قالت اننا اقل منهم كسرت نفسى اية العمل فى

حماتى كما ذكرت لكم تبرر تصرفات اولادها بتجنبهم ايانا اى انا وزوجى على اعتبار اننا اقل منهم ماديا علشان كدا مبيحبوش يخرجوا معانا ولم تقل لانهم يلبسون الضيق ويخرجون متبرجات عريانات يلبسن القصير والضيق والمتكشف من الملابس وعلى البلاج يلبسن المايوة ومفيش مانع من هزار مرات اخو زوجى مع زوج اختة ومن هذا القبيل واخواتة يعتبروننا متشددين ومقفلين الرحلة معانا نكد مفيهاش فرفشة مع اننا والله بنضحك ونهزر ومش معقدين كقولهم ولكننا لا نحب سماع الاغانى ما يغضب الله ولا التكشف فهذا حرام ولا حتى نروح مكان فية من يخالف الله بلبس المايوهات والحاجات اللى اصلا كل مسلم لازم يعملها وشوفوا المعاملة الزبالة يجبولنا هدايا لما يسافروا اوروبا او دبى وامة تذلنا بها تقول لزوجى يا فلان لية زوجتك مبتلبسش الشوز اللى جابتهلها اختك دة ماركة عالمية لية مبشوفهاش لابساة انا مش هجبلكم حاجة تانى لا انت ولا هى دايما مبيعجبكمش سبحان الله !!!!!!!!!!
محدش قال لها اية القرف اللى انتى جايباة دة ولكن لمجرد اننا مبنلبسهوش ادامها صارت سبة بضم السين وانا والله ثم والله ووالله مش عايزة من خلقتهم حاجة وعلى راى المصريين يا نحلة لا تقرصينى ولا عايزة منك عسل والله غصب عنى مش طايقاهم وابوة مرات اخوة جابت لابنى العاب بحر فرفض زوجى ان ناخذ حاجة منها فلما غادرناهم بعد اللى امة قالتة لنا من تجريح سبنا الالعاب دى ولما روحنا القاهرة وروحت عندهم وطبعا حماتى مش موجودة لانى مش طايقة ابص فى وشها قام اونكل اى حمايا وجابلى الالعاب اللى اشترتها مرات اخو زوجى لابنى فاعتذرت لة فقام وقعد يضرخ فى وجهى لانى مش راضية اخدهم والله يا بنات حسيت بقهر ما بعدة قهر لية بيعاملونى كدة وانا لم اسيئ لاحد منهم ولو بطرفة عين جوزى اللى قال لى متخديهمش حسبى الله ونعم الوكيل
طولت عليكم معلش اعزرونى والله بتفك معاكم بالكلام ولكن انا مش عارفة اعمل اية ورمضان خلاص قرب كل سنة وانتم طيبين والله يبلغنا رمضان امين طبعا هيعزمونا وانا مش عايزة اكل ولو لقمة معفنة فى بيت اى حد فيهم ولا اى عزومة برة اعمل اية علشان اتخلص من تلك العزومات من غير ما اعمل معاهم مشاكل لا وكل حاجة يقولو انتم المتدينين انتم اللى واللى والاسلام قال كدة الاسلام الاسلام كاننا مسلمين وهما لا عارفين انا لو مش مجلببة وادخل السنيماتوالبس زيهم الحياة معاهم كانت هتبقى بمبى لكن اقول اية الله لا يبلتيكم بهذة النوعية اخو زوجى يقلة متحلق دقنك دى متلتفت لمستقبلك تخيلوا؟ وامة فى القديم قالتلهم احلق ذقنك وانا اعينك فى شركة بترول اجنبية وكان الدقن بقت سبة شورو عليا بالله عليكم بما يفتح الله عليكم من راى