فيدوني وافيدكم بالحركات الحلوة

1. شريت له كيكة صغيرة من الاوبرا وعصير من تيك اوي


2. غلفت العصير بشريطة مكتوب عليها happy birthday

انا بكتب حركتي ايام الخطوبة..كان عيد ميلاد زوجي قبل حفلة الخطوبة ب3 ايام
جيت البيت في وقت دوامه دخلت غرفته ومليتها بالونات وخشيت 3 بالونات في الكبت داخل كل منهم ورقة فيها كلام حلو....

شريت له كيكة صغيرة من الاوبرا وعصير من تيك اوي

غلفت العصير بشريطة مكتوب عليها happy birthday

شريت له زرار وساعة وغلفته في محل تغليف كان وايد راقي... وسويت له صورته بالفوتوشوب وكتبت تحتها (اهني اليوم بك انته عشانك من مواليده واغني لك بميلادك عساها لك سنة سعيدة) وكتبت ورى الصورة كلام من قلبي..وطبعت له صورتي يوم الملجة وكانت اول صورة لي عنده وكتبت عليها التاريخ
عطرت الغرفة وبخرتها حطيت له على الكيكة شموع برقم عمرة وشريت له بعد سندويتشات ( يعني للعشا) وحطيتهم في سلة حلوة ومليت ارضية الغرفة شموع احجام وانواع وكتبت له على المرايه
كلام حلو بس ماكملته عشان يسمع الباقي بصوتي...
ولعت الشموع والابجورات وحطيت الهدية على السرير ورجعت بيتنا
واول مارجع البيت وقبل لا يدخل الغرفة اتصلت فيه وكانت الساعة تقريبا 1 بالليل وحطيت له اغنية شمس لعيد الميلاد فدخل الغرفة على كلمة surprized
تفاجأ وايد بالحركة وتفاجأ بالهدية لان كان ناوي يروح يشتري حق الخطوبة زرار وساعة وكملت كلامي معاه على التلفون وكانت سهرة عجيبة وماينساها طول عمرة
على فكرة زوجي ولد خالتي عشان كان مسموح لي ادخل واسوي اللي ابيه
ان شالله تعجبكم الحركة
ياريت كل وحدة تكتب اش سوت في عيد ميلاد زوجها ..او اي حركة رومانسية حلوة عشان نستفيد