهذا الاسم) بمقدارين متساويين
( والمقدار تقريبا : 2 كأس بلاستيك لكل منهما )
بيالة حلبةبصلة مقطعة قطع كبيرة
2فص ثوم مقطع قطع كبيرةبصلة مفرومة فرم ناعم نعصر مائها باليد
2فص ثوم مفروم نعصر مائه باليد كمية كافية من الجرجير(نعصره) مقدار كأس واحد (بلاستيك) معصورعلبةكاملة كبيرة زيت جوزالهندعلبة كاملة كبيرة زيت دابر املا الاصلي (الاخضر) مش الاصفرعلبة كاملة زيت الأس(من العطار)
كمية قليلة جدا من دهن الورد(منالعطار)
ثانيا:طريقة عمل الوصفة هي :
1- نأخذ (نواة التمر+ عين الجمل) ويحرق على النار ثم يطحن جيدا ثم يعجن بدهن الوردالى ان يصبح مثل المرهم ((وتستخدم هذه الوصفة ايضا لتغزير شعر الحواجب))
2 – نطحن الحلبة
3- نخلط الزيوت (زيت جوزالهند + زيت دابر املا + زيت الاس) في علبة كبيرة
4 – نضيف ماء البصل والثوم المعصور بواسطة اليد +ماء الجرجير (المعصور)
5 – نضيف على الزيوت ( في نفس العلبة الكبيرة الي خلطنا فيها الزيوت) نضيف(نواة التمر+عين الجمل)المطحون+الحلبةالمطحونة
6 – نضيف على الزيوت قطع البصل والثوم في نفس العلبة الكبيرة (( ويمكن اضافة الفلفل الاخضر الحار بعد تقطيعه ))
7 – نرج العلبة حتى تختلط الزيوت والحلبة و..و..و..مع بعض.
8-تترك ليلة كاملة قبل الاستخدام حتى يأخذ البصل والثوم مفعوله على الزيوت
ثالثا : طريقة الاستخدام هي :
1- تدلك فروة الرأس جيدا مع الاطراف
2- يغطى الشعر بالغلاف البلاستيك الخاص بالأطعمة ( حتىتأخذ الوصفة مفعولها جيدا)
3- يترك على الشعر مدة تترواح بين ( ساعتين الى ثمان ساعات )
اقل مدة :ساعتين لتأخذ الوصفة مفعولهاوأكثر مدة : ثمان ساعات
4- يستخدم يوميا لكن يجب اعطاء الشعر فترة راحةكافية.( يعني بعد ماتغسلينه بالشامبو تخليه بدون وضع أي كريم او زيت علشان ماتجهدين فروة شعرك لأنك راح تحطين زيت يومياًً)
وعلى فكرة:ترى هذي الوصفة زيادة على انها تطول وتكثف الشعر بعد تنعمه،ومع المداومة تشوفين شعرك صار مايحتاج أي كريم،بس غسليه بشامبو ومشطيه وخليه يجف على الراحة وبتلاحظين نعومته صارت طبيعية وماتحتاجين لشي..(خصوصا اذا كنتي تغطين شعرك بالغلاف البلاستيك الخاص للأطعمة،لأن الشعر يتشبع من الزيت)
اخيرا...
راح اختصر لكم مميزات هذه الوصفة :
1- تطولالشعر
2- تزيد من كثافة الشعر
3- تنعم الشعر
4- تزيل القشرةتماما...
5- تنفع للأطفال ...
منقول

انا جربته بنفس الخلطه الي كتبتها وسن
حسيت بنعومه فشعري بس كثره ماحسيت ولاشي

انا طريقتي غير بس تهبل
اذا تبونها رحبو فيني...........

وردة السبعان
حياك اختي اكتبيها لنا طريقتك

وردة السبعان يالله عطينا طريقتك بس ياليت تكون سهله
ياناس ياعالم انا شعري يطيح شي فضيع ليش ؟ علشان انا اكل حبوب منع الحمل ؟؟ لاحظت شعري ها اليومين لاحظت انه مع الجانب الايسر صار خفيف ؟؟ وش السبب ؟؟ انا بديت اخاف اكون اصلع او شي
تعرفون طبيبه ممتازه ولا شي ؟ ولا تعرفون طريقه زيت الجرير بس سهله انا محب الزيوت المخلطه بليز ساعدوني
وربي يرزقها من اوسع ابوابه ويسكنها الفردوس