كل العرايس بليز تعالو ابيكم بكلمة راس بس العرايس

كل العرايس بليز تعالو ابيكم بكلمة راس (بس العرايس)
مساء الخيرات ع احلا عضوات
ابدخل في موضوعي ع طول لابلف معكم ولابدور
من زمان وانا حابة اكتب وافضفض واطلع اللي عندي بس ماحصلتلي الفرصه
واللي ابكتبه الحين من تجربة ووالله من قلبي واقوله لكل عرووس وكل وحده
مقبلة ع الزواج وكم تمنيت ان فيه احد نصحني قبل ماتزوج وعلمني حقيقة الامور
وراح اكتبلكم بالعامية علشان يدخل قلبكم ع طول
الحياة الزوجيه بحر لاساحل له وكل يوم يمر تحسين انك تكتشفين زوجك زياده
الحين كل وحده بتتزوج تحس انها متحمسه وتبغي تصلح كل شئ
شوفوا ياحبايبي انا اقولكم لاتطلعون الزين كله مره وحده يعني مو كل يوم لبس
وتمكيج وسشوار وكلفه كذا والله مايصلح تعرفون لية لان الحرمه ماتقعد فاضيه وطيبه
وانتي عروسه اكيد فاضية بس بيصير حمل ووحم وتعب ويجي البيبي ويبدا السهر والتعب
والزوج اكيد بيستغرب وين الكشخه والاهتمام وبعض الرجال مايقدرون وع قولتهم ولدك ع
ماربيتيه وزوجك ع ماعودتيه وبعدين اذا شافك دايما متكشخه وجاء يوم وما كشختي بيستغرب
وبعدين بيصير شكلك مالوف عنده انا مااقول لاتهتمين بشكلك بس يكفي انك مرتبة وريحتك
حلوه مو مبهذله احيانا تمر علينا ظروف ماتخلينا حتي نناظر وجيهنا في المراية والله اعرف
وحده المكياج مايفارق وجهها والملابس الكشخه وحاله وبعد فتره تعبت مسكينه قام الزوج استغرب
قال ليش اهملتي ولاصرتي مثل اول ,,,,,, حاولي انك ماتورين زوجك الزين كله لاتكشفين اوراقك
مره وحده كل فتره اظهري بشكل جديد كذا بتلفتين نظره اكثر واكل العنب حبه حبه.........
لاتعودينه دايما ع الهدوء يعني مو ضروري يجي كل يوم وانتي مرقده العيال علشان الوناسة
هذا خطاء واكبر خطاء لازم يتعود ع اطفاله ويتعود ع ازعاجهم وصوتهم والله سمعت عن حرمه
مايدخل زوجها البيت الا هي منومه عيالها لو بالضرب علشان تسهر هي وتنبسط بس والله
حرام لازم يحسون بدخلة ابوهم ويفرحون فيه ولا اقول ازعجيه لكن عوديه ع عياله لانه بيجي
يوم وماتقدرين تتحكمين في ازعاجهم وهو ماقد تعود وهنا يبدا الملل والزعل ويمكن يضطر يطلع
علشان يهرب من ازعاجهم
ثاني شئ واهم شئ انتبهي لاتصيرين لزقه ومتصربعه عليه ترا الثقل صنعه وكل ماثقلتي
زدتي غلا عنده يعني حاولي انك تغيبين عن عيونه لفتره مثلا وهو في الصالة روحي غرفتك
شوي وطولي فيها الين يفقدك ويناديك او روحي المطبخ صلحي لكم شئ بس طولي شوي
الين يجي ويقول وينك تاخرتي اذا جلستي معاه حاولي بقدر الامكان انك ماتكثرين سواليف
وبربره وخليه يفقد حتي سواليفك وكلامك لان الرجال مايحبون كثرة الكلام والسواليف
نجي الحين للملل في الحياه واتوقع الكل يعاني من الروتين وانا انصح كل زوجها انها تغير
كل فترة في ترتيب غرفتها وحمامها وحتي غرفة الجلوس غيري امكان الاثاث او حتي التحف
لاتكونين انسانة مملة لان الزوجه عمود البيت وهي شمعتة بيتها وكل شئ في ايديها
لو انتظرنا الرجال عز الله متنا من الملل والكاية غيري حتي في الاضاءات مره شغلي الشموع
ومرة الاباجوارات ومره اكشخي بالاضاءت القوية خ وهكذا اطردي الملل بكل
طريقه جددي في اكلكم حتي في مكان الاكل مو دايم نفس المكان حتي لو بالحوش وغيري
في شكلك من فتره لفترة قصي او اصبغي بس لاتكثرين هم تصلعين ويعرس الرجال وتدعين علية
ولاتنسين انك تفرحينه اذا صار عنده مناسبه مثل ترقية او عيد او نجاح في عمل صلحي حفلة لك
انتي وياه وانبسطوا بس نصيحه لاتصير الحفلات عمال ع بطال وتصير ماصخه مالها طعم
الحياه لاتخلو من المشاكل والزوجة الحكيمه هي اللي تقدر انها تتحكم في نفسها وحياتها
دون تدخل خارجي مشكلتنا ياالحريم انا عجولات ونفهم خطاء ونطير بالمشكلة ونبكي وساعات
تصغر عقولنا ونطلب بالانفصال والعياذ بالله وهنا انصح كل زوجة انها تخاف الله في نفسها وزوجها
واذا شافته زعلان لاتوقف في وجهه او تقول يالله ودني لاهلي وش ذا الحياة وكلام ربي اعلم فية
لكن الحمدلله ان العصمة بيد الرجال والا كانت علوم
تذكري دايما ان زوجك جنتك ونارك ولاتفضلين احد علية او تزعلينه علشان فلانة وعلانه
ولاتضغطين علية علشان فستان او ساعة وكل وحده لابد انها ترضي بوضع زوجها ولاترفع
راسها وتناظر للي فوق لكن وطئ راسك وشوفي اللي تحت اللي عايشين عيشه الله اعلم فيها
واحمدالله انه رزقك واشكرية ع نعمه اللي ماتعد ولاتحصي
لاتفكرين ان الحياة كلها رومانسية وطلعة ونزله الزواج مسئولية واسرة وأطفال لكن لاتخلو من اللذه
والالم ومال الانسان راحة الا في الجنه
ان شاء الله يكون موضوعي خفيف دم ع قلوبكم والله يعلم انه من قلبي
واختم موضوعي بهذة الابيات وصلتني ع الايميل
لا تحسبين العرس توفي وكتكات .....
ولا تحسبينه تويكس والا بونتي
ولا تحسبين العرس كيكة وطرطات ....
وصلة قطعتيها ووصلة بلعتي
ولاتحسبين العرس تصفيق واصوات ....
وانتي على صوت الغطاريف همتي
ولاتحسبين العرس كوشة ولمبات....
وانتي كما الطاووس فيها جلستي
ولاتحسبين العرس احلام في الشات .....
ياما بنيتيها وياما هدمتي
ولا تحسبين العرس روحة وجيات ....
هيا اقضبي بيتك عسى مانهبلتي
ليلة سعيدة وانتي احلى الجميلات .....
تشخص عيون الناس اذا حضرتي
( واللاينر ) حطيه بلا زيادات ...
لا يخرب المكياج اذا دمعتي
( والمسكرة ) تحتاج لطف ومدارات ..
حتى يبان الزين اذا رمشتي
( والاسبريه ) رشيه حتى البصيلات ..
يمسك شعرك زين لو كان زدتي
وترى ( المحدد ) فن يحتاج رسمات
يبان رسمه زين اذا ابتسمتي
العرس يابنية ماهو شعارات .....
تفنى مراسيمه وتبقين انتي
ويبقى شريك العمر راعي الطويلات .....
هذا هو العرس حقيقه عرفتي؟
اول نصيحة لك حفظ الصلوات ....
صلي العشا والفجر في كل وقتِ
وفي ليلة العرس الموفق بالذات .....
ادعي الكريم إذا سجدتي
والتعري لاترضين عند الكوفيرات .....
ولبسك يملى العين اذا لبستي
واللي على زوجك تحرضك مرات ....
ارجوك شوتيها شوتت بلنتي
والصبر في العشرة حتى على فتات ....
ياماحلا فعلتك يومك صبرتي
واذا حفظت السر مع المدارات ....
زوجك ترى في عيونه كبرتي
والسوق يعني هاه وقت الضرورات ....
والاترى زوجك يدور لمفتي
زيدي الغطاية وكثري في العبايات .....
والله يرضى عنك اذا سترتي
اوصيك بالكبسة وكثر اليدامات .....
حتى لوانك من سببها متنتي
وخلي الرجيم اللي فشلتي فيه مرات .....
سويه مرة واحدة لا ولدتي
منقول لكم