في جهازك ناطق انجليزي وانت ماتدرين تعالي وتأكدي بنفسك

السلام عليكم ورحمة الله وبركاته ,,,,
مرحبا خواتي ,, حياكم الله في أول موضوع لي بالمنتدى مع اني من المتابعين له من سنوات ,, اتمنى تقبلوني اخت بينكم ,,,
في كل جهاز ناطق انجليزي ينطق أي كلمة انت تبغينها بس مع الاسف ماكنا نعرف ,,
وانا الي كنت ضايعة بالنت ابغى ناطق انجليزي يعلمني كيف انطق الكلمات ,, وجننت جهازي بالتحميل
وبالاخير لقيت ان الاكس بي يجي معه ناطق مجاني وسهل مرة شوفي الصور ,,
أولاً : اتجهي لقائمة ابدأ واختاري لوحة التحكم ,,
ثانياً : اختاري من لوحة التحكم أيقونة الكلام الظاهرة بالصورة ,,
ثالثاً : رح تظهر لك نافذة خصائص الكلام ,, اتبعي الخطوات التالية كما في الصورة :

• اختاري تبويب تحويل النص إلى كلام


• في مربع النص اكتبي الكلام الي تبغينه ينطقه لك ,, سواء جملة او كلمة ,,


• اختاري معاينة الصوت حتى تسمعين طريقة النطق ,,

وبس انتهت الخطوات شفتوا كيف سهلة ؟..
فيه نقطة بسيطة بعض الاجهزة فيها نوع الصوت الي تبغين ,, رجل او مرأة او جهاز الكمبيوتر ,, ورح تلاقينها تحت تحديد الصوت ,,
وبإمكانك التحكم بسرعة الصوت ,,
هاه شرايكم اكيد بتحذفون البرامج الناطقة عندكم ,, لأنها بتثقل على الجهاز وهذا اخف واسهل ,,
لا تنسين سوي اختصار له على سطح المكتب حتى يكون قريب منك متى ما احتجتيه ولا تنسوني من دعواتكم ,,