قاهرني ياناس فاقع مراراتي مقهوره منه حاقده عليه كرهته

صباح الخير
بنات يعلم الله داخله هنا وانا مفجوره قهر من هالرجال
هو طيب كريم دين مافيه شي بس فيه مشكله انا حملة قبل فتره وسقطت ربي ماكتبيه
والترم هذا حابه ادرس يقولي اجليها لين ماتحملين انا ماتزوجت الا ابي عيال
طيب انا وش ذنبي ؟مو بيدي هالامر ياناس بيد رب العالمين
احسني بموت من العطاله انا قادره ادخل جامعه بس هالغثيث رافع ضغطي والله والله والله والله الود ودي لأدخل ابوي بالسالفه لأنه اصلن من شروط عقد زواجي اني اكمل دراستي واتوظف ماقالو لازم احمل بعدين ادرس
انربط بالبيت لين ماجيب له عيال ؟ من وين اجيب له عشان ادرس اسرق ؟ ياناس شي بيد ربي
حياتي كلها صارت له طبخ تنظيف حوسه
واذا قلت ترى بكلم ابوي قال مومشكله اقوله ياعم انا ماتزوجت الا انا ابي عيال
واذا مصرين تبون بنتكم تدرس خلوها عندكم
طيب هو مااخذني الا هو موافق على الشرط ليه اللحين يتجاهله
ياناس اكتب وانا مقهوره ومقطعه نفسي صياح
بس اوريه من اليوم اقسم بالله لا اغير معاملتي له 180 درجه مابعد شاف وجهي الثاني متعود على هدوئي وطلباته اوامر لين ماخلاص همه وشانه السيطره بس
شورو علي وش اسوي
علما انه هو كذاب اكثر من مره اشك انه يدرس ويقولي لا مادرس لين ماكشفته ودخلت على ملفه بالجامعه والله لو اعرف كيف الغي ملفه كان الغيته
ياناس كابتني ابي افضفض قاهر رني