قبل ماأمشي

تدري ...؟
شنو لي ساكن (ن) صدري
بعد سنتين من عمري ..!!
قضيتها أمشي ...على ميناء ... مدري بحر .... ؟!
مدري هواء
ولا دواء
و لا شقى .... ولا بكى غرق أركان السفينة
سنتين ...وهذي
خطاوينا
جراحنا ... و ذكرى حزينة
مخنوقة
مشلوله على كرسي الجفا
تردد أغاني الوفاء
مسكينة!!
ويدينة تطعن بقايا الجرح ... بسكينة!!
تذكر خطاوي الفرح لي سرنا
على بساط الليالي ....... يافلان تذكرها ؟
ومواجع .. و فرح
و أكوام العشق
لي قبلت جبين الشفق
و هو يودع الليل ... و الشمس تغمز
و تهمس
للسحاب يصمت ... و يسكت
تبي تسمع سوالفنا
تبي تكتب شعر عنا ...
تغازلنا ...
تبي تخلد ...عشق فاني منثني!
منتهي ... منحني ... منكسر
ع أشواك الصبر
.. خلص الصبر !!
على بالي أوان الورد بياخذنا ...!
على مرسى
على عالم ... رسمته.... و لونته
مثل طفلة ...و ألوانها بعلبه
وظفاير شعر ... طايره بلا معنى و لا مغزى !
تبي تفرح ... تبي تنسى ألمها ...همها
تبي تشخبط
شخابيطها وردة .... وتفاصيل وجهه !
وخرايط شوق مرسومه على فمه
وشوك !!
وقبل ماأمشي... متحسفه!
دخيلك
كبر جرحي
و كثر حزني
كثر مامر من عمري
و هو شايل قبر قلبي
دخيلك
أحترم نعشي
وجنازة مابقى مني
دخيلك!
وبعد ماأمشي ... متأسفه!
تذكر ...قبل لا أكون حبك .... أنا أمك و أنا أختك
أنا ظهرك...
عكازك ... وسندك
وسهر الليل في عينك
دروبك
دواء جروحك
صدى ضحكك
أنا ليلك
و أنا (قتيلة) طعونك
و
من بعدك ... انا و الله يدي
برفعها ... و برفعها ... لآخر يوم في عمري
و أدعيلك ... معا دمعي
بتوفيقه و تسديده
و سعاده مالها نهاية
و بدعي ربي ... ياخذ من عمري لجل عمرك
وتفرح
وتنجح
وتتزوج ... وأشوف البشت على كتفك
و قبل أمشي لاتنسى
.
.
على أسمي .... سمي بنتك ...!
كنت أباري الجرح بسكات لعيونك ...!
من أجمل ما قرأت