كلمني عشان أخطب له تكفون وش أسوي

أنا يابنات متزوجه من 5 سنوات ولم أرزق بأطفال
عندي زوجة خالي لاعبه فينا لعب
والله يابنات أذتنا أنا وأمي وخواتي
وطلعت علينا كلام
نحسن لها وتسئ لنا
والله يابنات ماخلت شي ألا سوته
تخيلوا يابنات حتى تتشمت فيني عند الناس لأني ماحملت
والله يابنات كنت أدعي لها كل مادعيت لنفسي
ولما شفتها كذا والله مادعيت عليها ولاشي
وبعد 7 سنوات من أذيتها لنا رحت الحرم في رمضان وقلت
يارب أن كان فيها شر فرد كيدها في نحرها
المهم
قبل يومين أتصل علي خالي اللي هو زوجها
وقالي أبغاك تخطبين لي أنا أنصدمت وقلت ليش أش صار
قال أنا حر أبغى أتزوج وأنتي بس أخطبيلي
قلت والله لو أيش ياخال مستحيل
وجلس ساعتين يطلبني وأنا رافضه
قلت أنا ماأحب أخرب حياة أحد
ونصحته وقلت أش ناقصك ياخال كل شي عندك ماشاء الله
زوجتك مافيها شي جمال وذرية يارب لك الحمد
بس هو يبغى وأنا لو أموت ماأزوج أحد حتى لو عدوي
المهم اللي أبغاه منكم أبغى أسوي شي أمنعه من هذا الزواج
وش أسوي تكفون والله ماأحب أحد يتزوج على زوجته