كل المشيبات كلهم يدخلون هنيا يدخلون

كل الِمشّيبات كلهم يدخلون هِنيَا يدخلون
ياهلا وغلا
بعدد شيب راسك
مالي بالطويله ولا بالمقدمات بدخل دوغري
محدثتكم تعاني من الشيب من يوم هي بالمتوسطه وكل مالهم بأزدياد
وكنت اقصهم ولا من شاف ولا من دري
بس يوم كثروا حسيت بينتهي شعري اذا قصيت كل الشيبات
سويت خلطات كثيره للشيب ولا نفع حتى الصبغه دمرت شعري ولا صبغت الشيب زين
استخدمت صبغات الشيب الخاصه ومو ثابتين (عساهم للماحي) كنه صبغه مؤقته تزول مع الغسل!!
المهم اختي ارسلت لي طريقة طبيعيه لتغميق الشيب بالتدريج بعد ماشافت بأم عينها
اخت زوجها كيف اختفى شيبها
وانا جربتها كل اسبوع مره اسويها والحين بالإسبوع الثالث وماشاء الله لونهم بدا يسود طالع بني غامق ومع
الإستمرار على هالخلطه بيوصل للنتيجه اللي وصلت له اخت زوج اختي بإذن الله
يالله سجلوها وطبقوها كل مقاديرها سهله ومتوفره لكن تبي لها استمرار كل اسبوع فاهمين
نترك العجز من شان تقدرين تفرقين شعرك لأي جهه بكل ثقه:
4ملاعق ميراميه (تغلينها بيبالة مويه )
بيالة شاهي خادر ناقع ( يعني بيالة مويه مغليه وعليها حبة ليبتون او ملعقة تلقيمه )
ملعقة مسمار (قرنفل ،عويدي )
ومن ام افكاري اضفت ملعقة كاكاو
وملعقة كركم
وملعقة نسكافيه
الحين تخلطيهم كلهم بحناء
لمين يصير قوامه مثل قوام الزبادي (الروب)
ادهني الفروه بعدين خصله خصله لمين ينتهي كل الشعر البسي كاب واتركيه اكثر من ساعه واشطفيه
بمويه وبلسم مايحتاج شامبو
واللي شعرهم جاف مثلي بعده بيوم اعملي زيت حمام يعوض شعرك الرطوبه الي فقدها بسبب الحناء
وطريقته:
علبة زبادي (روب ويفضل اللي منتهي مدته )
3 ملاعق حمام زيت ( أي حمام زيت موجود عندك مثل فاتيكا وفاشكول و)
3 ملاعق عسل ( مو شرط طبيعي أي نوع )
3 ملاعق مايونيز
3 ملاعق زيت (أي زيت تحبين )
اخلطيهم زين ودهني شعرك مع الدعك على كل خصله وشربيها زين مو تصيري بخيله (بالقطاره )
والبسي كاب بلاستيك واتركيه ساعتين او اكثر واغسلي عادي ياسلام شوفي الطراوه والإنسيابيه
من دون شيبات يعكرون المزاج
الموضوع غير منقول محدثتكم صاحبة التجربه
وختاما حبايبي لاتنسوني من دعائكم بأن ربي يفرج كربتي ويرزقني ما اتمنى وحلال عليكم النقل