فيه احد تفسرت لها رؤيه وتزوجت

بنت الموازين

31-10-2022 - 06:10 am

السلام عليكم
بنات الكل مستانس بهالاجازه وانا مهمومه وكل ماحضرت زواج اتعب نفسيا بعدها
والحمدلله اقوم الليل واستغفر ومحافظه وادعي ربي
بس بسالكم
من منكن استغفرت كثير وترى احلام جميله واذا فسر لها بالخطبه تتحققت وتزوجت؟
فيه احد تفسرت لها رؤيه وتزوجت؟
ودي افسر رؤياي بس اخاف انصدم
احس اللي فيني مكفيني قبل كم يوم طلعنا للمنتزه وكل ماشفت اثنين سوا ومعاهم اطفالهم جلست ابكي
تكفون يابنات مابي الا دعوه غيبيه اني اتزوج بالرجل الصالح وانخطب هالشهر

التعليقات (9)

almond and nuts **

31-10-2022 - 09:38 am

الله يرزقك الزوج الصالح يا رب

الجنةحلمي

31-10-2022 - 10:39 am

يااقلبي ريحي راسك من التفكير
والله مو صاير الا المكتوب
يعني ليش نشيل هم حاجة في علم الغيب
انتي حافظي على الاذكار والرقية الشرعيه
وتوكلي على ربك
واحسني الظن فيه
وبعدين كل حاجة مقدرة لنا لو سووينا كل شيء ماراح يصير الا اللي مكتوب
ادعي ربك والله يرزقك باللي يرضيك
بخصووص االرؤؤية انا محدثتك لي كم سنة ارى وافسر وكلها تدل على الزواج >> وهاانا انتظر الفارس الملثم >>
الله يرزقك وييسر اموورك ياارب
وبعدين انتي بتروحين تنبسطين في العزايم لييش ترجعين وانتي متكدره !!
طيب لاترووحين من الاساس حرام والله بدل ماتنبسطين تعكرين على نفسك بحاجات مالك يد فيها >
الله يفررج همك وييسر امرك ويرزقك عاجلا غير اجل وكل بنات المسلمين اللهم امين

آرتقآإء

31-10-2022 - 11:40 am

ياحبيبتي
اولا
وكلي امرك لربك
واكثري من الصدقه الصلاه الاستغفار
ثانيا
انتي افعلي الاسباب
تتزينين تلبسين لبس حلو تروحين للعزايم الزواجات الجمعات
وبس
لان هذا اللي تقدرين عليه غيره مايقدر عليه الا ربك سبحانه
ولاتخلين الزواج يشغل تفكيرك كل لنا بنات ونبغى نتزوج ويصير عندنا بيت واولاد وزوج ونستانس لكن الزواج قسمه ونصيب ويمكن زواجك يتاخر رحمه لك من ربك او يدفع عنك شر
والله يرزقك بالزوج الصالح
م

أفراح روعتي

31-10-2022 - 12:41 pm

الله يرزقك الزوج الصالح يا رب

نسيم الصبآح

31-10-2022 - 01:42 pm

يارب ياحي ياقيوم ياذا الجلآل الأكرآم
زوج بنآت المسلمين وارزقهم ازوآج صآلحين اتقيآء
يآرٍب يآقآدر على كل شي
يآذآ الجلآل والأكرآم
أختي بقولك شي أول شي ثقي بالله بأنه مأخر زوآجك إلآ لحكمه
وقولي الله بيعوضني خير بأذن الله
اشتري لك قرآن وفيه تفسير الآيآت واقري القرآن وانتي تقرين كل ايه شوفي تفسيريها صدقيني بتحسين بمتعه وبتنسين شوي همك الي هم الدنيآ هذا غير الأجر الي بتحصلين عليه
والله يشرح صدرك وييسر أمرك ويفرج كربتك وكربة كل مسلمه يارب
اللهم صلي على نبينا محمد صلى الله عليه وسلم

عقد الجمآااان

31-10-2022 - 02:43 pm

وعليكم السلام ورحمة الله وبركاته
اختي لاتيأسي من رحمة الله
إنه لاييأس من روح الله إلا القوم الكافرون
وابشري بالفرج فإنه قد اقترب والله
فالله تعالى يقول ( حتى إذا استيأس الرسل
وظنّوا أنهم قد كُذبوا جاءهم نصرنا فنجّي من
نشاء ولايُرد بأسنا عن القوم المجرمين )
والحبل اذا اشتد انقطع ..
بشّر الليل بصبح مشرق يجلوه ..
بس انتي لاتيأسي
أنا يا اختي فسرت لي رؤيا نعم
وتحققت بعد 3 سنوات تقريبا
وتزوجت من رجل أجنبي عن قبيلتنا
وفعلا كان هذا تأويل الرؤيا ..
المهم انتي تأكدي ان الله مايكتب لك إلا الخير
وكل انسان ربي يكتب له الأصلح .. يمكن
الأخْيَر لك ان تبقي بلا زواج ويكون هذا مثلا لأن
الله يحبك ويحب يسمع صوتك كل ليلة تناجينه
أو ان الله يريد لكي درجة في الجنة لم تبلغيها
بعملك فأراد ان يبلغكي إياها بصبرك على هذا الإبتلاء
ويمكن الله أخّر زواجك لأنه مجهز لك زوج ماتحلمين فيه
يا أختي الله له حكمة ولطف في كل قضاء
علمه من علمه وجهله من جهله والمحن تحمل في طياتها المنح
فأبشري بالخير من ربنا الرحيم الكريم سبحانه

atmnak

31-10-2022 - 03:44 pm

الله كريم وان شاء الله بيرزقك ويرزقنا الازواج الصالحين في القريب العاجل اللهم امينياارحم الراحمين
(ربي اني لما انزلت الي من خير فقير)

غيوومة

31-10-2022 - 04:45 pm

الله يرزقك الزوج الصالح اللى يسعدك

ألوان الحياه

31-10-2022 - 05:46 pm

يارب يرزقك الزوج الصالح اللي يسعدك ويهنيك ويوفقك يارب وكل الفراشات.

محاور لاتقدر بثمن ومن يعبد الله على حرف←
رقيه بسيطة يارب تفيدكم إرفعوا الموضوع الكل يستفيد→