قسم سكن وإدارة منزل ديكور مهم

ايه فيه سكن واداره منزل في كلية التربيه للأقتصدا المنزلي وهو نفسه ديكور
انا داخله قبل العام وكانت نسبتي 91% واتوقع فيه بنات داخلين ونسبهم 87%
انا درست ترم وطلعت ماقدرت استحمل الخياطه اكره شي عندي بس ترى كانت سهله
غرز السراجه ومادري ايش ماكنت احظر هالمحاظره لين عطوني حرمان
وعدهم فنيه انقلش عربي دين تغذيه بس ترى القسم سهل بس اهم شي يكون عندك استعداد تستحملين الخياطه
وسنه ثاني تأثيني شقه انتي ومجموعة بنات وثالث الترم الثاني تطبيقين بمدرسه تدرسين يافنيه ياتدبير ياتفصيل
ورابع الترم الاول بس ثالث تبقين على متوسط ورابع ثانوي والزي عادي اسود ابيض رصاصي بني كحلي وردي
اخضر
ان شاء الله اكون افدتك
دعواتك القلبيه

اهلين اختي راعيتها..
عندي سؤال انا ناويه ادخله بس ابغى اسئلك وش المواد اللي تدرسونها تختص بالديكور..
ومشكوره على الافاده..

الإنقلش لاحقنا حتى في الكلية صعب ولا سهل
متعقدة منه

شوفي حبيبت البي
عموما كليه التربيه والاقتصاد المنزلي والتربيه الفنيه
كل اقسامها من تغذيه--- تفصيل----وتربيه فنيه---والسكن
كلها فيها متعه وناسه بشرط ان يكون عندك استعداد تشغلين يدينك والماديه تكون كويسه
وانها تختلف عن الكليات بأنها من بدايه الترم يكون كله اجتهاد مو مثل الكليات الثانيه راحه طول السنه وتعب با الامتحنات
انا تخرجت السنه هاذي الحمدالله من قسم نتربيه فنيه
عوما مواادهم سهله النظري والعملي بس مشكلتها ضغط شوي باالعملي وستاذاتهم والدكاتره كويسين والله الحمد
اما بخصوص البس البسي على راحتك بس اول اسبوع وثاني اسبوع يسون على بالهم شده بعدين عادي
واتمنى اني افتك بشي

هلا حبيبتي.....
انا من خريجات قسم سكن واداره منزل.....القسم حلو وممتع بس اهم شي يكون عندك استعداد للشغل وللكرف لان القسم عملي اكثر من نظري....
بس مشكلته انه لما تتخرجين مافيه طلب عليه من ناحية الوظايف ألا مدرسة اقتصاد منزلي وعساك تلقين بعد ......وانا صراحه توهقت فيه لاني مااحب التدريس والوظايف الثانيه يقولون قسمك ماينفع..
وبالنسبه للنسب انتي ماعليك قدمي اذا كنتي حابه القسم ... لان كانو يقبلون 83%...
وبالتوفيق

اختي معيده بهالقسم وسألتها
تقول الادبي لازم تكون النسبه 90 وفوق
اما بخصوص المواد تقولك لا تسألني البنات اللي درسوا من قبل لان القسم جديد وكل سنه يزيدون مواد
انهم يفكرون يحطون مادة التصميم من السنه الاولى
والمواد تنقسم الى تصميم وإدارة واكيد مواد عامه مثل الانجلش والدين وغيرها

الحين لو بدخل فنيه وش هي المواد وكيف اختباراتها اكثرها عملي ولا نظري يعني ما اتخيل ان الاختبار يقولولي ارسمي لوحه
سؤال اخير لازم اكون رسامه خطيره عشان ادخل فنيه انا مثلا من زمان ما رسمت ولا اعرف رسمي كيف
افيدونا مشكورين جزاكم الله الف خير

الحين لو بدخل فنيه وش هي المواد وكيف اختباراتها اكثرها عملي ولا نظري يعني ما اتخيل ان الاختبار يقولولي ارسمي لوحه
سؤال اخير لازم اكون رسامه خطيره عشان ادخل فنيه انا مثلا من زمان ما رسمت ولا اعرف رسمي كيف
افيدونا مشكورين جزاكم الله الف خير
خواتي خريجات تربيه فنيه
اللي اعرفه انهم يرسمون بالاختبار وعندهم مواد عملي ونظري
هذا اللي اعرفه

miss karen
مشكوره وماقصرتي
ما اتخيل اني ارسم في اختبار
ههه
جزاك الله الف خير