فين الغلط ساعدوني

1. السلام عليكم يافراشاتي العزيزات

السلام عليكم يافراشاتي العزيزات

أنا سجلت جديد بالمنتدى وحبيت أعرض عليكم مشكلتي لعل الله ينفعني بارائكم والله أن بعض الردود لمن أقراها وكأنها صادرة من استشاريين ومتخصصين فالاتبخلن علي ........
أنا موظفة وأساعد زوجي في أمور كثيرة وما فيه عندي مبدأ فلوسي وفلوسك متعاونين في كل شئ صار لنا سنة وحنا نبني بيت العمر ( كنت مسميته كذ )وأخذت تمويل من البنك بمبلغ (70.000)غير الثاث وأشياء ثانية ماحسبتها واحنا على وشك السكن بالبيت
المشكلة أن زوجي راعي مكالمات وعلاقات عن طريق الجوال والانترنت وكل مرة أكشفة وتحصل بينا مشكلة كبيرة ويوعدني أنه يبطل هالحركات وفعلا يبطل فترة ويرجع .. آخرها اليوم نسى جواله والاقي رسالة من وحدة فيها غزل وتطلبه يكلمها فهنا الله أعلم بحالتي حسيت بشعور الضعف والاستغلال والاستغفال من قبل زوجي ليا وقامت الدنيا بينا وكلمت البنت من جواله وراحت تجيب أعذار وأنا هزأتها ورجعت أمها أتصلت وقالت بنتي غلطانة تبغى ترسل لزوجها وغلطت بالرقم ومن ها لأعذار وصارت مشكلة كبيرة بيني وبينه وطلع من البيت واحنا متخاصمين ويحاول يتصل وارد أهزأه وأقفل ........نفسيتي زفت متوقعة أنه يبغى يسايسني لين تخف ديونه وبعدين يتركني ففكرت أني أتركه وأروح لأهلي ..لكن المشكلة عندي أربع بنات وبيت أهلي صغير وعندهم زوجات أخواني في نفس البيت وأمي ما تستحملني والله حتى ماني عارفة أفكر ساعدوني أيش أعمل بالله عليكم وكل وحدة ترد على موضوعي الله يفرج همها ويرزقها من حيث لا تحتسب ( لا تقولن يمكن أنتي مقصرة عليه بشي والله أقدم راحته على راحتي وعاملته سي السيد وشخصيتي متزنة لا قوية ولا ضعيفة وأحب البس وأهتم بنفسي وبناتي وبيتي )