قصه رومانسيه كويتيه

هديل الكويت 2007

26-04-2022 - 02:59 pm

نبدي القصه

فتحت عيونها وقالت بس خلاص شتبي ياآآآرب ثبتني

الشباب : أفا قلبي ليش ماحبيتيني

دانا: امبلى بس هم ننطر شوي ( متوتره حيل )

دانا وأحمد. السلام عليكم
،، هذي قصه وإن شاء الله تعجبكم كويتيه بطولة (دانا وأحمد وخالد وهم آكو شخصيات بس مالها ذاك الدور القوي)
كلهم ما يقربون لبعض
دانا حلوه بيضه وضعيفه وطولها حلو طالبه في الكليه عمرها
وأحمد حنطاوي وعيونه حلوه وطويل وعريض طالب في الأردن وعمره وخالد هم أبيض وضعيف وطويل في البحريه وماخذ دوره في مصر وعمره

نبدي القصه

دانا راعيه نت وتحب المنتديات والمواقع الإسلاميه أهي وحيده أمها ودلوعتها أبوها دايما مسافر وعندها أخوان بس كلهم صغار المهم يوم من الأيام دخلت النت زهقانه تبي شي يونسها ومالقت بهالمنتديات إلا النكد طلعت من المنتديات جان يجي في بالها ( دانا شرايج تطقين فره بالشات بس وناسه لا تعرفين بس قزري وقتج ) فكرت دانا تفكير طويل عريض ولازال الشيطان يحاول قالت (لا ) أعوذ بالله وطلعت من النت وراحت لفراشها بتنام انسدحت على فراشها وأول ماحطت راسها قالت آآآآه راسي بنام وأول ماغمضت عينها وهم تجيها نفس الفكره ( بس تونسي لاتعرفين بس وناسه )

فتحت عيونها وقالت بس خلاص شتبي ياآآآرب ثبتني

نامت قعدت الصبح ونست اللي صار المهم راحت عند أمها وتريقت وأخذتها السوالف ومشى الوقت بسرعه لين جا وقت النت شبكت ودخلت المنتدى مره ثانيه ( آآآووف شهالزهقه منتدى بآآآرد وهم الجو بآآرد ) ( دانا شرايج بالشات )
دانا: آوف ماأبي أضيع نفسي بس الشيطان قام يكرر هالكلام وفعلا دخلت شات طبعا أول مادخلت كان شكلها يضحك كلامها بدليات وتخربط وتعرق ووجها تلخبط ...
دانا : الله وناسه الشات اللي ماأبيه أطنشه..
أدمنت على الشات واللي يعجبها تحوله على المسنجر ليما جمعت شباب بالمسنجر وتركت الشات وصارت بس تكلمهم بالمسن وكانوا يطلبون منها الرقم ..
الشباب : دانا شدعوه حبيبتي بكلمج بالتلفون
دانا : لا لا بعدين لما أحبك أكلمك

الشباب : أفا قلبي ليش ماحبيتيني

دانا: امبلى بس هم ننطر شوي ( متوتره حيل )

بعد فتره الشباب كلهم كل ماتبي تكلهم يغيرون الحاله يتهربون منها حست بهالشي دانا راحت وسوت بلوك لهم حظر ونظفت إيملها هم دخلت الشات وجمعت شباب ونفس الحاله ( دانا الله يهداج الناس وصلت القمر وأنتي للحين ماتبين تعطيني رقمج )
دانا تقول بنفسها : دانا لا تغلطين بعدين تندمين ..
هم حذفت إيملاتهم
ودخلت الشات بس هالمره غير تعرفت على أحمد جاي يقضي الإجازه بالكويت كانوا خجولين مع بعض مو نفس كل الشباب
دانا : شلونك أحمد ؟
أحمد : بخير شلونج أنتي ؟
دانا : الحمدلله ..
أحمد : شسمج ممكن ؟
دانا : إي أنا ريم .
أحمد : هلا ريومه عاشت الأسامي .
دانا : تسلم << ياويل قلبي منحرجه .
أحمد : معاج أحمد .
دانا : عاشت الأسامي .
أحمد : عاشت أيامج جم عمرج ريومه ؟
دانا : سنه
أحمد : العمر كله لج أنا أكبر منج بسنه.
دانا : ليش أكبر مني.
أحمد : منصدم نعم ؟
دانا : أحم < ارتبكت لا أتغشمر < دفشه
وأخذتهم السوالف ليما الساعه الصبح
دانا : أنا بطلع بنام .
أحمد : وين تو الناس ؟ مابعد شبعنا منج ؟
دانا : < انحرجت . بنام دايخه .
أحمد : زين ريومه أنا حبيتج بصراحه ودي أكلمج ؟
دانا : لا صدقني ما أقدر.
أحمد : ليش ؟
دانا : ماأقدر و بس صدقني .
أحمد : صدقيني ريومه والله ماراح أخليج تحبين غيري صدقيني والله ماأعرف بنات غيرج تكفين ريومه أخذي بس الرقم .
دانا : < انحرجت . أحمد ماأقدر
أحمد : لا أخذي رقمي ( كتب الرقم )
دانا : ماأوعدك أدق عليك
أحمد : ناطرج
دانا : أم بس هم ماأوعدك يلا مع السلامه
أحمد : مع السلامه
طلعت دانا طبعا الرقم خزنته بتلفونها ..
راحت لفراشها وأهي تفكر بأحمد ( ادق عليه أم لا ) انسدحت على فراشها وقلبها يرجف وحست بشي غريب
دانا: ياربي حبيته اول مره احس بجذيه.
قامت من فراشها واخذت التلفون ودزلته مسج
( أحمد أنا ريم )
تم ارسال الرساله
دانا: قلبي يمه آآآه.
رن رن رن
دانا : يممه أحم أحم.
دانا: ألو
أحمد: هلا وغلا
دانا: هلا فيك
أحمد : شلونج ريومه
دنا : الحمدلله
احمد: شفيج مستحيه
دانا: حمر وجها لا عادي
احمد: ههه< بخجل
دانا: ههه
أحمد : ريومه ب
قاطعته دانا
دانا: أحمد أنا أسمي دانا مو ريم
احمد : ياللا عاد تقصين علي
دانا : لا صج والله < بدت تتجرأ عليه
احمد : أوكي عيل دنوي أسميج
دانا تتمصخر عليه
دانا: عيل
أحمد : هههاي إي ليش شصلج أنتي ؟
دانا : بدويه
احمد : اي من أي قبيله
دانا: أم ماأقول
احمد : أوكي بس أنا عنزي متحضر
دانا: والنعم بعيال وايل
أحمد : آآآووه تعرفين بعد دانا: اي
استحت
أحمد : زين دنوي
قاطعته
دانا : أحمد أحمد صوت أمي
فجأه دخلت أمها
الأم : دانا غريبه قاعده ؟
دانا: عادي يمه مافيني نوم
الأم : أوكي يمه تعالي تريقي معاي
دانا : إن شاء الله
طلعت أمها ودانا مرتبكه
دانا : أحمد بروح لأمي زين
أحمد : أوكي حبيبتي
دانا: باي
أحمد : باي
دانا آآه راحت لأمها وقعدت تريق < لايكون أمي شكت فيني
خلصت من الريوق < سوت نفسها تبي تنام
آآخ يمه بروح أنام
الأم : روحي بس لا تعودين السهر للصبح
دانا: إن شاء الله لا بس هالمره
راحت دانا لغرفتها وأخذت التلفون وقعدت تطقطق فيه مسجات إتفقت معاه أنه مايدق وإذا يبي شي بس رنه و يفصل بسرعه عشان محد يحس
أحمد بمسج: إن شاء الله تامرين أمر
دانا : تصبح على خير
أحمد: وأنتي من أهل الخير حطت التلفون ع الصامت ونامت قعدت المغرب < طبعا بعد مادخلت الشات تصلي بس مو بأوقاتها
دانا: آآه رآآآسي الساعه جم
طلعت التلفون من تحت المخده آآووه
مكالمه لم يرد عليها =
دانا: هذا رقم أحمد شعنده
جاري الإتصآآآل < زين روحي غسلي وجهج
أحمد : هلا و غلا
دانا : هلا فيك
أحمد : صح النوم شكلج حدج دايخه
دانا : ههه اي تو قعدت
صح بدنك
أحمد : شلونج حبيبتي
دانا: استحت الحمدلله
دانا: أحمد متى قعدت
أحمد : دنوي قلبي لاتقولين أحمد قولي حمود ابيج بس أنتي تقولينها لي ياللا قولي حمود
دانا : حمود < مستحيه
أحمد : هلا عيون حمود آمري
دانا : متى قعدت
أحمد : العصر
دانا : شعندك
احمد : رحت الحلاق عندنا شوي عشا
دانا: يعني ماأقدر أكلمك بالليل
أحمد : لا اللحين انا راد للبيت وبلبس وبطلع للعشا يعني بعد ساعات دقي
دانا : ساعات أحمد واجد
أحمد : قلنا حمود
دانا: سوري حمود
أحمد : شسوي ماراح أفضى إلا الساعه وورى دانا : طيب أوكي
أحمد : أنا اللحين وصلت البيت أكلمج بالليل طيب
دانا : طيب < زعلانه
احمد : باي
دانا : باي
دخل البيت أحمد وراح لغرفته ونزل ملابسه بياخذ شور
ودانا انسدحت على الفراش < آثار العشاق
تقول فبالها
اشتقت له وانا تو مكلمته شلون لو أنطر ساعات يا قوة قلبه
نزلت عند أمها وأخذتها السوالف طبعا إذا أهي تكلمت راح عن بالها أحمد بس لما تكلم أمها ماتدري شتقول بعد ساعتين صعدت لغرفتها واخذت التلفون ودقت عليه < مافيها صبر
رن رن رن
أحمد : هلا وغلا
دانا : حمود خلاص ملينا غيرها
أحمد : ههه هلا والله شلونك
دانا: شلونك ؟ عندك أحد حمود
احمد : اي الحمدلله شخبارك ؟
دانا : بخير
دانا: حمود اطلع بكلمك
أحمد : إن شاء الله
طلع أحمد من الديوانيه
أحمد: هلا حبيبي شلونج
دانا: حبيبي شفيك حبيبتي
أحمد : ههه لا أنا أحب أقولج حبيبي
دانا : الحمدلله
أحمد : هاآآه قلبي شعندج
دانا: مشتاقتلك
أحمد : هاه
دانا : شفيك مشتاقتلك
أحمد : تشتاقلج العافيه
دانا: مشغول
أحمد : حبيبي قايلج أنا العشا مسوينه لي لأني تو راد من الأردن
دانا: أوكي أكلمك بعدين
أحمد: أوكي ناطرج شوي
دانا : أوكي باي
أحمد : باي
تضايقت دانا ودها تطول معاه
مر الوقت ليما الساعه
رن رن رن
رن رن رن
رن رن رن
مكالمه لم يرد عليها =
أحمد : شسالفه ليش ماتدق يمكن ماعندها رصيد
الساعه وربع
رن رن رن
رن رن رن
مكالمه لم يرد عليها =
أحمد أركد لا يكون التلفون مو عندها
الساعه
دانا توها راده مع امها من المستشفى مسويه أشعه وتحاليل
راحت لغرفتها اخذت التلفون
آآوف مكالمات من أحمد < تطنز زين فقدني
قفلت الباب
رن رن رن
أحمد : هلا بحبيبي وينج ماتدقين ؟
دانا : هلا فيك قلبي كنت بالمستشفى تعبانه
أحمد : أفا عسى ما شر ؟
دانا : بطني يعورني حيل و ماأشتهي آكل
أحمد : ياقلبي فيني ولا فيج ليش من شنو ؟
دانا : مادري
أحمد : يمكن عشان تحبين ؟
دانا: مستحيه ههه
أحمد : طيب قلبي أخليج تنامين ترتاحين .
دانا: ليش مشغول
أحمد : لا فاضي بس عشانج تعبانه ماأبي أزعجج
دانا : لاعادي
أحمد : حبيبي
دانا : هلا
أحمد : أحبج
دانا : ....... < مستحيه
أحمد : ألو
دانا : هلا حمود
احمد : شفيج سكتي
دانا: ولا شي
احمد : أحبج
دانا : هم أنا
أحمد : أنتي شنو ؟
دانا : أحبك
أحمد : هاه
دانا : يعني ماسمعت
أحمد : ههه لا بس أحب أسمع هالحجي منج
دانا : .....
أحمد : تحبيني دنوي ؟
دانا : اي
احمد : حبيبي والله
أحمد : ياللا قلبي أخليج تنامين وباجر أول ماتقعدين دقي علي أوكي
دانا : أوكي
احمد : تصبحين على خير
دانا : وأنت من أهل الخير
احمد : احبك
احمد : باي
دانا : مستحيه باي
سدت التلفون وأهي مستانسه وتذكر كلامه
( دنوي أحبك ) يالله آآآخ ياحلوه
انسدحت على فراشها تلعب بشعرها باصابع ايدها وتفكر بأحمد الحبيب ليما نامت < داخت من التفكير
قعدت الظهر
أخذت التلفون ودقت على حمود
رن رن رن
أحمد : آآآه هالو ؟
دانا: هلا نايم ؟
احمد : اي حبي شلونج؟
دانا: الحمدلله ياللا أقعد بسولف معاك
أحمد : ياللا قاعد آمري
دانا: ....
أحمد : أم حبيبي ليش أنت حلو جذيه ؟
دانا : تو مابعد شفتني
احمد : يكفي صوتج يدوخني وكلامج يذوبني
دانا : .....
أحمد : أحبك
دانا : تسلم
أحمد : شنو
دانا : تسلم
أحمد : هههآآآي شنو تسلم أقول أحبك تقولين تسلم
دانا: حمود شفيك تو مكلمين بعض مامداي اتجرأ
أحمد : بس أنا أبيج تصيرين جريئه
دانا : أوكي
احمد : أموآآآح
احمد : حبيبي تحبني ؟
دانا : مستحيه حيل< اي
احمد : ههه
احمد : طيب حبي أنا بقوم آخذ شور وأتغدى وأدق عليج أوكي
دانا : أوكي
أحمد : أحبك
دانا : أوكي
أحمد : هههاي باي
دانا : باي
سدت التلفون واهي طايره من الفرحه ارجولها مو شايلتها
راحت عند أهلها بجسمها بس ولا قلبها وعقلها مشغول بالحبيب أحمد
العصر
دق عليها أحمد
رن رن رن
كان التلفون بيدها استأذنت من اهلها و طلعت لغرفتها جان تدق عليه
دانا : هلا
أحمد : هلا بحبيبي
دانا : تغديت
أحمد : اي
دانا : عوآآآفي
احمد : الله يعافيج قلبي
دانا : شكرآ
أحمد : شكرآ ههه < يقلدها
دانا : ههه
أحمد : حبي ترى شوي عندي عشا و سامري يعني بس راح أكلمج هالوقت
دانا : زعلت أحمد شسالفه شهالعشيات والطلعات
احمد : ياقلبي أنا لما اجي الكويت يسون لي جذيه
دانا : مايصير وأنا يعني
أحمد : أنتي حبيبي وقلبي
دانا : اي خير
أحمد : والله
دانا : طنش السامري
احمد : ماأقدر دنوي
دانا : ليش ؟
أحمد : فشله الشباب متفقين معاي ومعطيهم الأوكي
دانا: خلاص أهم شي ربعك < زعلت
احمد : شفيج حبيبي أوكي إذا قدرت أدق عليج بدق أوكي
دانا: اوكي
أحمد : يالله حبي باي
دانا: باي
أحمد : لحظه
دانا : هلا شنو ؟
أحمد : آموآآآآح
دانا : ....
أحمد : ويه ردينا
دانا: المهم أكلمك
بعدين
أحمد : هههاي أوكي
دانا : باي وأهي تضحك
أحمد : باي
مر الوقت وكان ثقيل على دانا
الساعه دقت دانا
رن رن رن
أحمد : هلا حبيبي
دانا: هلا حمود
أحمد : شلونج
دانا: بخير .. ام بتروح السامري ؟
احمد : اي بعد ساعه ونص بروح مع الشباب
دانا : حمود طوف لا تروح بعدين إذا أنت ماتخاف على نفسك في غيرك يخافون عليك
احمد : منو ؟ حاس
دانا : أنا
أحمد : ليش ياحبيبي ؟
دانا : سامري يعني زار
وجنون
احمد : زين يمكن اللي يكلمج اللحين جني
أنيهاهاهاي
دانا : يم تخوف ليش لا
أحمد : هههاي
أحمد : ياللا حبيبي الشباب قاعدين يدقون علي أوكي
دانا : أوكي
احمد : باي
دانا : باي
راح أحمد مع ربعه السامري
ودانا راحت تفرفر بالنت
الساعه الفجر
رن رن رن
دانا : طاع هذا خبل داق هالوقت
دانا بمسج
( هلا حبيبي حمدلله على السلامه جيت ولا تو )
أحمد بمسج
( هههاي اي جيت )
( دنوي اشتقت لج )
دانا بمسج
( تسلم حبيبي وهم أنا )
احمد بمسج
( شتسوين )
دانا بمسج
( شابكه ع النت )
احمد بمسج
( شنو لا يكون شات )
دانا بمسج
( لا مو بشات بمنتدى )
أحمد بمسج
( اي ياويلج لو أدري أنج داخله الشات )
دانا بمسج
( أها ليش )

التعليقات (9)

leel

26-04-2022 - 06:19 pm

تسلم يدك وصراحه يشرفني أن أكون أول من يرد عليك
ننتظرك حبيبتي 000

رجاوي ام راكان

26-04-2022 - 07:20 pm

ن
ن
ت
ظ
ر

هديل الكويت 2007

26-04-2022 - 08:21 pm

تسلمون حبايبي
بس وين الباجي ؟؟؟؟؟؟؟؟؟؟؟؟؟

الملاك البريء

26-04-2022 - 09:22 pm

ننتظرك الله يعطيك العافية
الملاك البريء

رمز"الغلا"

26-04-2022 - 10:23 pm

بليز وصلت للحماس لاتطولي علينا.....

رمز"الغلا"

26-04-2022 - 11:24 pm

مشكورة ع القصة..

نونـــه دلوعة حبيبهـــMـا

27-04-2022 - 12:25 am

يسلموو هدوله القصه روعه
ننتظر التكمله ياعثل لاتطولي

^جمان^

27-04-2022 - 01:26 am

مشكورة حبيبتي...
يلا كمليها ننطر ......
سبحان الله وبحمده

هديل الكويت 2007

27-04-2022 - 02:27 am

تم ارسال الرساله
انهارت دانا وقعدت تبجي حيل
دانا: خالد تعبانه
خالد: انتي قويه لا تضعفين
دانا تبجي
دانا: بس احبه شلون بنساه هذا احمد
خالد: لو مانسيتيه أهو راح ينساج
دانا: معقوله
خالد : يادانا كل الشباب يقصون ع البنات حتى انا احب رفيجتي بس مستحيل اتزوجها شيضمن لي انها ماكلمت غيري
دانا: آآه ياربي
خالد : انتي قويه وراح تصيرين قد القرار البو فريند دمار
دانا: ادري بس أنا اللحين افكر بأحمد
خالد : دانا فكري بحياتج انسي هالسوالف
والله مضيعه للشرف
دانا منهاره تفكر بأحمد شلون بتكون حالته لما يقرى هالمسج
خالد : لا تضعفين
دانا : انا بطلع تعبانه
خالد : اوكي دانا هاليومين بسمع خبر حلو انج تركتيه خلاص وبعدين احذفي ايميلي
دانا: اوكي
خالد : قبل لا تنامين روحي صلي ركعتين والله معاج وبيرضى عليج تصبحين على خير
دانا : وانت من أهله
طلعت دانا من النت واهي منهاره كليا صلت ركعتين ودعت ان الله يكون معاها
قعد احمد الصبح وشاف المسج
انصدم صدمه العمر دز لها مسج
احمد مسج
( انا بالجامعه واللي فيني مكفيني قولي الصج ؟)
دانا ترد عليه بنفس الوقت لأنها مانامت
دانا بمسج
( اي لازم نترك بعض الزواج بعد شهور )
احمد بمسج
( زين خلي علاقتنا تستمر وقبل الزواج باسبوع نوخر عن بعض )
دانا بمسج
( صعبه خلاص انسى دانا )
احمد مايرد ع المسج
ودانا تحاتي بس ماردت عليه
كان هاليوم هذا بالنسبه لدانا يوم حزين
تشوف احمد بكل مكان
تقعد مع اهلها تذكره تغرق اعيونها
تعبت نفسيآ مع هالموضوع
حاولت تحافظ على اوقات الصلاة عشان تقوى اكثر وتثبت
صعدت غرفتها وانصدمت مسج من احمد قلبها قعد يطق بسرعه فتحت المسج
احمد مسج
(ليش ضيعت الوفا ليش خيبت الأمل ليش سببت الفراق ليش طفيت الشموع ليش ترحل ياحبيبي لو بسبه أو زعل صارت احلامي سراب صارت ايامي دموع )
انهارت دانا من جديد
وماقدرت تتحمل طاحت ع الفراش تبجي حيل و قررت تدق عليه
رن رن رن
أحمد : الو بصوت حزين
دانا : هلا احمد
دانا تبجي بس بدون صوت واحمد ساكت
دانا: خلاص انسى هالرقم وصاحبته
احمد : ياليت بس ماأقدر دانا
دانا: عشان خاطر
قعدت تبجي واحمد ساكت
احمد : متى الزواج
دانا: بعد شهور
احمد : الله يوفقج
دانا: تأكد أني أحبك وأتمنى ان الله يرزقك بوحده تحبك ولا تخونك
احمد : ماراح القى مثلج
دانا : بتلقى احسن مني
احمد : مستحيل
دانا تبجي حيل
دانا : اوكي هذي آخر مره بتسمع فيها صوتي وآخر مره بتشوف فيها رقمي
احمد ساكت
دانا : دير بالك على نفسك وتأكد أن دانا تحبك < تبجي
احمد : اوكي
دانا : باي
احمد : باي
سدت التلفون دانا واهي منهاره ونفسيتها تعبانه حيل
أما احمد كان قاعد وقتها باستراحه مع اعيال عمه
طلع من عندهم وقعد بسيارته وقعد يبجي
( معقوله خلاص ماراح اسمع صوتها آآه نزل راسه ع السكان ودمعت عيونه )
دقت دانا على ريم عشان تجي عندها
رن رن رن
ريم: هلا دنوي
دانا واهي تبجي : ريم تعالي ابيج ضروري
ريم منصدمه : دانا شفيج؟
دانا : تعالي
ريم : اوكي
جات ريم وانصدمت من حاله دانا : شفيج
دانا على فراشها تبجي بحرقه : تركت احمد
انفجرت بالبجي
ريم مستغربه : ليش
دانا :تبجي
ريم : دانا قولي تكلمي
دانا : استمراري معاه ضياع وراح يدمرني > تبجي
ريم : ليش صار شي يكلم غيرج
دانا: لا بس انا قاعده اعصي ربي واخون اهلي
ريم عجبها كلام دانا: قلتي لأحمد
دانا : اي تصدقين مابجى ولا تأثر احس أنه كان يجذب علي
ريم : لاحرام عليج يادانا لا تظلمينه
دانا: ماأظلمه بس هذا اللي صار والله ريم ماكان متأثر
ريم : يعني كان يجذب عليج
دانا: بروده معاي يقول جذيه
ريم : كل شي جايز
بس أنتي شلون جاج هالتفكير تخلين احمد
دانا : جذيه فكرت
وحسيت اني احط نفسي بموقف صعب من كل النواحي ديني ومجتمعي وبيئتي < تلف وتدور عشان ريم ماتعرف الصج
ريم مقتنعه بكلام دانا : صح انا كنت متردده ودي أمنعج بس لأني كنت احبج أعجبت بعلاقتج معاه
دانا : انا تعبانه اللحين
ريم :ماألومج والله بس حاولي قد ماتقدرين انج ماتقعدين بروحج
دانا :بحاول وربي يقويني
ريم : الله معاج
ريم: اوكي ارتحتي اللحين
دانا: يعني
ريم:انا بروح لبيتنا
دانا:لا اقعدي معاي هاليومين
ريم: صعبه شوفي انا باجر بخلي امي تجيبني
دانا: اوكي ناطرتج
ريم: اوكي سي يو
دانا:سي يو تو
طلعت ريم من بيت دانا وظلت دانا بفراشها حاولت تنام ماقدرت نزلت عند امها قعدت معاها الساعه بالليل فتحت الإيميل كانت محتاجه تكلم خالد عشان يوقف معاها
ولقت خالد موجود
سبقها خالد بالسلام
دانا : وعليكم السلام
خالد: ها بشري
دانا: الحمدلله انهيت الموضوع مع احمد
خالد:ماشاء الله عليج دانا قويه وصدقيني اي موقف خطأ يحتاج إلى قرار شجاع وأنتي قدها
دانا: بس احس أن بالي مشغول مع احمد
خالد : دانا لو تعرفين حقيقة احمد والشباب عموما والله ماراح تضيعين وقتج فيه اصلآ تحتقرين روحج
دانا حست أنها سوت شي كبير
خالد: لا تتراجعين ديري بالج
دانا: اوكي
خالد: أوكي اعتبر كلامج وعد
دانا :اي رجعه لأحمد ماكو
خالد: اوكي اللحين سوي لي بلوك
دانا: اوكي
سوت لخالد بلوك وحست انه عطاها دفعه معنويه
قالت بينها وبين نفسها( انتي هديتي علاقه كانت بالنسبه لج كل شي وغيرج ماقدر يهدمها لا تتراجعين )
طلعت من النت وراحت لفراشها
قعدت الظهر ونزلت لأمها
لقتها تكلم ام ليلي و كان وجه امها ما يبشر
سدت التلفون وقالت يالله سترك
دانا مستغربه :يمى شفيج
امها :ليلى بنت خالتج
دانا ارتبكت :شفيها
امها : اخوها العود شافها مع واحد بالسينما
نزل هالخبر كالصاعقه على دانا
دانا:....
امها: دق عليها واهو يطالعها من بعيد يبي يجذب عينه
ولا اللي شافها ترد ع التلفون تأكد أنها اخته
راح لها وسحبها مع ايدها عشان الناس ماتنتبه واخذها لسيارته وطقها طق الحمار وجابها لأمه واللحين البنت صارلها ايام حاجزها اخوها بغرفه الخدامه
دانا: وشصار على اللي كان وياها
امها :نحش
دانا: اها
دانا قلبها يدق بسرعه حست أن هالموقف كان بيصير عليها
بنفس الوقت حمدت ربها انه كان رحيم فيها ومافضحها لما كانت مع احمد ع البحر
دانا عاشت هالموقف وحطت نفسها مكان ليلى
انصدمت من اللي كان راح يصير
قالت بصوت عادي
دانا: آآآخ ياكبرها على أهلها
امها: اكيد كبيره بنت فاسد ماحافظت على تربيه اهلها موفرين لها كل شي وبالآخر هذا جزاهم
دانا : اكيد لا المفروض تحافظ على سمعة أهلها
( وبجذيه عرفت دانا المصيبه اللي كانت راح تجر نفسها وأهلها معاها )
واقتنعت ان احمد ماهو إلا ذئب مثل غيره وأهي ضحيه شيطان
مع الأيام نست احمد وحافظت على الندوات والدروس وصارت من الناس اللي تطلب العلم
ودائما تقول احمد نقطه سوده في حياتي راح اتحسر عليها لين اموت
( هذي قصه بدايتها رومانسيه ونهايتها قرار شجاع اتخذنه بنات كثيرات وننتظر من لازال الشيطان مسيطر عليهن بل ربما هن شيطان انس )
وأخيرآ أسأل الله الكريم رب العرش العظيم أن يهدي بنات المسلمين وان يستر عليهن ...
... بنات هذي القصه ل
اختكم انوار المطيري.. الكويت
عشان تعبها مايروح حرام ..

قصة واقعية رائعة لاتفوتكم←
توبة رجل بسبب رؤية راها في المنام→