كل فرآشه بذآ المنتدى تدخل أرجوكم ضروري

طيب أختي كم طولك وسمنتك متركزة وين علشان نساعدك

.
أهلين ,
طبعاً المكيآج وآلشعر ب جهه
والجسم ب جهه ثآنيه !
أنتي جآمعيه ,
وفكري كيف آلبنآت هنآك ,
دلع وجسم حلو ..
مآ تبين تكونين زيهم ؟
مآتبين تتمتعين ب جسم رشييق ؟
أول شي .. خلي لك هدف ,
مثلاً إذا جآت الجآمعه تبين وزنك يكون 85 ’
لآ تقسين على نفسك ,
لأن الحرمآن نتآيجه مو كويسه !
وأولهآ أنك إذآ نحفتي ..
بترجعي ل وزنك آلقديم بسرعه ,
عندك رجيمآت كثيررة ..
إذآ مآ تبين آلحرمآن ,
وتبين تآكلين دهون ومقآلي ..
عندك رجيم آلنقآط , السعرآت
أو ب التخفيف ,
" لكن آلنزول فيه بطيء ! - بس مآيرجع وزنك بسرعه "
ممكن تنحفي فيه 1 - 2 كيلو ب الأسبوع ..
وفيه بعد رجيم آلتمر وآللبن ,
ينحف 3 - 5 كيلو ب أسبوع ^^"
وآلريااضه أهم شي ,
وعندك كثير ..
أختآري آللي ينآسبك ,
وتذكري , خلي ل نفسك مهله !
مو تقولي شهر أبي أنحف فيهآ 15 كيلو ..
كل شي ب الصبر يجي ,
حتى لو مآ تنحفين آللآ السنه آلجآيه !
عآدي , أهم شي تنحفين
وإن شاء الله تنحفين وتوصلين ل هدفك ,
’ دعوآتك لي بآلهدآيه وآلصلآح وآلنحف : $

لبى قلبك
انا كنت مثلك كذا غشيمه بكل شي حتى جدتي تعايرني بوسط المجالس وتقول خلي عنك الغشامه
شوفي ياحلوه
اول شي لازم انك تكثرين رياضه وتمارين ودوري بالنت تمارين للاجزاء اللي منتفخه عندك << حلوه منتفخه
وخليك جاده بالتمارين والرياضه
انتي توك صغيره وفيك نشاط استغليه لانك لو تقعدين بهالحاله لين تكبرين بتتدهور امورك فلازم شدة الحيل والعزيمه والاصرار
الرجيم خذي لك رجيم شامل لكل العناصر الغذائيه اهم شي
وانا بقولك شي الرجيم السريع يعني ترهل بالجسم
وانتي على وجه دراسه راح تبلشين باللحم الطايح
انا زمان سويت رجيم سريع لمدة شهر وابشرك خلص الشهر وانا بالمستشفى وبالمغذيات
صح نزل وزني بس يالطيف كيف طلعت كني مثل اللي طالعين من القبور والحبوب انتشرت بجسمي والترهلات جاتني ليومك اعاني منها
فأنتي حتى لو تسوي لك نظام خاص فيك بس اهم شي كامل كل عناصر الغذاء
يعني ماتنقصين الكالسيوم او بروتين بس حددي الكميات اللي تاكلينها وتصلح للرجيم
بالنسبه للميك اب مو شرط تسوين حفله بوجهك عشان تطلعين حلوه
الحين عندك باقي الاجازه كم يوم لين العيد تدربي وخذي مكياج اخواتك وجربي
وفيه اتوقع بعض المواقع يسوون دورات للمكياج وكمان في اليوتيوب فيه بالفديو بس سوي بحث واكتبي make up وشوفي مقاطع الفيديو والفن اللي بيطلع لك
كمان بتلقين لو تسوين بحث هنا بالمنتدى او بقوقل عن ادوات المكياج واستخدمها وانواع البودره
وكل شي تبين تسئلين عنه بتحصليه حتى المصطلحات اللي ماتعرفينها اكتبي في قوقل كيف طرق استخدامها وقوقل مابيقصر ابد
انا بهالحركه صرت فاهمه بالمكياج حتى رسم الحواجب كنت غبيه فيه بشكل فضيع
بس الحمد لله تدربت على الرسم مره ورا مره لين ضبطت اموري والكل يمدح فيني
ام وش بعد
اللبس ياحلوه خليك كول مو يعني انك دبدوبه يعني خلاص تهملين نفسك لا
وبعدين انتي بتروحين الجامعه بتشوفين البنات كيف نظامهم باللبس وخليك مثلهم يعني مثلا لاتاخذين الوان حقت سهرات بالجامعه مااتجي
وصدقيني اصلا ما بتمر هالسنه بالجامعه الا انتي فنانه بكل شي لأنك تلقائي راح تلقين نفسك تتعلمي من اللي حولك واللي حولك يتعلمون منك وهيك
وخليك مرحه وفرفوشه وعيشي حياتك بالطول والعرض ولا يهمك كلام احد يوم يقولك انتي كأنك اكبر من عمرك
هذا انا ياما قالوها لي بس وقت الجد والله مايبغوني اقوم من مجالسهم من حلاوة لساني وفرفرشتي وخفة الحركه اهم شي لأنك اذا كنتي خفيفة الحركه ماراح احد يقولك انك كبيره بعمرك
عندك مثلا منى شداد وهيا الشعيبي شوفي شلون دبدوبات بس خفة حركتهم تعطيهم اعمار اصغر وهم اعمارهم فوق 30 وعندهم عيال
هذا اللي عندي وسوري عالاطاله
واي خدمه ياعسل انا حاضره
بالتوفيق

حبيبتي انا اخواتي كانوا كذا دايم يقولوا لي
بس هذا الشي معناته انهم يحبوك ويبغوك تصيري احلى
اهم شي يكون عندك عزيمه وهدف وان شاء الله بتنحفي
مومهم الفتره الاهم انك توصلي لهدفك

حبيبتي زوري موضوعي بالقسم ..
وابدأي معاي الجمعه ..
كلنا نسوي دايت ونوقف ويرجع الدبل ..
عشان كذا لا تصلحين رجيم معين
استمري على التخفيف او نظام السعرات
انجح نظامين اللي ماراح تتعبك ولا تخلي بنفسك شيئ
وتاكلي اللي تبية بالمعقول ..

لي تعليق على انك بتتبعي رجيم سريع ثم تحافظي على نزولك وتتبعي رجيم عادي
معليش حبيبتي هذا الشيء مو بإستطاعتك لأن بيكون عندك ردة فعل ماتقاوم وبيصير هالشيء غصب عنك جسمك يكون فيه شراهه عجيبه انا جربت كل انواع الرجيمات بس دمرت لي جسمي صح انحف لكن ارجع والله غصب عني مااقدر اتحكم بشهيتي
لكن اقولك اتبعي نظام غذائي معقول
او انك تخففين اكل بالفطور والغدا .................. والعشاء يكون دائما زبادي قليل دسم + سلطه او فاكهه
هذا بتنحفين عليه 2 بالإسبوع + رياضه طبعا
اما من ناحية شعرك وسناعتك بقولك المنتدى والله مايقصر ماتدخلين قسم الا تحصلين فائده اكثر من الثاني
بس انتي اعطي نفسك مجال ووقت ولاتحددين ان هالشهر لازم تتغيرين ولازم تتعدلين وبتصيرين وحده ثانيه و
لا حبيبتي
اشتغلي على نفسك سنه تعلمي واكسبي معلومات وش المشكله بعد سنه تحصلين نفسك رشيقه وشعرك حلو وميكياجك رايق وشغلك تمام
اللهم لك الحمد لي سنه بالتخفيف ماحسيت بكآبة الرجيم مثل قبل وبنفس الوقت الحمدلله خسرت وزن وبإذن الله مارح يرجع

ياقلبي ماحبيت امر بموضوعك بدون ماادعي لك .. الله ينحفك وانتي بصحة وعافية
وتوصلي لهدفك .. مثل ماعلقوا العضوات قبل المسالة تعتمد عليك بعد الله عزوجل
اذا انت عندك نية واصرار كل شيء يهون .. ورحلة الالف ميل تبدا بخطوة ، عشان
كده اعقلها وتوكل واختك في الله كنت اشوف عارضات الازياء واتحسف على نفسي
كان وزني مايتعدى ال52 ولو صار اكثر اشوف نفسي سمينة واخفف او اسوي ريجيم
بس ذا كان ايام الشباب <<<< تتكلم كانها عجوز>>>> المهم لما شفت مافي
ولا فستان او بنطلون يجي مفاسي وكل اللي حوالي يحسبوني حامل قررت في
صباح يوم من الايام اتخذ خطوة جادة اولها الامتناع عن الحلويات والشيبسات والاكل
بين الوجبات وبديت الرحلة من تخفيف الى ريجيم الشوربة الى التمر باللبن على
الرغم من اني مانزلت الا كيلوين ونص بشهر وكم يوم وكنت معلقة امالي اني انزل
اكثر من كثر ماحرمت نفسي ومشيت وسويت تمارين بس اللي مشجعني المثل
اللي يقول مايذهب سريعا يعود سريعا <<< خ من تاليفي
المهم عليك بنقطة الانطلاق وهذي انتي تحددي وقتها ولو تشتركي باي قروب
من القروبات عشان تلمسي تشجيع اكثر يكون افضل واحنا كلنا اخوات ان شاء الله.
دعواتي لك بالتوفيق.