كبي شنطتك هنا مشروع لقافي

السلام عليكم ورحمة الله وبركاته
فراشاتي العزيزات واخواتي العاطلات ...........
اليوم جايتكم وجايبه معي موضوع (قنبله) لكنه ملطوش لطشا مبرحا بتصرف
المهم بما اننا بنات وحريم واناث وكل وحده الله يجزاها خير شنطتها اكبر منها <<تسمع بموضة الشنط الكبيرة ..............
وكل وحده دايم تحب تتفنن في شنطتها ومستحيل يمر اسبوع ماتشتري شيء وتعفسه فهالشنطه وتنساه ...............هذا اللي راح كله مقدمه
والموضوع هو ان كل فراشه من الفراشات تصور شنطتها صورة مروحيه ...ثم تكب كل الاشياء اللي فيها على خلفيه بيضاء ولا سوداء ولا اي لون وتصورها لنا ..زي ماهي من غير تنميق وتزويق مهما كانت الاشياء معفسه وممغطه ومكسره ..علشان يكون فيه اكشن <<يعني ايش اكشن؟؟؟
واذا انتهت تختار بعدها عضوه من العضوات لتجدع لنا شنطتها ونشاهد مافي جعبة شنطتها من عجائب وغرائب
ملاحظه : في حال رفضت العضوة المرشحه ان تصور شنطتها عادي نختار بعدها عضوه ثانيه <<مافي مشكل
ملاحظة ثانيه : يسمح في هذا الموضوع بالذب بجميع اشكاله وان تردون وتعلقون على خرابيط العضوه وتستانسون على راحتكم <<برضه مافي مشكل
ملاحظه ثالثه :خ العضوه اللي بتتأخر بينسحب منها الدور وانا بختار عضوة غيرها ........كيفي موضوعي وانا حره فيه
واللي ماتبغى تشارك ترفع الموضوع الله لايهينها