قريت هذي الرساله وتيسرت أموري ولله الحمد

ا لسلام عليكم ورحمة الله وبركاته
يابنات والله اني أحب لكم الخير مثل ما أحبه لنفسي ومنى عيني انكم كلكم مرتاحين ومبسوطين
وما أبي منكم إلا دعوه من قلبكم وكل ماتذكرتوني أن ربي يقر عيني في هذا الشهر بزواجي من الزوج الصالح النقي التقي القنوع اللي يسعدني ويسخره هو وأهله لي ولكل بنت يارب ويخليلي أمي وأبوي
الموضوع
في يوم من الأيام سمعت أختي تقرا رساله في جوالها وأعجبتني قلتلها أرسليها على جوالي والله يجزاها خير يارب ويشفي بنتها ويرد لها سمعها يارب ويسخر لها زوجها وأهله
أرسلة الرساله على جوالي وكانت كأي رساله في الوارد
وفي يوم ضاقت علي الدنيا وبالي مشغول في موضوع يخصني وودي ان هذا الموضوع ينحل فقعدت اقلب في الجوال وطحت على الرساله وكان مكتوب فيها::
يقول الشيخ د. خالد الجبير:
كررو قول"" أستغفر الله الذي لا إله إلا هو الحي القيوم وأتوب إليه "" وسترون عجبا" من تفريج الهم وتيسير الأمر
وكنت في جوف الليل الأخير فقعدت أردد هذا الأستغفار لين صليت الفجر ونمت وأول ماصحيت من النوم قعدت أردد هذي الصيغه لين جاني خبر حلو بخصوص موضوعي وأرتاح خاطري شوي مع ان الموضوع للحين ما أنحل
ولما جا أمس رجعلي نفس الهم بخصوص الموضوع وكنت أبي الدليل ليش موضوعي متأخر وجلست أستغفر بنفس الصيغه وأطيح لكم على خبر ريحني بأن موضوعي طبيعي تأخيره والله يابنات أني قاريه هذا الخبر بس كنت كأني أول مره أقراه وأرتحت وأنزاح هذا الهم عني
وبأذن الله راح أستمر على نفس الصيغه لين يتم موضوعي وينفرج همي وظني بالله لن يخيب لأنه هو كاشف الهم والغم وعالم بأحوالنا
والله ما كتبته لكم إلا وأنا أدري أن في ناس مثلي محتاجينه وان بهذا الأستغفار وتيسير الله راح ينكشف عنهم الهم وتتعدل أحوالهم ويغفر ذنوبهم
وأسأل الله بأسمائه الحسنى وصفاته العلى أن يفتح لي في هذي الأيام أبواب رزقه ورحمته وييسر أمري ويعجل لي بالفرج ويقر عيني ووالدي بزواجي من الزوج الصالح اللي يسعدني ويهنيني ويسخره وأهله لي يارب ياكريم ياكريم ياكريم ولكل بنت يارب
اللهم لك الحمد حتى ترضى ولك الحمد إذا رضيت ولك الحمد بعد الرضى وصلي وسلم على سيدنا وحبيبنا محمد وعلى آله وصحبه الطيبين الطاهرين
أتمنى الدعاء لصاحبة الموضوع لأن أنا بس نقلته
ألهي يفرج همنا وهم كل المهمومين