قصة حل الحياة وة قصة قطرية ترقبوها

يلا عزيزتي
ننتظر القصة
.....................................

هلا والله
يلا نتظر القصه

يللا وينش ..
سراعة

يللا وينك..
بسرعة

السلام عليكم يالله انا بنزل لكم الجزء الأول واتمنى ان يعجبكم
عايلة سالم أحمد
- سالم (بو أحمد):رجل قوي الشخصية محترم , تاجر , مدلل بنته سارة وايد مايقدر يرفض لها أي طلب .
- فاطمة (أم أحمد ): امرأة خلوقة , حبوبة , كل ماحد شافها مات عليها بسبب طيبة قلبها وعقلها الكبير .
- أم سالم (اليده):تموت في عيال ولدها سالم وتدلل أكثر ثنين سارة وأحمد .
سارة :بنت حلوة وحبوبه وهي أكبر عيال بو أحمدتدرس في الجامعه سنة ثالثه .
مها: أخت سارة لسانها طويل خفيفة دم تدرس في الجامعه سنه ثانية .
أحمد: آخر العنقود مدلل اليده ,يدرس بالثانوية العامة .
عايلة راشد سعود
راشد (بوسعود):موظف ,متزوج ثنتين الأولى :
موزة (أم خليفة): امرأة عصبية , ماتحب الانفسها وولدها خليفة وحيدها العلاقة بين زوجها وبينها ضعيفه ومايشوفون بعض الا في المناسبات .
مريم ( أم سعود): امرأة في حالها طيبة مالها شغل بالناس وسوالفهم اهم شي عندها بيتها وعيالها تزوجها بوسعود بعد ماتزوج ام خليفه بخمس سنين لانه كان يبي الولد الي يشيل اسمه .
سعود : أكبر عيال راشد , وسيم , مهندس وكل بنت تتمناه .
خليفه : أصغر من سعود بسنتين,موظف وهو الولد الوحيد لأمة .
فهد:في عمر خليفة بس خليفه اكبر منه بجم شهر وهو موظف.
سلوى :الاخت الصغيرة المدللة عند الكل وبالذات سعود وخليفة , وهي صديقة مها سالم الروح بالروح .
عايلة ناصر محمد
ناصر (بوخالد):موظف ,ربى عياله تربية شديده شوي .
نورة(أم خالد):أخت موزة ,كانت رفيجة مريم الروح بالروح بس يوم تزوج بوسعود منها صارت علاقتهم ضعيفة وايد .
خالد:ولد خالة خليفة , موظف يشتغل ويا خليفه في نفس المكان .
خلود : حلوة وحبوبة وقمر وهي رفيجة سارة تدرس بسنة ثالثه في الجامعه .
شيخه:مغرورة شايفه نفسها وايد تدرس بالثانوية العامه .
الجزء الأول
في بيت كبير هادي ربى سالم عياله أحسن تربية والمعروف ان سالم تاجر وهو يسافر من بلد لي بلد وفي هالفترة تتولى مسؤولية البيت زوجتة ام احمد ومن هني تبتدي قصتنا واتمنى انها تعجبكم :
ام سالم (اليده)وهي داشه غرفة البنات سارة ومها وهم نايمين :يالله يابنات قوموا لي متى بتنامون صارت الساعة 11 الظهر وانتوا للحين نايمين .
مها وهي مبطلة عين ومغمضة الثانية :الله يخليج يدوه تكفين خلينا انام شوي أمس تمينا سهرانين تكفين ربع ساعه وتعالي .
ام سالم :شنو انا خدامة أبوج اروح وارجع لج بعد ربع ساعه هاللي قاصر قومي يالله بسرعه ويالله ياساروه حبيبتي قومي, يمه تدرين ماقدر اقعد وانا مااشوفج جدامي وبعد ماشربت شاي الضحى ابي اشربه وياج .
مها: عاد ألحين الي يسمعج يدوه يقول ماكلتي شي من الصبح ماشاء الله عليج تريقتي وألحين بتشربين شاي الضحى (وتمت تضحك مها) .
أم سالم : مهوي وعلة ,انا ماكله من حلالج حاسدتني على اللقمة قومي لاأكفخج بريموت التلفزيون ألحين ,بنات اخر زمن .
سارة:يدوه فديتج والله ماعليج منها خل تولي هاذي أم لسان أنا ألحين بقوم وبقعد وياج.
ام سالم : فديتج والله يابعد هلي انتي , هالبنات الي يفرحون القلب الله يعطي كل مرة بنت مثلج ولا مايعطيهم خير شر .
مها : اي حبيبة القلب لازم تقول عنها جذي واحنا صفر ع الشمال ساروة حبيبة القلب وشيخة البنات ,وأحمدووه المدلل عيل أنا شنو .
ام سالم: انتي بالذات جب ولاكلمة سارة وأحمد تاج على راسج فهمتي يكفي انهم احلى عيال بالدنيا.
مها:أي السبال في عين يدته غزال.
سارة وهي تضحك وفجأة:مالت عليج يالسبالة شفتي نفسج انتي , هاذي كله من الحرة موتي قهر .وهي تلم يدتها .
مها:وي وليش احتر ,عندي ابوي وامي فديتهم يموتون فيني .
ام سالم: اقول يمه سارة دشي غسلي ويهج ولحقيني برع أحسن لج من مجابل ويه العنز اختج , وانتي اراويج .وطلعت من الغرفة .
مها تصد تكلم سارة: فديتها يدتي والله ماأقدر اعيش بدون ماألعوزها وأرفع ضغطها شوي .
سارة وهي مجابله مها :اي والله فديتها اهي الي محليه لنا البيت عسى الله لايحرمنا منها .
مها سرحانه :آمين .
سارة تشوف مها وفجأة ضربتها على كتفها :وانتي ياويه العنز شتقولين من ساعه سبال ها , ماشفتي ويهج قبل لاتكلمين جنج عنز مقعده .
مها:بسم الله الرحمن الرحيم خرعتيني الله ياخذ بليسج وبعدين الحمدلله والشكر الكلمة انا قايلتها قبل ساعه والحين تحسين فيها , صج متبلدة الاحاسيس .
سارة وهي ماسكه الفوطة وداشة الحمام : مب راده عليج اروح الحمام وايد احسن من مجابل ويهج .
مها تكلم نفسها بصوت عالي : شفيهم كلهم من الصبح على ويهي الحمدلله والشكر اصلا اهم شعرفهم بالجمال الحقيقي خل انام احسن لي .
في الصالة ام احمد قاعده ويا عمتها ام سالم .
ام سالم : حشى مب بنيه هاذي , عليها لسان ماشاءالله تقولين بالعه راديو من الصبح .
ام احمد : ههه اكيد هاذي مهوي مضايقتج من الصبح .
ام سالم: ليش في احد غيرها يسندرني (يزعجني) من الصبح ولا سارة فديتها يطلع منها شي والله اني خايفه عليها من مهوي بنتج .
ام احمد: لاشدعوة يمه مهوي بعد خوش بنيه بس لسانها طويل شوية لكن تموت فيج بس هي تحب تلعوزج , ويعني انا ماعرف انتي شكثر تحبينها بس تبين تقهرينها وتقولين انج تحبين سارةبس .
ام سالم : شدعوة هذول كلهم عيالي ومعزتهم كبيرة بقلبي بس سارة غير الله يحفظها والله مرات مابيها اتزوج عشان ماتهدنا (وتدمع عيون اليده).
ام احمد : اي والله يمه مابيها تفارقنا بس شنسوي هاذي سنة الحياة البنت مالها الا بيت ريلها .
شوي واحمد داش الصالة ومثل كل مرة ياي يطر فلوس .
أحمد:الله الله على هالجمال الرباني يدوه من الصبح انتي جذي تيننين عيل المسى شتصيرين نانسي عجرم فديت هالخدود .
ام سالم: بسك انت ياللوتي (العيار ) اعرف سوالفك تبيتطلع او تبي فلوس ,اي مايعرف يدته الا اذا بغى شي .
ام احمد : اخلص شتبي طلعه ومب طالع وفلوس مابعطيك .
احمد وهو فاج عيونه وشوي بيصيح من القهر : لاتكفين يمه ابي اطلع انا مواعد الربع ان نروح المطعم انتغدى هناك .
ام سالم: انا اقول مب لله طايح فيني مدح من الصبح ونايسي ومادري منو اثاريك تبي تطلع .
احمد وهو يلم يدته : تكفين يدوه قوليلها ابي اطلع ترى والله فشله ماروح وانا الي مواعدهم تكفين (ويبوس خد يدته).
ام احمد : لو شيصير ماتروح ابوك اليوم ياي من ألمانيا وانت اذا طلعت ماتيي الا اخر الليل .
أحمد : ابوي ياي اليوم . وهو فاج عيونه : لا ا.
ام احمد : ويعه احمدوه شنو لا .ابوك ياي تقول لا , صج انك جليل حيا هاي بدل ماتقول والله وتستانس .
احمد : يمه يدوه تكفون بطلع اليوم والله مب متأخر الله يخليكم ... تدرون بعدين ابوي مايخلني اطلع .
ام سالم : خلاص يمه فاطمة خلي يروح عشاني . بعدين سلووم ايي ومايخلي يطلع ويا ربعه .
احمد : حرام عليكم (وبلهجة حزينه كلها تمثيل ) يرضيكم يصير فيني شي من كثر القعده في البيت وبعدين ارسب ترى هاي مب لعبة هاي ثانوية عامة لازم ارفه عن نفسي صح يدوه .وبعدين الدوام مابقاله شي .
ام سالم : لاحبيبي كله ولا الرسوب لازم تفرفر عن نفسك .
احمد وهو يضحك على كلام يدته بصوت عالي : ههه ههه ترفه يدوه ههه مب تفرفر .
ام احمد : ههه خلاص اليوم بس عشان امي اخليك تروح ولا انت مب ويه طلعه .
هني سارة ومها وهم داشين الصالة
سارة : صباح الخير .
الكل : صباح النور.
ام سالم: هلا والله بشمعة حياتي تعال قعدي عندي يمه .
مها: وانا يدتي وين اقعد ,ايي عندج ,اخاف سارة الشمعة وانا الكيكه .
احمد وسارة :ههه
ام سالم وهي معصبة تصد لمها : انتي لو تتعلمين الذرابة شوي وتصيرين مثل سارة جان زين .
احمد : يدوه شفيج صايرة انتي ومهوي جنكم توم وجيري كله اتهاوشون والسبه هالسارة .
ام سالم: توم وجيري في عينك اقول , قوم اذلف ,طلعه ومابخليك تطلع فهمت .. فاطمة يمه خلاص سحبت الوصية انا , مالي خص فيه هاي وتوني بقوم اعطيه الفلوس بس لو يموت الحين ماعطيته .
احمد وهو يلم يدته :لاتكفين يدوه واللي يسلمج عشان مهوي المينونه تسوين فيني جذي .
مها : قص لسانك يالفيل ماتشوف نفسك من كثر الاكل في المطاعم شلون صاير درام .
احمد : جب زين , وانا ماكل من حلالج كله من حلال يدتي فديتها .
ام سالم : وي فديته وليدي تقولين عنه فيل يالضب , ماتشوفين نفسج قبل لاتكلمين .
مها : الحمدلله والشكر يدوه توه يقول عنج توم وتسكتين .
احمد : جب بس انتي , تبين تسوين مشاكل بينا .
ام سالم : اعوذ بالله من المشاكل الله لاييب المشاكل بينا .
احمد : انزين يدوه وين الفلوس ابي اروح لاني تأخرت .
قالت له يدته يروح ياخذ الفلوس من غرفتها .
في بيت ام سعود
ام سعود كانت في المطبخ قاعده تقطع البصل وادمع عيونها دش عليها فهد المطبخ
فهد : شفيها الحلوة تصيح ليكون بس مشتاقة حق رشود وهاذي دموع الولة .(ويلم امه).
ام سعود صدت لفهد : استح على ويهك , شنو رشود اصغر عيالك ..قول ابوي وتاج راسي بعد .
فهد : انزين ابوي بس اسمه راشد وصار رشود صح .( ويغمز حق امه ) .
ام سعود : انت شتبي الحين , أكيد ياي تزحر (تاكل) وتروح تنام من الصبح طايح هياته في هالمجمعات .
فهد وهو يمثل انه سرحان : صج يوم قالوا الأم تحس بعيالها .. (صد وشاف امه ): شدراج اني ياي اكل وبعدين بروم انام .
ام سعود :وانت شايفين منك شي غير الاكل والفرة بس متى بيبدا دوامك وتفكنا .
فهد وهو شاق حلجه : مابفكج لاني ماخذ اجازة شهر وللحين باقي وايد لي مايخلص الشهر .
ام سعود وهي ماسكه راسها : يعني شهر كامل بتعور راسي جذي .
فهد : افا يمه , انا الحين قلت خل اروح عند امي الي قاعده بروحها وانتي تقولين عني جذي افا والله .
ام سعود : آه يالعيار , ياي عشان بطنك وتقول ياي عشان امي روح بس شوف اختك هالخبلة شتسوي من راحت غرفتها ماشفتها.
فهد وهو يضحك بخبث : انشالله تآمر امر ياجميل .
ام سعود : فهود لاتحرش فيها ولااتهاوش معاها والله راسي يعورني ومالي خلق افاججكم كلش .
فهد: افاا عليج لاتفاججينا خلينا وبرويج فيها هالخبلة .
ام سعود : فهود ياويلك اذا هاوشتها والله ماتشوف خير مني اليوم .
فهد طلع من المطبخ وهو يضحك لان على قولته احلى شي الهواش مع سلوى الخبلة .
راح فهد صوب غرفة سلوى وشوي سمع صوت المسجل عالي لا وحاطة اغنية شاكيرا الجديدة فج الباب شوي شوي عشان ماتسمعه وشاف اخته ترقص وتدور .......... وتفتر ومادري شتسوي شوي لفت وشافت فهد واقف عند الباب وماسك بطنه ميت من الضحك عليها
سلوى تشوفه وهي منحرجة وراحت وصكرت المسجل : اي انت , ماتعرف تطق الباب قبل لادش .
فهد وهو ماسك بطنه من كثر الضحك : سلوه , والله هالحركة حلوة الي سويتيها وشوي يهز خصرة ويقلدها ويدور .
سلوى خلاص منحرجة ومن شافه فهد الله يفكها منه بس : جب زين , ماطلبت رايك واكيد حلوة مب انا الي سويتها (وطلعت لسانها تعيب عليه ) .
فهد : اقول بس جب عطيتج ويه ... وفجأة تذكر شكلها :ههه
سلوى : الحين ليش تضحك انت اول مرة تشوف وحده حلوة ترقص .
فهد : لا والله قصدج اول مرة اشوف بطريق يرقص ( وتم يضحك ) .
سلوى راحت يمه : اخلص شتبي ليش ياي الغرفة , فلوس ومابعطيك يلا اطلع برع .
فهد وهو ماسك يدها ويلويها : مالت عليج وكلش انا اذا احتجت فلوس بييج انتي وبخلي الناس كلهم يالطرارة .
سلوى وهي تصارخ : يمه يمه , تعالي شوفي ولدج هالمينون .
فهد : والله المينون مب انا , المينون الي كان يرقص من ساعه ليكون على بالج صج شاكيرا بس .
سلوى : آآآآآآآآآآآآآآآآي , يمه ( وهي تصارخ ) .
دشت عليهم امهم .
ام سعود : شفيج تصارخين ينيتي .
فهد : طافج يمه نص عمرج ماشفتيها من ساعه وهي ترقص هالخبلة .
سلوى : انا خبلة ويا ويهك .
ام سعود وهي تضحك : ههه وانتي محد شافج ترقصين الا فهد الحين شيفكج منه .
فهد وهو يضحك : يمه لو رقصها حلو بقول معليه , بس والله جنها خبلة الله يعين العالم يوم ترقص بالأعراس .
سلوى : اي والله الله يعينهم يشوفون وحده بهالجمال وترقص الله يصبرهم .
فهد : مصدقه نفسج انتي , من الي قص عليج وقال انج حلوة .
ام سعود: فهود بس جب ,هاي انا قتلك روح شوفها بس شتسوي , وسويتلنا هالسالفة .
سلوى : لاتخلينه ايي ثاني مرة يناديني , اذا تبيني طرشي ميري والله انج غثيتيني يمة يوم خليتيني اشوف ويهه .
فهد : اصلاً مايحصلج واحد حلو مثلي قمر اربعطعش مثلي ايي ويناديج صج مالت عليج , انتي قدرج ميري وبس .
ام سعود وهي تضحك : ههه بسك روح صلي الظهر ولين جهز الغدا ويا ابوك واخوك ناديتك روح وفكنا من اذيتك .
فهد : زين زين اصلاً انا طالع من هالغرفة الي اتييب لي الحكه ( ويطلع لسانه يعيب على سلوى ) .
سلوى : فكه فارج بس ، تيبلك الحكه لانك بالشهور ماتسبح .
فهد وهو طالع فلعها بعلبة شريط فاضية ...
سلوى : يمه شفتيه ( وهي معصبة ) .
ام سعود : يلا عن الهذرة الزايدة والرقص وتعالي المطبخ وسوي السلطة بسرعه الحين ابوج واخوج اييون والغدا ماخلص .
سلوى : اوه يمه ، خلي ميري تسوي السلطة والله مالي خلق انزل .
ام سعود : ميري مب فاضية ، وابوج مايحب ياكل من ايديها يلا بسج حجي وتعالي .
سلوى : شدعوة اهي بتأكل ابوي بيدينها يعني ( وتغمز لامها ) .
ام سعود طقتها على جتفها : جب ياجليلة الحيا , يلا يدامي ، زين الي يسويه فيج فهد .
سلوى : زين زين .
ونزلوا الام والبنت المطبخ يكملون الغدا

تفضلوا الجزء الثاني بس الجزء طويل شوي
الجزء الثاني
ام سالم قاعده في الصالة تخيط جلابيتها وسارة تشوف التلفزيون ومها يمها تاكل كافي شوي سمعو صوت الباب
ابو احمد : السلام عليكم ورحمة الله
سارة ومها اول ماسمعوا صوت ابوهم انقزوا وراحوا عنده يلمونه ويسلمون عليه
سارة : هلا والله بأبوي الغالي طولت هالمرة وحشتنا .
ابو احمد : هلا والله بناتي والله انتو الي وحشتوني زود .
راح ابو احمد عند امه ولمها وقعد عندها يبوس راسها : شلونج يمه وحشتيني والله .
ام سالم : الحمدلله بخير انت شلونك عسى ماتعبت بالسفرة .
ابو احمد : الحمدلله يمه .
ابو احمد لف ويهه وجنه يدور على شي وكان يدور على مرته
مها : ها يبه ادور على من ( وتغمز لبوها ) ترى امي في المطبخ .
ابو احمد : يعني بدور على منو غيرها قومي ذلفي ناديها , يالله قومي .
قامت مها وهي تضحك على ابوها صج كبروا وللحين على هالحركات دشت المطبخ وقالت حق امها ان ابوها رد , طلعت ام احمد من المطبخ بسرعه وراحت الصالة .
ابو احمد شافها يايه الصالة : هلا والله بفاطمة ، شلونج وشخبارج ( وطبعاً شاق الحلج ) .
ام احمد : الحمدلله على السلامة ، انت شلونك عسى ماتعبت انشالله .
ابواحمد : لا الحمدلله ، الا احمد وينه .
مها وهي يايه من المطبخ : الا وينه اكيد هايت ولدك بهالمطاعم ماشالله عليه صاير درام متنقل من كثر الاكل بهالمطاعم .
ام سالم : انتي يالعله ذكري ربج لاتصكين الولد بعين .
ام احمد : اقول بو احمد روح غسل وارتاح شوي وانا ازهب الاكل .
ابو احمد : اي والله ميت يوع ومشتاق لأكلج وايد .
سارة وهي تضحك : ها يبا شيبتلنا وياك .
ابو احمد : كل خير يبنيتي .
مها : اي , كل خير , بس شنو يلا رونا بسرعه .
ابو احمد : انتي ليش ملقوفة جذي .
مها : شفيكم طايحين فيني زف من الصبح .
ام سالم : والله من لسانج ياأم لسانين مسكي لسانج ولا حد راح يقولج شي .
مها تمثل انها زعلانه , قامت من عند ابوها وقعدت على كنب ثاني بروحها ومادة البوز شبرين .
ابو احمد انكسر خاطره عليها : تعالي يمه مهاوي خلني ارويج شيبت لج .
مها ماصدقت ابوها قالها جذي انقزت من الكنب الي كانت قاعده عليه وراحت مسكت يد ابوها : يلا يلا روني شيبت .
الكل : ههه
ابو احمد : بسم الله توج زعلانه ومادة البوز .
مها : انا مازعل عليك يابو مها حبيبي انت يلا عاد .
وراحو بطلوا الشنطه وطلعوا الهدايا كلها , وبعد ماشافوا هداياهم الي اعجبتهم الكل قعد على السفرة يتغدون ويسولفون ويضحكون على سوالف مها وبعد الغدا راح ابو احمد يرتاح من هالسفرة الطويلة .
في بيت ام خليفة
ام خليفة وخليفة قاعدين يتغدون
خليفة : يمه اليوم انا بروح بيت ابوي اسلم عليه وعلى اخواني من زمان ماشفتهم .
ام خليفة : ليش تروح لهم انت وهم ليش ماييون عندك .
خليفة : يمه آخر مرة اهم ياوني هني , والصراحة انا مابيهم اييون هني , لانج يوم اييون لازم تقطين عليهم كلام يجرحهم .
ام خليفة : بس اسكت عاد والي يسلمك انا الي اقولهم كلام يجرح ، وكلام فهود وملاغته .
خليفة : حرام عليج يمه فهد ملغ , الا سوالفة تينن .
ام خليفة : انا مادري شلي عاجبك فيهم .
خليفة : يمه هذول خواني لو شيصير بينا بيتمون خواني .
ام خليفة : والله كيفك انا مامنعتك من الروحه عندهم , بس اخاف مريومو هاذي تقولك شي يزعلك .
خليفة : والله حرام عليج يمه هي وايد طيبه وحبوبه , ويوم اروح عندهم البيت ماتقصر وياي تعاملني جني واحد من عيالها .
ام خليفة : الحين اهي الطيبه وهي الزينه وانا الشينه .
خليفة : لا شدعوة يمه انتي الطيبة كلها والزين كله .
ام خليفة : بسك عن العيارة تغدا ووصلني بيت خالتك نورة من زمان مارحت لها .
خليفة : بتروحين لهم عقب الغدا على طول .
ام خليفة : اي مافيها شي بيت اختي وعادي اروح اي وقت .
خليفه : انشالله ( ونزل راسه يكمل غداه ) .
اما سلوى وامها يجهزون الغدا في المطبخ دش عليهم سعود سلوى من شافت سعود نقزت عليه وقامت تلمه وتبوسه , راح سعود عند امه وهو لام اخته المدله .
سعود وهو يبوس راس امه : هاشلونها الغاليه .
ام سعود : هلا والله بقلبي شلونك يمه .
سعود : بخير ، هاشلونج حبي سلوى .
سلوى : تمام , وينك انت محد يشوفك صاير كاسبر ادش وتطلع ولاحد يشوفك .
سعود : ههه موجود انتي الي وين , كل ماسأل عنج يقولون لي فاخه رقاد بسج رقاد ماصارت اجازة ذي ويصد لامه يسألها : الا فهد وينه .
ام سعود : في غرفته ماتشوف البيت هدوء .
سعود : زين يمه شكثر يبيله غداكم تراني ميت يوع .
ام سعود : خلاص يمه دقايق ويكون جاهز انت روح بدل وناد اخوك يكون ابوك وصل .
وهني يسمعون صوت ابوهم ينادي : يامريم وينكم .
ام سعود : حياك احنا في المطبخ .
بو سعود دش المطبخ وهو مبتسم : السلام عليكم .
سعود وسلوى راحوا يسلمون على ابوهم .
بو سعود : هاخلص غداج يامره , تراني ميت يوع .
سلوى : شفيكم جنكم يايين من مجاعة الكل يوعان .
بو سعود : والله احنا طول اليوم نشتغل اكيد بنيوع مب مثلج يالبومه نايمة الصبح وقايمه طول الليل .
ام سعود : اقول بوسعود روح بدل وصل الظهر وتعال .
بو سعود : خلاص يبه سعود روح بدل وصل ونزل .
سعود : انشالله يبه .... وطلع من المطبخ .
بعد ربع ساعه سلوى وامها جهزوا السفرة
ام سعود : يمه سلوى روحي نادي ابوج وخوانج .
سلوى : انشالله .
طلعت وراحت فوق طقت الباب على ابوها : يبه يبه يالله انزل الغدا جاهز .
طلع ابوها وهو لابس جلابيته : شفيج تصارخين خلاص بنزل الحين روحي نادي خوانج .
راحت سلوى وطقت الباب على غرفة سعود : سعودي يالله تعال .
سعود بطل الباب وهو مبتسم حق اخته ومسك جتفها ومشى وياها لي غرفة فهد , طق الباب عليه : فهد انزل يالله نجبوا الغدا .
فهد فتح الباب : هلا بو عزوز (لف على سلوى ) مالت عليج يالخبلة .
سلوى : جب .
فهد : الا طافك نص عمرك سعود ( ويغمز حق سلوى ) .
سلوى طقته على جتفه : جب زين انت مايتم في بطنك شي .
سعود : شصار , شطافني .
سمعوا ابوهم وهو يصارخ ويناديهم : ياعيال وينكم الاكل برد .
سلوى وهي تضيع السالفة عشان لايقولها فهد : يالله سعود ننزل ابوي معصب .
فهد : تغيرين السالفة , نطري ان ماعلمتهم وخليتهم يضحكون عليج .
سلوى : جب ( لفت ونزلت ويا سعود ) .
نزلوا العيال على صراخ ابوهم وقعدوا على السفرة
فهد باس راس ابوه وقعد عند امه : شلونك يابو فهد .
بو سعود : الحمدلله .
ام سعود : سعود يمه عطني صحنك .
سعود مد صحنه يعطيه امه
فهد : شدعوة الدلع كله حق سعود وانا .
سلوى بتمثيل وعشان تفتك من حشرت فهد عشان مايقول : فديته فهودي اخوي انا ادلعك جم فهود عندنا .
فهد بطل عيونه مب مصدق بس عرف خطة اخته هاي كله عشان ماقول هين ياسلوه ان ماخليتج تندمين
بو سعود : والله غريبة .. معقولة .. القطو والفار يتوالفون .. سبحانه مغير الاحوال .
فهد : احم احم يالله حطي لي وعن الهذرة الزايده .
سلوى وهي منقهرة على فهد بس شتسوي المسكينه : انشالله تامر امر انت .
الكل يضحك عليهم
فهد كل اول لقمة ويوم شاف سلوى تبي تاكل قالها : اي سلوه قومي يبيلي ماي .
سلوى : كاهو يدامك مد ايدك وخذه .
فهد : ابي ماي بارد من الثلاجة ( وهو يبتسم بخبث ).
سلوى وهي فاجه عيونها : انشالله .
قامت سلوى وراحت المطبخ تييب الماي .
ام سعود : بسك ياصبي لاتمصخها .
يات سلوى وعطت الماي حق فهد ، اما فهد فعجبته الحركه قام قالها مرة ثانيه : سلوه قومي يبيلي شطه .
سلوى وهي خلاص واصلة حدها من فهد : اف تراك مصختها , عطيتك وي انا .
فهد : ها تبيني اتكلم ولا اسكت .
سلوى : زين زين ذليتنا .
بو سعود : شسالفة .
سلوى : لا يبه مافي شي تعرف ولدك الماصخ وحركاته .
فهد : هابتييبين ولا لا .
سلوى تطالعه وخاطرها تضربه كف هلى ويهه :زين زين .
وقامت المسكينه ويابت الشطه ورجعت وعطتها فهد , وفهد ميت عليها ضحك .
اما ام خليفه فكانت تلبس وتكشخ لانها بتروح عند اختها نورة , خليفة طق الباب على امه :
يمه انا طالع تبيني اوصلج ، تراني تأخرت ابي اودي السيارة الكراج .
ام خليفه : اي يبه يالله شوي وطالعه .
راح خليفة ينطر امه في الصاله وقاعد يعدل غترته ، لف يشوف امه وهي نازله : الله الله على الكشخه ماقدر انا .
ام خليفة وهي مستحية : بسك استح ياولد تغازل امك ... يلا بسك كلام فاضي ..
طلعوا الام وولدها وركبوا السيارة ووصل خليفة امه بيت خالته وعند الباب :هايمه مابدش تسلم على خالتك.
خليفة : لا يمه انشالله يوم ايي اخذج بدش يلا فمان الله .
ام خليفة : الله يحفظك وشوي شوي .
خليفة : انشالله , يلا مع السلامة .
ام خليفة دشت الصالة وسلمت على اختها
نورة : حيالله من يانا زارتنا البركه .
ام خليفة : الله يحيج حشا انتي اخت وينج مانشوفج .
نورة : والله لاتواخذيني ياوخيتي بس تدرين الدوام عقب باجر وانا مع البنات نجهز للدوام .
ام خليفة : اي والله مالومج بس عاد مب جذي لاتليفون ولا شي .
نورة : سامحيني والله ادري اني مقصرة .
نورة وهي تنادي بناتها : خلود شويخ تعالوا كاهي خالتكم موزة عندنا .
خلود يات وهي تركض لانها وايد تحب خالتها : السلام عليكم (وهي تسلم على خالتها).
ام خليفة : هلا والله ببنيتي خلود , شلونج يمه .
خلود : الحمدلله بخير انتي شلونج خالتي , وشلونه خليفة .
ام خليفة : الحمدلله بخير يسلم عليج الا شيخة وينها .
وشوي تنزل لهم شيخة وسلمت على خالتها ببرود
ام خليفة : هلا والله بشيخوه .
شيخة : هلا والله خالتي . ( وقعدت على كنب بروحها عكس خلود الي لصقت في خالتها ) .
ام خليفة : الا خالد وينه ..
نورة : والله طلع مع ابوه يقولون عندهم شغل .
خلود قامت راحت صوب المطبخ
ام خليفة : وين رايحه يمه خلود .
خلود : بروح اييب الشاي والقهوة خالتي .
وراحت خلود المطبخ وام خليفة تمت تطالع شيخه الي ميننتها شيخه ماكانت وايد حلوة مثل خلود بس ام خليفه كانت دوم اتمنى شيخة حق خليفة . هل شيخة بتاخذ خليفة ؟؟
واذا خذته فشلون بتكون حياة خليفة مع هالانسانه الي ماتحب الا نفسها ؟؟
وخلود شراح يصير وياها ومن الي يستاهلها ؟؟؟؟
تابعوني وراح تعرفون وانتظر ردودكم وتوقعاتكم وهالله هالله بالردود الي تبرد القلب

وينكم ياجماعة

واضح انها حلوه وياريت الباقى بسرعه

مشكورين حبايبي واسفه على التأخير بس كان عندي ظروف وهاكم الجزء اليديد
الجزء الثالث
سارة نزلت من غرفتها بعد ماصلت المغرب وراحت المطبخ وقالت حق الخدامة تسوي الشاي وتييبه الصالة , راحت سارة الصالة وقعدت تطالع التلفزيون
نزل ابوها وشافها قاعدة : هلا سارونه حبيبتي اشوفج قاعده .
سارة : هلا والله يبه , بروح اييب لك الشاي وبرد .
مرت سارة جنب ابوها تبي تروح المطبخ مسك يدها ابوها ووقفها : تعالي هني يمي ابيج .
سارة :زين خل اروح اييب الشاي وبيي وبقعد بعد .
بو احمد : خل الشاي الخدامه بتييبه تعالي .
قعدت سارة عند ابوها
بواحمد : سارة يمه محتاجة شي تبين فلوس ( سألها لانها وايد تستحي وماتطلب شي حتى لو كانت محتاجه ) .
سارة : لايبه مابي شي .
بو احمد : لا أسال لاني قبل ماروح ماطلبتي مني شي عكس اختج الخبلة مهوي الي كل يوم تبي فلوس ياتبي تروح السوق او تبي تعبي جوالها ، وانتي حبيبتي ماتطلبين شي ، يبه لاتستحين انا ابوج مب غريب .
سارة : لايبه ماتقصر والله اذا احتجت شي بقولك انت مب مخليني اطلب كل يومين تعطيني فلوس .
بواحمد : فديتج يالعاقلة انتي ، انا مادري متى اختج هالخبلة بتعقل وتصير مثلج .
سارة : لايبه مب لهدرجة عاد ماقدر استحي جذي .
بواحمد : ليش تستحين يبه كل واحد يتمنى بنت مثلج .
هني نزلت مها وشافت سارة قاعده عند ابوها : ها ها شسالفة تحشون في من .
بواحمد : بسم الله الرحمن الرحيم ، انتي يني كل مانذكرج طلعتي .
سارة : ههه
مها : قول ماشالله خمسة وخميسة اعوذ بالله .
بواحمد : ويعه مهوي شايفتني حسودي انا .
مها : والله مادري عنك ، اخاف تحسدني وتصكني بعين قويه .
بواحمد : بسج سوالف يالملسونه وقومي ذلفي يبي الشاي من المطبخ .
مهاوهي معصبة : اوه وانا كل ماايي تشغلني توه سارة قاعدة عندك ليش ماطلبت منها .
بواحمد : كيفي ، قومي ذلفي حسبي الله عليج من بنيه .
راحت مها المطبخ تييب صينية الشاي ، نزلت ام احمد وعمتها ام سالم وقعدوا مع سارة وابوها
بواحمد : هلا والله بأمي الغالية .
ام سالم : هلا والله وليدي هارتحت انشالله .
بواحمد يشوف امه وبنته ومرته وهو مبتسم : وفي أحد مايرتاح لي قعد مع هالويوه الزينه .
طلعت مها من المطبخ وحطت صينية الشاي على الطاولة جدامهم ، وراحت قعدت جدام التلفزيون
ام سالم تكلم مها : ومن يصب لنا الشاي يعني .
مها : كاسارة عندكم خليها تصب لكم .
ام احمد : والله انج ماتستحين تعالي صبي الشاي انتي .
مها تكلم سارة : تكفين سارونة صبي الشاي .
بو احمد : وانتي ليش ماتصبينه في ايدج حنه يعني .
مها تصد لبوها وهي تضحك : ههه لو في ايدي حنه جان مايبت الصينية .
سارة ماقدرت تسكت يوم سمعت اختها وضحكت
بواحمد : تنكتين ويا ويهج .
مها : لاشدعوة .
سارة : يبه انا بصب لك الشاي ( وقامت صبت الشاي لهم ) .
اما سلوى فكانت في المطبخ تسوي لهم كيكه والكل قاعد برع ينتظر هالأختراع العجيب من سلوى .
فهد وهو متلملل : مايسوى علينا هالكيكه الي بتسويها سلوه .
بوسعود : خلها على الأقل تسوي شي ثاني غير الرقاد .
سعود يكلمهم واهو يلعب بجواله : شدعوة سلوى تقدر تسوي اشياء وايد بس انتوا عطوها فرصة .
فهد : تكلم محامي سلوى .
ام سعود : والله اني خايفة ، مقعدتنا هني ننتظر كيكتها واخاف تحرقها .
شوي رن جرس الباب ، راحت الخدامه بطلت الباب وكان خليفة الي يايهم .
دخل خليفة الصالة : السلام عليكم .
الكل : وعليكم السلام .
راح خليفة يسلم على ابوه باس راسه : شلونك يبه شخبارك .
بوسعود : الحمدلله بخير انت وينك من زمان مابينت .
راح خليفة وسلم على ام سعود : شلونج يمه .
ام سعود لافه ويها عن خليفة وهي زعلانه : اسكت انت ، انا زعلانه عليك لاتكلمني .
خليفة : شدعوة عاد انا ماقدر على زعلج .
ام سعود مسكت اذنه : وينك انت من شهر ماشفناك ماتستحس على ويهك ، ماتقول عندي اهل ينطروني امر عليهم .
خليفة شافها وتذكر كلام امه عليها وقال في خاطرة : مسكينه والله انتي بهالطيبة وامي ظالمتج الله يسامحها بس.
خليفة قعد على ركبته مجابل ام سعود : والله تدرين يمه الدوام والدنيا كلها مشاغل ( وباس يدها ) .
ام سعود :هالمرة بس بسامحك وان عدتها ياخليفة ماراح ارضى عليك كلش .
خليفة انشالله ، عاد احنا مانقدر على زعل الغالية .
راح خليفة وسلم على خوانه ويلس عندهم .
طلعت الخدامه من المطبخ يايبه الكيك والشاي .
فهد يكلم خليفة : لاتفوتك كيكه سلوه .
خليفة : سلوى مسويتها فديتها والله وينها .
فهد : يانا المحامي الثاني .
شوي وسلوى طالعه من المطبخ وماكانت تدري ان خليفة عندهم : يالله كلوا الكيكه الي سويتها وماكملت كلامها يوم شافت خليفة .
سلوى وهي شاقة الحلج : خلوف ، انت هني (وركضت ولمته وباسته ) وينك ماتبين وحشتنا ياخي .
خليفة : والله موجود انتي شلونج فديتج .
سلوى : الحمدلله يالله زين ييت كل الكيكه .
تموا ياكلون الكيكه وظلوا على حالهم يسولفون ويضحكون على سوالف سلوى وفهد لي الساعه 10 ونص تذكر خليفة انه لازم يروح اييب امه .
قام خليفه ومسك غترته عشان يلبسها
ام سعود : وين يمه ماشبعنا منك .
خليفة : ولا انا بس لازم اروح اييب امي من بيت خالتي نسيتها والله .
ام سعود : عيلروح يمه لاتتأخر عليها ، وسلم عليها .
بو سعود : الا انا باجر بمركم على الغدا انشالله.
خليفة : انشالله يبه يالله مع السلامة .
وطلع خليفة وركب سيارته الجي اكس وراح بيت خالته وهو واقف عند الباب اتصل في امه : آلو ، هلا هلا يمه يلا انا برع .
ام خليفة : زين يمه طالعه .
نورة : هاي خليفة ؟؟ خليه يدش شوي من زمان ماشفناه .
ام خليفة : يمه خالتك تقولك دش شوي تبي تشوفك .
خليفة : انشالله يمه .
قفل السيارة خليفة وتردد اول شي يطق الجرس ولا لا ، وبعدين قرر انه يدخل قال في خاطرة : اكيد يدرون اني داش عيل ليش اطق الجرس .