قصه حدثت بالفعل

قصه حقيقيه افخر بها
انا امراة فى السابعه و العشرين من عمرى زوجى فى الثانيه والثلاثين من عمرة
تزوجنا منذ سبع سنوات بعد ان تزوجنا بشهر حملت فى ابنتى الكبيرة وكنت فى الكليه
واردت ان انزل الحمل من اجل الامتحانات والكليه ذهبت للطبيب فمنعنى وزجرنى وقال لى اذا فعلتى هذا فلن ترين الخلفه تانى لان الذى تريدين فعله حرام وانا لا افعل ذلك فتركتها على الله واستكملت الحمل يشاء المولى
عز وجل ان امرض انا وزوجى فى الشهر السابع من الحمل انا بالقلب ولازم لى عمليه فورا وهو بالسرطان وايضا له عمليه 7هو اجرى عمليته واستلم نتيجه تحليل العينه يوم السبوعوكانت النتيجه سرطان غدد ليمفاويه وانا بعد الولاده بشهرين بدات مشوار المستشفيات وبنتى دى ما رضعتش منى غير شهرين بس واجريت لى العمليه وهى عندها سبعه اشهر زوجى كان فى مستشفى وانا فى مستشفى وترك علاجه من اجل ان يحضر معى والله كل حرف من كلامى ينطق بالصدق المهم الحمد لله افقت من البنج على صوت الدكتور بيقول لدكتور اخر ربنا نجاها من العمليه دى عشان خاطر بنتها اللى سايباها عندها سبع اشهر وجايه تعمل العمليه يعنى شفتوا اللى كنت عاوزة افترى عليها من غير ذنب هى اللى ربنا جعلها سبب لنجاتى من العمليه والحمد لله ربنا شفانى واستكملت العلاج وزوجى كمان استكمل العلاج وحدثت معجزة من عند الله وربنا شفى زوجى بعد ما كان بيموت والدكتور قاللى ده بيقضيها ايام
وشفى شفاء تام والحمد لله من هذا المرض اللعين وعلى فكرة
بعد العمليه منعت انا وزوجى من الخلفه هو علشان العلاج الاشعاعى والكيماوى ما بيثبتش الحمل وان ثبت هيكون الجنين مشوه وانا علشان القلب والعمليه
وفضلنا 5 سنوات بدون خلفه حتى اراد الله وبضرب كلام الاطباء عرض الحائط رزقنا بطفله جميله اخرى
يعنى شوفوا
لو كنت نزلتها صحيح كان عمرى فعلا ما هشوف الخلفه دى تانى
والحمد لله على كل اللى يجيبه ربنا وارجوكم يا جماعه ان تترووا قبل اتخاذ اى قرار وسلموا اموركم لله ولا تسبقوا الاحداث و احمدوا ربنا فى السراء والضراء
وارجو الرد على هذ القصه الحقيقيه التى افخر بها انا وزوجى والحمد لله