كلمات أعجبتني في معانيها وأحب أهديها إلى من سكنت قلبي

أحبك وحبك ماخلى لغيرك مكان .. أحبك حبٍ ماله بالدنيا مثيل
أحبك وحبك صار لي عنوان .. أنا أشهد حتى الحب في حقك قليل
ياحياتي ودي أضمك وسط الأعيان .. ياحياة الروح ما أبدل بك بديل
أنتي الغلا وأنتي أعذب الألحان .. وأنتي راحتي من كل همٍ ثقيل
أحبك وحبك داخل القلب سكان .. أحبك ما عليّ من القال والقيل
الحب في الناس وطن وفيك أوطان .. حبك يرد الروح في جوف القتيل
ودي أني سجين وأنتي لي السجان .. حتى أملي عيوني بشوفة الرمش الضليل
ما أبي غيرك من البشر لو كان ما كان .. أنتي وبس وغيرك ما أبي منه مواصيل
شوفتك تروي كل من كان ضميان .. ولمسة يدينك تشفي منهو عليل
الله يا ماحلا ذيك الأوجان ..ويا ما حلا على الكتفين هاك الجديل
والله ما خلق ربي مثلك أبد إنسان .. سبحان ربٍ صور بالحلا هالتفاصيل
أترجاك يارب ياعظيم الشان .. تحرسها وتحميها من شر الأيام المقابيل
وصفتها وخجلت من وصفها كل الأوزان .. حتى القلم من حسنها عيا يسيل
وش عاد حالي وانا متولع بها وهيمان .. وميت في هواها ياناس بالحيل
ودي أسوي لها من الحب ديوان .. وودي أضوي دروبها شموع وقناديل
ربي يحرسها من كل حاسد وشيطان .. ويخليها شمعةٍ تضوي ليلي الطويل
صحيح من قال ان الحب سلطان .. وانا اشهد إن حبك ملكني ياعذب التعاليل
م . ن
$ # إهداء إلى ساكنت قلبي #$